Բացել գլխավոր ցանկը

«Մեծ հարսանիքը» (անգլ.՝ The Big Wedding), 2013 թվականի ամերիկյան կատակերգական մելոդրամա, որի ռեժիսորը Ջասթին Զակեմն է։ Գլխավոր դերերում Քեթրին Հայգլը և Ռոբերտ Դե Նիրոն են։ Այս ֆիլմի համար Քեթրին Հայգլը առաջադրվել է «Ոսկե ազնվամորի» հակամրցանակի, որպես վատագույն դերասանուհի։

Picto infobox cinema.png
Մեծ հարսանիքը
The Big Wedding
The Big Wedding Poster.jpg
ԵրկիրFlag of the United States.svg ԱՄՆ
Ժանրռոմանտիկ կատակերգություն և comedy of remarriage?
Թվական2013 և մայիսի 30, 2013[1]
Լեզուանգլերեն
ՌեժիսորՋասթին Զակեմ[2][3][4][5]
ՊրոդյուսերՋասթին Զակեմ
Սցենարի հեղինակՋասթին Զակեմ[6]
ԴերակատարներԱմանդա Սայֆրիդ[5][7][6], Ռոբերտ Դե Նիրո[3][4][5][7][6], Քեթրին Հեյգլ[4][5][7][6], Ռոբին Ուիլյամս[4][6], Տոքեր Գրեյս[7][6], Սյուզան Սարանդոն[4][6], Դայան Քիթոն[4][5][7][6], Բեն Բարնս[6], Քրիստին Էբերսոուլ[6], Մարկ Բլուկաս[6], Քրիստա Քեմփբել[6], David Rasche?[6], Patricia Rae?[6], Megan Ketch?[6] և Kyle Bornheimer?
ՕպերատորՋոնաթան Բրաուն
ԵրաժշտությունՆաթան Բար
Պատմվածքի վայրԿոնեկտիկուտ
Նկարահանման վայրԿոնեկտիկուտ
ԿինոընկերությունMillennium Films
Տևողություն90 րոպե
Պաշտոնական կայքէջ

Այս ֆիլմը 2006 թվականին նկարահանված ֆրանսիական «Իմ եղբայրը ամուսնանում է» (Mon frère se marie, ռեժիսոր՝ Ժան Ստեֆան Բրոն) ֆիլմի ռիմեյքն է[8]։

Ֆիլմի կարգախոսն է. «Դուք հրավիրված եք որպես վկա»[9]։

ՍյուժեԽմբագրել

Ֆիլմը պատմում է Գրիֆինների և Օ’Քոնորների կյանքի մասին։ Ալեխանդրո Գրիֆինը (Բեն Բարնս) որոշել է ամուսնանալ Միսսի Օ’Քոնորի հետ (Ամանդա Սեյֆրիդ)։ Սակայն նրանց խնդրի առաջ են կանգնեցնում բարեկամները։ Միսսիի հայրը հետաքննության մեջ է խարդախություն անելու համար։ Միսսիի մայրը տանել չի կարողանում Ալեխանդրոյին, քանի որ չի ուզում «սրճագույն» թոռներ ունենալ. ըստ սյուժեի Ալեխանդրոն ծնվել է Կոլումբիայում։

Ալեխանդրոյի ընտանիքը շատ ավելի մեծ է։ Նա երեք մայր ունի՝ կենսաբանական մայր Մադոննան, իրեն որդեգրած Էլլի Գրիֆինը և Բիբի Մաքբրայդը, որի հետ իր խորթ հայրը ապրում է վերջին 10 տարիներին։ Գրիֆինները նաև հարազատ երեխաներ ունեն՝ Ջարեդը և Լայլան, իսկ Մադոննան դուստր ունի՝ Նուրիան։ Դոն Գրիֆինը, ով զվարճասեր քանդակագործ է և կանանց սիրահար, դեռ չի կողմնորոշվում, թե ում հետ է ապրելու՝ Էլլիի, թե Բիբիի։

Մադոննան իրական կաթոլիկ է, ծնունդով Կոլումբիայից։ Որպեսզի նա դժբախտ չհամարի Ալեխանդրոյին, վերջինս խնդրում է Էլլիին և Դոնին ամուսնացած ձևանալ։ Սակայն ինքը՝ Մադոննան, խոստովանում է, որ ինքն էլ դավաճանել է իր ամուսնուն։ Նուրիան ծայրահեղ անկաշկանդ և ազատամիտ աղջիկ է։ Ջարեդը, ով բժիշկ-գինեկոլոգ է, 29 տարեկան է, սիրված է աղջիկների կողմից։ Նա որոշել է, որ հարաբերություններ չի ունենալու աղջիկների հետ, մինչև չհանդիպի իր միակ սիրուն։ Նուրիայի և Ջարեդի մեջ փոխադարձ զգացմունքներ են արթնանում։

Լայլան (Քեթրին Հայգլ) աշխատում է իրավաբանական ձեռնարկությունում։ Նա 30-ն անց է, 4 տարի է բուժվում է և չի կարողանում հղիանալ։

Ալեխանդրոն և Միսսին փորձում են փախչել իրենց շրջապատող քաոսից, սակայն բարեկամները կանգնեցնում են նրանց։ Նշանադրությունը այնուամենայնիվ տեղի է ունենում, և ամեն ինչ բարեհաջող է ավարտվում։ Դոնը մնում է Բիբիի հետ։ Լայլան հղիանում է և դուստր է ունենում։ Դոնը ընտանեկան ծառին ավելացնում է Լայլայի աղջկա՝ Ջեյնի անունը, այդ ժամանակ ասելով. «Քո բոլոր տատիկները փոքր-ինչ խելագար են»։

ԴերերումԽմբագրել

ԾանոթագրություններԽմբագրել

Արտաքին հղումներԽմբագրել