Մասնակից:LianaMkrtchyan2004/Ջոն Բենսոն
LianaMkrtchyan2004/Ջոն Բենսոն |
---|
Ջոն Բենսոն (անգլ.՝ John Prentiss Benson, ), ամերիկացի ճարտարապետ և ծովանկարիչ[1]:
Կյանք և աշխատանք խմբագրել
Ծնվել է 1865 թվականի փետրվարի 8-ին Մասսաչուսեթս նահանգի Սեյլեմ քաղաքում, նկարիչ Ֆրենկ Բենսոնի եղբայրն է: Ճարտարապետի կրթություն է ստացել Ժյուլիանի ակադեմիայում և Փարիզի Գեղարվեստի դպրոցում: Վերադառնալով ԱՄՆ` 1893 թվականին նա ամուսնացել է Սառա Բիսել Վիթմանի հետ, նրանք ապրում էին Նյու Ջերսի նահանգի Պլեյնֆիլդ քաղաքում, այնուհետև տեղափոխվել են Նյու Յորքի Ֆլաշինգ քաղաք:
Բենսոնն աշխատել է Նյու Յորքի McKim, Mead & White ճարտարապետական ֆիրմայում: Այնուհետև իր ընկերոջ` Ալբերտ Լևրեթ Բրոքվեյի հետ (ում հետ կրթություն էր ստացել Եվրոպայում) ստեղծել են իրենց սեփական` Բենսոն և Բրոքվեյ (անգլ.՝ Benson and Brockway) ընկերությունը: 1922 թվականին Բենսոնն աշխատել է որպես ճարտարապետ: Այդ ժամանակ նա իր կնոջ հետ մեկնել է Անգլիա, որտեղ ստուդիա է վարձել և նկարել մի քանի կտավ: Նա իր նկարները ուղարկել է Նյու Յորքի Քենեդի պատկերասրահ (անգլ.՝ Kennedy Galleries), որտեղ դրանք վաճառվել են: Այնուհետև Ջոնը թողել է ճարտարապետական աշխատանքը և լիովին նվիրվել է նկարչությանը: Կնոջ հետ տեղափոխվել են Մեն նահանգի Քիթերի քաղաք, որտեղ գնել են իրենց սեփական տունը Փիսքաթաքվա գետի վրա, որն իրենք կոչել են «Ուռիների ափ»[2][3]:
Մահացել է 1947 թվականի նոյեմբերի 16-ին Մեն նահանգի Քիթերի քաղաքում: Թաղվել է Մասսաչուսեթս նահանգի Սեյլեմ քաղաքի «Համերաշխության պուրակ» գերեզմանատանը[4]: Ջոն Բենսոնը ստեղծել է ավելի քան 500 կտավ: Նրա կտավները կարելի է տեսնել ԱՄՆ-ի բազմաթիվ թանգարաններում: 1968 թվականին Սեյլեմ քաղաքի Փիբոդի թանգարանում կազմակերպվել է նկարչի աշխատանքների հետահայաց ցուցադրություն[5]:
Նկարներ խմբագրել
-
Ջոն Բենսոն. Իսպանական նավ
-
Կլիպեր
-
Նավ
-
Ձկնորսություն
-
Առագաստանավ
-
Լողափ
Աղբյուրներ խմբագրել
- Nicholas J. Baker, John Prentiss Benson — American Marine Artist, 2008.
- Charles Penrose, John P. Benson. American Artist (1865-1947) An Affectionate Tribute, 1949.
Ծանոթագրություններ խմբագրել
- ↑ About John Benson (անգլ.)
- ↑ «Archived copy». Արխիվացված է օրիգինալից 2011-07-26-ին. Վերցված է 2011-06-12-ին.
{{cite web}}
: Unknown parameter|deadurl=
ignored (|url-status=
suggested) (օգնություն)CS1 սպաս․ արխիվը պատճենվել է որպես վերնագիր (link) - ↑ «Archived copy». Արխիվացված է օրիգինալից 2011-07-26-ին. Վերցված է 2011-06-12-ին.
{{cite web}}
: Unknown parameter|deadurl=
ignored (|url-status=
suggested) (օգնություն)CS1 սպաս․ արխիվը պատճենվել է որպես վերնագիր (link) - ↑ John Prentiss Benson (անգլ.)
- ↑ «Archived copy». Արխիվացված է օրիգինալից 2011-07-26-ին. Վերցված է 2011-06-12-ին.
{{cite web}}
: Unknown parameter|deadurl=
ignored (|url-status=
suggested) (օգնություն)CS1 սպաս․ արխիվը պատճենվել է որպես վերնագիր (link)
Արտաքին հղումներ խմբագրել
- Персональный сайт (անգլ.)
- John Benson (1865-1947) (անգլ.)