Մարին Հինքլ
Մարին Հինքլ (անգլ.՝ Marin Hinkle, մարտի 23, 1966[1], Դար-էս-Սալամ, Dar es Salaam Region, Տանզանիա), ամերիկացի դերասանուհի, որն առավել հայտնի է «Երկուս և կես մարդ» և «Նորից և կրկին» հեռուստասերիալներում խաղացած դերերով։
 | |
|---|---|
 | |
| Ծնվել է | մարտի 23, 1966[1] (58 տարեկան) |
| Ծննդավայր | Դար-էս-Սալամ, Dar es Salaam Region, Տանզանիա |
| Կրթություն | Բրաունի համալսարան, Թիշչ արվեստի դպրոց և Նյուտոն Սաութի ավագ դպրոց |
| Քաղաքացիություն |  ԱՄՆ |
| Մասնագիտություն | դերասանուհի, հեռուստատեսային դերասանուհի, կինոդերասանուհի և թատրոնի դերասանուհի |
Կյանք և կարիերա խմբագրել
Մարին Էլիզաբեթ Հինքլը ծնվել է Տանզանիայի Դար-էս-Սալամ քաղաքում[2]։ Ավարտել է Պրովիդենսի Բրաունի համալսարանը, իսկ հետո՝ 1991 թվականին՝ «Նյու Յորքի համալսարան»ի արհեստի բաժինը[3]։
Հինքլը 1994 թվականին ոչ մեծ դերով առաջնաելույթ է ունեցել «Էնջի» ֆիլմում, իսկ հետո նկարահանվել է «Ուրիշ աշխարհ» սերիալում։ Վերջին մի քանի տարիներին հիմնականում հայտնվել է անկախ ֆիլմերում և նկարահանվել է այնպիսի հեռուստասերիալներում, ինչպիսիք են՝ «Սփին-Սիթի» և «Շտապ օգնություն»։ Հինքլը ճանաչում է ձեռք բերել ABC ալիքի «Նորից և կրկին» դրամատիկական ֆիլմում խաղացած Ջուդի Բրուքսի՝ գլխավոր հերոսուհու քրոջ դերով, որտեղ նկարահանվել է 1999-2002 թվականներին։
2003 թվականին «Երկուս և կես մարդ» կատակերգական ֆիլմում ստացել է Ջոն Քրայերի կնոջ՝ Ջուդի Հարպերի դերը։ Նա առաջին մի քանի եթերաշրջաններում եղել է մշտական դերասան և պարբերաբար երևացել է նաև ավելի ուշ։ Սերիալի նկարահանումների ընդմիջումներին Մարին Հինքլը նկարահանվել «Նախկին սիրեկանը», «Կարանտին», «Մոլլի Հարթլի ուրվականները», «Պատկերացրեք որ» ֆիլմերում, ինչպես նաև հյուրի դերում՝ «Բժիշկ Հաուս», «Օրենք և կարգ։ Հատուկ ստորաբաժանում» և «Քույրեր ու եղբայրներ» սերիալներում։ 2012 թվականին Հինքլը ստացել է առաջին կարևոր դերը «Խաբեություն» դրամատիկական հեռուստասերիալում[4]։
Ֆիլմագրություն խմբագրել
| Տարի | Հայերեն անվանում | Բնօրինակ անվանում | Դեր | |
|---|---|---|---|---|
| 1994 | ֆ | Էնջի | Angie | երիտասարդ Ջոան |
| 1995 | ս | Ուրիշ աշխարհ | Another World | Էլլիսոն Վան Րոհան |
| 1997 | ս | Սփին-Սիթի | Spin City | Քերոլին |
| 1999—2002 | ս | Կրկին և նորից | Once and Again | Ջուդի Բրուքս |
| 2004 | ս | Շտապ Օգնություն | ER | Քեթի |
| 2005 | ս | Բժիշկ Հաուս | House M.D. | Նաոմի Ռենդոլֆ |
| 2007—2011 | ս | Եղբայրներ և քույրեր | Brothers & Sisters | Քորթնի Մաքքալիսթեր |
| 2011 | ֆ | Լավ բժիշկը | The Good Doctor | Բժիշկ Սեյլեր |
| 2016 | կֆ | Թեյլորի պատմությունը | A Taylor Story | Րայլի |
| 2014-2015 | ս | Կարմիր ապարանջանները | Red Band Society | Քերոլայն Չոտա |
| 2014-2019 | ս | Տիկին պետքարտուղար | Madam Secretary | Իզաբել |
| 2017 | Ջումանջի։ Ջունգլիների կանչը | Jumanji: Welcome to the Jungle | Սփենսերի մայր |
Ծանոթագրություններ խմբագրել
- ↑ 1,0 1,1 Internet Broadway Database — 2000.
- ↑ «Marin Hinkle Biography (1966-)». Film Reference. Վերցված է 2012 թ․ հուլիսի 13-ին.
- ↑ «NYU Graduate Acting Alumni». 2011. Արխիվացված օրիգինալից 2012 թ․ սեպտեմբերի 11-ին. Վերցված է 2011 թ․ դեկտեմբերի 1-ին.
- ↑ «Marin Hinkle Made Regular On New NBC Drama Series 'Infamous'». Deadline.com. Արխիվացված օրիգինալից 2012 թ․ սեպտեմբերի 23-ին. Վերցված է 2012 թ․ հուլիսի 13-ին.
 | Վիքիպահեստն ունի նյութեր, որոնք վերաբերում են «Մարին Հինքլ» հոդվածին։ |