Մանդարինկա (ձուկ)
- Այս հոդվածը ձկնատեսակի մասին է։ Այլ գործածությունների համար այցելեք Մանդարինկա (այլ կիրառումներ)։
Մանդարինկա (լատին․՝ Synchiropus splendidus), փոքրամարմին, վառ գունավորմամբ ձուկ՝ dragonet ընտանիքից։ Մանդարինկաներն աշխարհի ամենագունագեղ ձկներն են[2][3]։ Վաճառքի կետերում կենդանին հայտնի է նաև այլ անուններով՝ «Կանաչ մանդարինկա», «Գծավոր մանդարինկա»։
Մանդարինկա | ||||||||||||||
---|---|---|---|---|---|---|---|---|---|---|---|---|---|---|
Գիտական դասակարգում | ||||||||||||||
|
||||||||||||||
Լատիներեն անվանում | ||||||||||||||
Synchiropus splendidus
(Herre, 1927)
|
||||||||||||||
Հոմանիշներ | ||||||||||||||
|
||||||||||||||
Հատուկ պահպանություն | ||||||||||||||
|
Էկոլոգիա
խմբագրելԱյս 16 սմ երկարություն ունեցող կենդանին բնակվում է Խաղաղ օվկիանոսի արևմտյան ջրերում՝ Ճապոնիայի Րյուկյու կղզու և Ավստրալիայի հարավային շրջաններում։ Մանդարինկաներն, իջնելով ջրի խորքերը, սկսում են որսալ մանր խեցեմորթներ և այլ անողնաշարավոր կենդանիներ, որոնք հանդիսանում են մանդարինկաների հիմնական սնունդը։
Անվանում
խմբագրելԿենդանին իր անվանումն ստացել է իր վառ գունավորման համար, որը հիշեցնում է Չինական կայսրության Տանժերների (Մանդարին) հագուստը։ Կարևոր պաշտոնյաների գունագեղ թիկնոցներն այնպես էին ազդել եվրոպացի հետազոտողների վրա, որ բազմաթիվ գույնզգույն կենդանիներ սկսեցին համեմատվել Արևելքի հետ։
Մարմնի կառուցվածք
խմբագրելՄանդարինկաներն ունեն մի փոքր ձգված մարմին՝ թեթևակի տափակ գլխով։ Մարմինը հարթ է՝ առանց թեփուկների։ Աչքերը բավականին մեծ են։ Շուրթերը մեծ են նմանատիպ փոքր բերանի համեմատ, բայց դա կենդանուն հաղորդում է բնական տեսք։ Մեջքին առկա են 2 լողակներ։ Հետին՝ պոչային լողակը մեծ է, երբեմն գերազանցում է մեջքի երկրորդային հատվածը։
Այս կենդանիները պահվում են նաև աքվարիումներում։ Կենդանուն անհրաժեշտ է հատուկ խնամք. պետք է պահել ծովի թարմ ջրում, բնական քարերով պատված աքվարիումում։ Նրանց կերակրումը բարդ է այն առումով, որ չեն ուտում տարբեր սնունդ, այլ անհրաժեշտ է կերակրել կենդանի խոտակերներով և խեցգետնակերպերով (լատին․՝ Amphipoda)։ Հակառակ դեպքում նրանք կմահանան քաղցից։ Երբեմն հանդիպում են բացառություններ։ Կենդանուն կարելի պահել միայնակ, զույգով կամ համատեղելով մեկ արուն մի քանի էգերի հետ[4][5]։
Մանդարինկային չպետք է շփոթել Չինաստանի մեկ այլ՝ համանուն ձկան (Siniperca chuatsi) հետ, որն օգտագործվում է որպես սնունդ։
Պատկերասրահ
խմբագրել-
Լեժա, Բելգիա, Թանգարան-ակվարիում
-
Ակվարիումում պահվող մանդարինկա
-
Երկու մանդարինկաներ
Տես նաև
խմբագրելԾանոթագրություններ
խմբագրել- ↑ BioLib Profil taxonu druh vřeténka mandarín Synchiropus splendidus (Herre, 1927)
- ↑ «Մանդարինկայի այլ անվանումներ։ Նկարներ». Արխիվացված է օրիգինալից 2015 թ․ մարտի 18-ին. Վերցված է 2015 թ․ հունվարի 13-ին.
- ↑ Մանդարինկա
- ↑ Ինչպես խնամել կենդանուն։ Արտաքին տեսք։ Առանձնահատկություններ
- ↑ Մանդարինկայի մասին տվյալներ
Գրականություն
խմբագրել- Dieter Brockmann։ Nachzuchten für das Korallenriff-Aquarium: Handbuch zur erfolgreichen Zucht von Korallen und Fischen. Birgitt Schmettkamp Verlag, 2006, ISBN 978-3866590038 (գերմ.)
- Wolfgang Mai։ Leierfische im Meerwasseraquarium: Pflege und Nachzucht. NTV Natur und Tier-Verlag, 2009, ISBN 9783866591097 (գերմ.)
Արտաքին հղումներ
խմբագրել- "Synchiropus splendidus". FishBase. Ed. Ranier Froese and Daniel Pauly. 10 2005 version. N.p.։ FishBase, 2005. (անգլ.)
- Մանդարինկա ձկան նկարներ (անգլ.)
- Մանդարինկա Արխիվացված 2008-07-06 Wayback Machine (անգլ.)
- Ինչպես խնամել մանդարինկային (անգլ.)
- Մանդարինկա ձկան մասին տվյալներ և նկարներ (ռուս.)
- Նկարներ (ռուս.)
Վիքիցեղերն ունի նյութեր, որոնք վերաբերում են «Մանդարինկա (ձուկ)» հոդվածին։ |
Վիքիպահեստն ունի նյութեր, որոնք վերաբերում են «Մանդարինկա (ձուկ)» հոդվածին։ |