Միհրդատ Ամրիկյան

Միհրդատ Ամրիկյան;
Ծնվել է	մայիսի 1, 1843
Ծննդավայր	Ծինուբան, Ախմետայի մունիցիպալիտետ, Վրաստան
Մահացել է	փետրվարի 5, 1879 (35 տարեկան)
Մահվան վայր	Թիֆլիս, Կովկասի փոխարքայություն, Ռուսական կայսրություն
Կրթություն	Ներսիսեան դպրոց (1858)
Ազգություն	հայ
Մասնագիտություն	դերասան և գրող

Միհրդատ Հովհաննեսի Ամրիկյան (Հովհաննես Ամերիկյան) (1843, մայիսի 1 (13), գ. Ծինուբան (այժմ՝ Վրաստանի Ախալցխայի շրջանում) - 1879, փետրվարի 5 (17), Թիֆլիս), հայ դերասան, գրող։ Արևելահայ պրոֆեսիոնալ թատրոնի հիմնադիրներից։

ԿենսագրությունԽմբագրել

Միհրդատ Ամրիկյանը ծնվել է Ախալցխայի Ծինուբան գյուղում։ Սովորել է տեղի ծխական դպրոցում, 1853-1858 թվականներին՝ Թիֆլիսի Ներսիսյան դպրոցում։ Եղել է Ներսիսյան դպրոցի աշակերտական ներկայացումների կազմակերպիչներից։ 1860 թվականին Սարգիս Վանանդեցու «Միհրդատ» ողբերգության գլխավոր դերը հաջողությամբ կատարելու համար, ստացել է «Միհրդատ» անունը։ 1863 թվականից աշխատել է Պերճ Պռոշյանի, 1864 թվականից՝ Գևորգ Չմշկյանի թատերախմբերում։ Եղել է արևելահայ պրոֆեսիոնալ թատրոնի հիմնադիրներից, Գաբրիել Սունդուկյանի կերպարների առաջին և լավագույն մարմնավորողներից^[1]։

Եղել է թատերական քննադատ, երգիծաբան, հրապարակախոս։ Հետևել է Վ. Բելինսկու գեղագիտական սկզբունքներին։ Եղել է «Մշակ» թերթի առաջին աշխատակիցներից։ 1872-1873 թվականներին ղեկավարել է երգիծանքի բաժինը «Չաքուճ» ստորագրությամբ, տպագրել է ֆելիետոնների շարք։

Գրել է ոտանավորներ, կատարել թարգմանություններ։

Հյուրախաղերով հանդես է եկել Ախալցխայում, Գորիսում, Քութայիսում, Գանձակում, Շուշիում, Ալեքսանդրապոլում, Երևանում։ 1874-1877 թվականներին գործել է Կ. Պոլսում, բեմադրել է Շիլլերի «Ավազակներ», Սունդուկյանի «Պեպո» և այլ ներկայացումներ^[2]։

ՄահըԽմբագրել

Նյութական ծանր վիճակի պատճառով վերադարձել է Թիֆլիս, ուր հիվանդացել և ինքնասպան է եղել^[3]։

ԴերերԽմբագրել

Զամբախով՝ Սունդուկյանի «Խաթաբալա»
Սարգիս՝ Սունդուկյանի «էլի մեկ զոհ»
Զիմզիմով՝ Սունդուկյանի Պեպո»
Ֆրանց Սոոր՝ Շիլլերի «Ավազակներ»
Կիվկիվ՝ Ն. Փուղինյանի «Դալալ Ղաղո»
Կարապետ, Գասպար՝ Ս. Տեր-Գրիգորյանի «Էս էլ քի մոցիքլութին»
Գասպար՝ Ս. Տեր-Գրիգորյանի «Նինոյին շնվիլը»
Մեծ սատանա՝ Սունդուկյանի «Օսկան Պետրովիչը էն կինքումը»

ԳրականությունԽմբագրել

Սուրեն Հարությունյան, Միհրդատ Ամրիկյան, Երևան, 1959 թ.

ԾանոթագրություններԽմբագրել

↑ Ասատուր Փաշայան, Հայ մշակույթի վաղամեռիկ գործիչներ, Ե., 2002, էջ 21
↑ «AV Production - Միհրդատ Ամրիկյան»։ avproduction.am։ Վերցված է 2018-08-21
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 333)։

[1] Ասատուր Փաշայան, Հայ մշակույթի վաղամեռիկ գործիչներ, Ե., 2002, էջ 21

[2] «AV Production - Միհրդատ Ամրիկյան»։ avproduction.am։ Վերցված է 2018-08-21

[3] Ով ով է. Հայեր. Կենսագրական հանրագիտարան, հատոր առաջին, Երևան, 2005

[1]

[2]

[3]

Միհրդատ Ամրիկյան

Ծնվել է	մայիսի 1, 1843(1843-05-01)
Ծննդավայր	Ծինուբան, Ախմետայի մունիցիպալիտետ, Վրաստան
Մահացել է	փետրվարի 5, 1879(1879-02-05) (35 տարեկան)
Մահվան վայր	Թիֆլիս, Կովկասի փոխարքայություն, Ռուսական կայսրություն
Կրթություն	Ներսիսեան դպրոց (1858)
Ազգություն	հայ
Մասնագիտություն	դերասան և գրող