Մարտին Ավետիսյան
- Վիքիպեդիայում կան հոդվածներ Ավետիսյան ազգանունով այլ մարդկանց մասին։
Մարտին Աբրահամի Ավետիսյան (ապրիլի 13, 1925[1], Երևան, Հայկական ԽՍՀ, ԱԽՖՍՀ, ԽՍՀՄ - հունիսի 26, 1994, Երևան, Հայաստան), հայ բեմադրիչ, ռեժիսոր, դերասան։ ՀԽՍՀ արվեստի վաստակավոր գործիչ (1977)։ Երկրորդ համաշխարհային պատերազմի Արևելյան ռազմաճակատի («Հայրենական մեծ պատերազմ», 1941-1945) մասնակից։
 | |
|---|---|
| Ծնվել է | ապրիլի 13, 1925[1] |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | հունիսի 26, 1994 (69 տարեկան) |
| Մահվան վայր | Երևան, Հայաստան |
| Կրթություն | Երևանի պետական գեղարվեստա-թատերական ինստիտուտ |
| Մասնագիտացում | ռեժիսոր |
| Պարգևներ |   և  |
Կենսագրություն խմբագրել
Մարտին Ավետիսյանը ծնվել է 1925 թվականի ապրիլի 13-ին, Երևանում։ Սովորել է Ստեփան Շահումյանի անվան դպրոցում, ընդունվել պոլիտեխնիկական ինստիտուտ, ուսումնառությանը զուգահեռ աշխատել է Երևանի երաժշտական կոմեդիայի թատրոնում որպես հուշարար։
1953 թվականին ավարտել է Երևանի գեղարվեստա-թատերական ինստիտուտը։ 1942-1956 թվականներին (ընդհատումներով)՝ Հակոբ Պարոնյանի անվան երաժշտական կոմեդիայի պետական թատրոնի, 1956 թվականից՝ ՀԽՍՀ հեռուստաստուդիայի ռեժիսոր[2][3]։
Մասնակցություն Երկրորդ համաշխարհային պատերազմին խմբագրել
Պատերազմի օրերին Ավետիսյանը Թամանյան դիվիզիայի 526-րդ գնդի երկրորդ գումարտակում եղել է ջոկի հրամանատար։ 1944 թվականի հունվարի 27-ին, Կերչի փողոցային կռիվների ժամանակ ծանր վիրավորվել է և կորցրել ձախ ոտքը, զորացրվել է ռազմաճակատից որպես հաշմանդամ։
Ավետիսյանը պարգևատրվել է «Հայրենական մեծ պատերազմի առաջին աստիճանի» և «Հայրենական պատերազմի երկրորդ աստիճանի» շքանշաններով[4]։
Պարգևներ խմբագրել
- Հայրենական մեծ պատերազմի առաջին աստիճանի շքանշան
- Հայրենական պատերազմի երկրորդ աստիճանի շքանշան
- ՀԽՍՀ արվեստի վաստակավոր գործիչ (1977)
Բեմադրություններ խմբագրել
- Լոպե դե Վեգայի «Պարերի ուսուցիչը» (ԵԵԿԹ)
- Մոլիերի «Ակապենի արարքները» (ԵԵԿԹ)
- Ասաֆևի «Բախչիսարայի շատրվանը» (հեռուստաթատրոն)
- Ռոսսինիի «Սևիլյան սափրիչ» (հեռուստաթատրոն)
- «Ջութակահարի պատմածը» (ըստ Հրաչյա Քոչարի, հեռուստաթատրոն)
Ծանոթագրություններ խմբագրել
- ↑ 1,0 1,1 http://am.hayazg.info/index.php?curid=1625
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «Մարտին Ավետիսյանի մասին Էյ Վի Փրոդաքշն կայքում». Արխիվացված է օրիգինալից 2020 թ․ հունիսի 27-ին. Վերցված է 2020 թ․ հունիսի 24-ին.
- ↑ Մուսաները չլռեցին։ Հայաստանի մշակույթի գործիչները 1941-1945 թթ. հայրենական մեծ պատերազմում, զոհված հայ արվեստագետներ։ Գիրք I. - Եր.: Խորհրդային գրող, 1989 թ., 392 էջ:
 | Վիքիդարանն ունի նյութեր, որոնք վերաբերում են «Մարտին Ավետիսյան» հոդվածին։ |