Մադհու Դանդավատե
Մադհու Դանդավատե (հինդի՝ मधु दंडवते, անգլ.՝ Madhu Dandavate, հունվարի 21, 1924, Ահմեդնագար, Բոմբեյի նախագահություն, Բրիտանական Հնդկաստան, Բրիտանական կայսրություն - նոյեմբերի 12, 2005[1], Մումբայ, Հնդկաստան), հնդիկ պետական և քաղաքական գործիչ, Վիշվանատ Պրատապ Սինգհի կոալիցիոն կառավարությունում ֆինանսների նախարար (1989-1990)։
| Մադհու Դանդավատե | |
| Կուսակցություն՝ | Ջանատա Դալ |
|---|---|
| Կրթություն՝ | Institute of Science? |
| Գիտական աստիճան՝ | գիտության մագիստր |
| Մասնագիտություն՝ | քաղաքական գործիչ և ֆիզիկոս |
| Դավանանք | հինդուիզմ |
| Ծննդյան օր | հունվարի 21, 1924 |
| Ծննդավայր | Ահմեդնագար, Բոմբեյի նախագահություն, Բրիտանական Հնդկաստան, Բրիտանական կայսրություն |
| Վախճանի օր | նոյեմբերի 12, 2005[1] (81 տարեկան) |
| Վախճանի վայր | Մումբայ, Հնդկաստան |
| Քաղաքացիություն |  Բրիտանական Հնդկաստան,  Հնդկաստան և Dominion of India
|
| Ամուսին | Pramila Dandavate? |
ԿենսագրությունԽմբագրել
Մադհու Դանդավատեն ծնվել է 1924 թվականի հունվարի 21-ին Ահմեդնագարում, Բրիտանական Հնդկաստան։ Բարձրագույն կրթություն է ստացել Բոմբեյի համալսարանում՝ ֆիզիկոսի մասնագիտությամբ։ 1940-ական թվականներին ֆիզիկա է դասավանդել Բոմբեյի քոլեջում և Բոմբեյի համալսարանի ասպիրանտուրայում։
1942 թվականին մասնակցել է «Դուրս Հնդկաստանից» ազգային-ազատագրական հակաբրիտանական շարժմանը։ 1948 թվականին ընդունվել է Ժողովրդա-սոցիալիստական կուսակցություն։ 1948 թվականից մինչև 1974 թվականը եղել է Ժողովրդա-սոցիալիստական կուսակցության Բոմբեյի կոմիտեի քարտուղարը, Ժողովրդա-սոցիալիստական կուսակցության համահնդկական քարտուղարը և Ժողովրդա-սոցիալիստական կուսակցության ազգային գործկոմի անդամը։
1950-ական թվականներին մասնակցել է լեզվային հիմքի վրա Մահարաշտրա նահանգի ստեղծման պայքարին, ինչպես նաև մասնակցել է պորտուգալական Գոա գաղութի Հնդկաստանի միանալու աջակցության քաղաքացիական անհնազանդությանը։
1970 թվականից մինչև 1971 թվականը եղել Մահարաշտրա նահանգի օրենսդրական խորհրդի անդամ։ 1971 թվականին Ժողովրդա-սոցիալիստական կուսակցության կողմից ընտրվել է Հնդկաստանի խորհրդարանի ստորին պալատ՝ Լոկ սաբհա։ 1974 թվականին Ժողովրդա-սոցիալիստական կուսակցության ղեկավարության մի մասի հետ միացել է ընդդիմաիր Բհարատիա լոկ դալ կուսակցությանը։ 1975 թվականին ձերբակալվել է և բանտարկության մեջ գտնվել 18 ամիս։ 1977 թվականին ընտրություններում հաղթած Ջանատա փարթիի կողմից ընտրվել է Լոկ սաբհա։
1977 թվականից մինչև 1979 թվականը Մորարջի Դեսայիի կառավարությունում զբաղեցրել է երկաթուղային տրանսպորտի նախարարի պաշտոնը։ Եղել է Հնդկաստանի արևմտյան ծովափի Կոնկանի երկաթուղային կապերի հիմնադիրներից մեկը և կոմնակիցը։ 1980 թվականի ընտրություններում Ջանատա փարթիի պարտությունից և ընդդիմություն տեղափոխվելուց հետո գլխավորել է խորհրդարանական խմբակը։ 1989 թվականի նոյեմբերին Ջանատա դալ կուսակցության կողմից մտել է Հնդկաստանի ստորին պալատ՝ Լոկ սաբհա։ 1989 թվականի դեկտեմբերից Վիշվանատ Պրատապ Սինգհի կոալիցիոն կառավարությունում զբաղեցրել է ֆինանսների նախարարի և Գների հանդեպ վերահսկողության կոմիտեի առաջնորդի պաշտոնները։
1990 թվականին եղել է Պլանավորման հանձնաժողովի նախագահի տեղակալը։ Այդ պաշտոնում վերընտրվել է 1996 թվականին և զբաղեցրել մինչև 1998 թվականը։ Կապված է եղել Ջանատա Դալ կուսակցության հետ։
Մադհու Դանդավատեն մահացել է 2005 թվականի նոյեմբերի 12-ին Մումբայում՝ 81 տարեկան հասակում։
ՄատենագրությունԽմբագրել
Դանդավատեն նաև մի քանի գրքերի հեղինակ է։
- Future of Parliamentary Democracy in India, Harold Laski Institute of Political Science, 1974
- Marx and Gandhi, Popular Prakashan, 1977
- Jayaprakash Narayan, the Man and His Ideas, Popular Prakashan, Bombay 1981
- Evolution of Socialist Policies and Perspective, 1934-1984, Popular Prakashan, 1986
- As the Mind Unfolds: Issues and Personalities, Shipra Publications, 1993, 8185402191
- Echoes in Parliament: Madhu Dandavate's speeches in Parliament, 1971-1990, Allied Publishers, 1995, 8170234204
- Quest of Conscience, Shipra Publications, 1998, 8175410043
- Yusuf Meherally: Quest For New Horizons, National Book Trust, India, 1998 8123705530
- Parivartanāce Pāīka: Mahātmā Jotibā Phule Aani Nyāyamūrtī Rānaḍe , Sadhana Prakashan, 2001
- Jayaprakash Narayan: Struggle with Values : a Centenary Tribute, Allied Publishers, 2002, 9788177643411
- Dialogue with Life, Allied Publishers, 2005 9788177648560
- Social Roots of Gender Injustice, Theosophical Publishing House, 2005
ԾանոթագրություններԽմբագրել
Արտաքին հղումներԽմբագրել
- Madhu Dandavate։ `The battle for justice' Archived 2011-07-22 at the Wayback Machine., The Hindu, 6 Jan. 2002.
- Madhu Dandavate։ `Vote-on-account: use and misuse' Archived 2004-02-28 at the Wayback Machine., The Hindu, 4 Feb. 2004.
- Madhu Dandavate։ `Gandhis dialogue with the nation' Archived 2008-10-28 at the Wayback Machine., The Hindu, 6 Apr. 2005.