Մերի Մովսիսյան

երգչուհի

Մերի Մովսիսյան, հայ օպերային երգչուհի։ Ծնվել է Երևանում: 2010 թվականին գերազանց ավարտել է Երևանի Կոմիտասի անվան պետական կոնսերվատորիայի վոկալի բաժինը, պրոֆեսոր Աննա Սարաջյանի վոկալ դասարանը [1]: 2011 թվականին գերազանց ավարտել է Երևանի Կոմիտասի անվան պետական կոնսերվատորիայի մագիստրատուրան և ստացել ոսկե մեդալ և հատուկ մրցանակ Ռումինիայում անցկացվող երիտասարդ երգիչների «Դարքլեի» մրցույթի ժամանակ: Նա եղել է «Տաթևիկ Սազանդարյան» դասական վոկալ մրցույթի դափնեկիր և ստացել առաջին մրցանակը:

Մերի Մովսիսյան
Mary Movsisyan.jpg
Ծնվել էԵրևան
ԵրկիրՀայաստան
Ժանրերօպերա
Մասնագիտությունօպերայի երգչուհի, մենակատար
Երգչաձայնսոպրանո
Գործունեությունայժմ
Կայքyoutube.com/channel/UCzp4w94ZwpNOG79TWuZP03w
Mary Movsisyan Վիքիպահեստում

ԳործունեությունԽմբագրել

2014 թվականին Մերի Մովսիսյանը մասնակցել է Բելգիայի թագուհի Էլիզաբեթին նվիրված միջազգային մրցույթին: Նա հաճախել է ԱՊՀ-ի երիտասարդ երգիչների համար վոկալ դասերին, որը կազմակերպել էր Յուրի Բաշմետը Բելառուսի ակադեմիայում, և պրոֆեսոր Սվետլանա Նեստերենկոյի և Դմիտրի Վդովինի վոկալ դասընթացները [2]։

2011 թվականին, Մոսկվայի կոնսերվատորիայի ամառային միջազգային դպրոցը ավարտելուց հետո (պրոֆեսոր Պյոտր Գլուբոկիի դասընթաց), նա մասնակցեց Մոսկվայի «Բարձրացող աստղերը Կրեմլում» փառատոնին «Մոսկվայի վիրտուոզներ» կամերային նվագախումբի նվագակցությամբ, որը գլխավորում էր դիրիժոր Վլադիմիր Սպիվակովը, և ստացավ Ռուսաստանի Դաշնության առաջին տիկին Սվետլանա Մեդվեդևայից «Երախտագիտության վկայագիր»:

2011 թվականին նա մասնակցություն ունեցավ «Մոսկվան դիմավորում է ընկերներին» փառատոնում: Նույն թվականին Մերի Մովսիսյանը մասնակցեց Լոնդոնի Սբ. Ջոն Սմիթ համերգասրահում կազմակերպված Հայաստանի երիտասարդ երգիչների համերգին: 2013 թվականից Մերին Երևանի Ա. Սպենդիարյանի անվան օպերայի և բալետի ազգային ակադեմիական թատրոնի մենակատար է, որտեղ նա կատարում է Միքաելայի դերը «Կարմեն» օպերայում, Անուշի դերը «Անուշ»-ում [3] , Պամինայի դերը «Կախարդական սրինգ»ում («Die Zauberflöte»)[4], Մանոնի դերերգը «Մանոնում»[5], Վիոլետայի դերը «Տրավիատա»-ում և շատ ուրիշ դերերգեր [6]:

Մերի Մովսիսյանը հաճախել է Միրելլա Ֆրենիի վարպետության դասերը Իտալիայում, Աքսել Էվերաերթի՝ Նիդերլանդներում, Բարբարա Ֆրիտոլիի և Դեյլի Ֆանդինգի դասընթացները Երևանում և այլն: 2018 թվականին նա մասնակցել է «Կերկրադե» փառատոնին Նիդերլանդներում: Նա մի քանի ելույթ է ունեցել նաև Դուբայի Օպերայի թատրոնում, Քուվեյթի Օպերայի և բալետի թատրոնում և այլ օպերային բեմահարթակներում։

ԴերակատարումներԽմբագրել

Օպերա Դեր [6]
Մոնթեգյուներ և Կապուլետիներ Ջուլիետ
Մանոն Լեսկո Մանոն [5]
Կախարդական սրինգ Պամինա [7]
Ֆիգարոյի ամուսնությունը Սյուզաննա
Ջանի Սկիկի Լաուրետա
Ցարի հարսնացուն Մարֆա
Ճանապարհորդություն դեպի Ռեյնս Կորինա
Իոլանտա (օպերա) Իոլանտա
Կարմեն Միքաէլա
Անուշ Անուշ [3]
Ռիգոլետտո Ջիլդա
Տրավիատա Վիոլետա

Օրատորիաներ և սիմֆոնիկ ստեղծագործություններԽմբագրել

Կոմպոզիտոր Ստեղծագործություն
Մոցարտ Ռեքվիեմ
Պերգելեզի Stabat Mater
Պուլենկ Stabat Mater

ՊատկերասրահԽմբագրել

ԾանոթագրություններԽմբագրել

Արտաքին հղումներԽմբագրել