Միջազգային աշխարհագրական միություն

Միջազգային աշխարհագրական միություն;
Տեսակ	international association? և գիտական կազմակերպություն
Հիմնադրված	1922
Գլխադասային գրասենյակ	Քեյփթաուն, ՀԱՀ և Դելի, Հնդկաստան
Պաշտ. լեզու(ներ)	անգլերեն և ֆրանսերեն
Կայք	igu-online.org/#

Միջազգային աշխարհագրական միություն, ՄԱՄ (անգլ.՝ International Geographical Union, ֆր.՝ Union Géographique Internationale), աշխարհագրագետների միջազգային գիտական միավորում։ Հիմնադրվել է 1922 թվականին։ Մտնում է Գիտական միությունների միջազգային խորհրդի կազմի մեջ։ Միջազգային աշխարհագրական միությունը կոչված է օգնելու աշխարհագրական գիտական պրոբլեմների ուսումնասիրությանը, միջազգային համագործակցություն պահանջող հարցերի գիտական քննարկմանը և հրատարակությանը։ Անց է կացնում միջազգային աշխարհագրական կոնգրեսներ (23-րդը՝ Մոսկվայում, 1976 թվականին), ռեգիոնալ կոնֆերանսներ, հիմնադրում հանձնաժողովներ (կոնգրեսների միջև ընկած ժամանակամիջոցում միության հարցերը լուծելու համար)։ Միջազգային աշխարհագրական միության գործունեությունը ղեկավարում է Գլխավոր ասամբլեայի կողմից ընտրված Գործադիր կոմիտեն։ ՄԱՄ-ին միացած են Միջազգային քարտեզագրական և չորրորդական ժամանակաշրջանի նստվածքներն ուսումնասիրող ասոցիացիաները (ՄՔԱ)։

1976 թվականին (Մոսկովյան կոնգրես) ՄԱՄ-ի ազգային ատլասների հանձնաժողովի և քարտեզագրական սիմպոզիումների նիստերը տեղի ունեցան Երևանում։

Սա անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։
Այս նշումը հարկավոր է փոխարինել համապատասխան թեմատիկ նշումով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 568)։