Միշել Տեր-Զաքարյան

Միշել Տեր-Զաքարյանը (ծնված՝ 18 փետրվարի, 1963, Երևան), ֆրանսահայ նախկին ֆուտբոլիստ է և մարզիչ, Նանտ ակումբի գլխավոր մարզիչը։

Միշել Տեր-Զաքարյան ֆր.՝ Michel Der Zakarian
Անձնական տվյալներ
Քաղաքացիությունը	Ֆրանսիա և  Հայաստան
Ծննդյան ամսաթիվ	փետրվարի 18, 1963 (60 տարեկան)
Ծննդավայր	Երևան, ԽՍՀՄ
Հասակ	1.80 մ
Դիրք	Պաշտպան
Պատանեկան կարիերա
1969-1974 1974-1979 1979-1980	Վիվո Մարոնիե Մազարգ Նանտ
Մասնագիտական կարիերա*
Տարի	Ակումբ	Խաղ	(Գոլ)
1980-1988 1988-1998	Նանտ ՖԱ Մոնպելյե ՖԱ	166 (2) 263 (16)
Ազգային հավաքական
1980 1996-1997	Ֆրանսիա Հայաստան	0 (0) 5 (0)
Մարզչական կարիերա
1998-1999 1999-2000 2001-2006 2007-2008 2009-2012 2012-	Մոնպելյե Գ Մոնպելյե Բ Մոնպելյե Բ Նանտ ՖԱ Կլերմոն ՖԱ Նանտ ՖԱ
* Մասնագիտական կարիերայում ընդգրկված են միայն առաջնության խաղերը և գոլերը:

Երիտասարդական կարիերա

Միշել Տեր-Զաքարյանը ծնվել է Երևանում, իսկ կարիերան սկսել է Մարսելի «Vivaux Marronniers Sports» ակումբում։ 1974 թվականին նա միացել է Մարսելի «Մազարգ» ակումբին, որի կազմում նվաճել է միջերկրածովյան խաղերի երիտասարդական լիգայի գավաթը։

Նանտ

1979 թվականին Կանարյան կղզիներում Միշել Տեր-Զաքարյանը պայմանագիր ստորագրեց «Նանտի» հետ։ Մեկ տարի անց նա ակումբի հետ հաղթեց Ֆրանսիայի 3-րդ դիվիզիոնում։ Տարվա վերջում Միշելը հրավիրվեց Ֆրանսիայի երիտասարդական հավաքական։

1981-1982 մրցաշրջանում Պատրիս Ռիոյի վնասվածքի պատճառով Զաքարյանը 18 խաղ անցկացրեց՝ կենտրոնական պաշտպանների զույգ կազմելով Մաքսիմ Բոսիսի հետ։ 1983 թվականին նա Նանտի հետ Ֆրանսիայի չեմպիոն է դարձել։ 1985 և 1986 թվականներին ակումբի հետ դարձել է երկրի փոխչեմպիոն, իսկ 1986 թ. ՈՒԵՖԱ-ի գավաթի խաղարկությունում հասել է քառորդ եզրափակիչ։ Միշելը «Նանտում» անցկացրեց 9 մրցաշրջան և 1988 թ. տեղափոխվեց «Մոնպելյե»։

Հայաստանի ազգային հավաքականում ելույթները

Խաղ	Ամսաթիվ	Մարզադաշտ	Մրցակից	Հաշիվ	Մրցաշար
1	31 օգոստոս 1996	Հրազդան մարզադաշտ Երևան	Պորտուգալիա	0-0	1998 թ. Աշխարհի առաջնության որակավորման փուլ
2	9 հոկտեմբեր 1996	Հրազդան մարզադաշտ Երևան	Գերմանիա	1-5	1998 թ. Աշխարհի առաջնության որակավորման փուլ
3	30 մարտ 1997	Բորիս Պայչաձե մարզադաշտ Թբիլիսի	Վրաստան	0-7	Ընկերական խաղ
4	30 ապրիլ 1997	Հրազդան մարզադաշտ Երևան	Հյուսիսային Իռլանդիա	0-0	1998 թ. Աշխարհի առաջնության որակավորման փուլ
5	7 մայիս 1997	Կիև	Ուկրաինա	1-1	1998 թ. Աշխարհի առաջնության որակավորման փուլ

Նվաճումներ

• Ֆրանսիայի չեմպիոն – 1983 թ. Նանտի կազմում
• Ֆրանսիայի առաջնության արծաթե մեդալակիր – 1985, 1986 Նանտի կազմում
• Ֆրանսիայի գավաթակիր – 1990 թ. Մոնպելյեի կազմում