Հուգո I (Կիպրոսի արքա)
Հուգո I, (ֆր.՝ Hugues I de Lusigan) Կիպրոսի արքա 1205-1218 թվականներին։ Ծնվել է 1194 թվականի հոկտեմբերին՝ Երուսաղեմի արքա Ամորի I դե Լուզինյանի և Էշիվի դ'Իբելինի (Իբելինների այն ճյուղից, որն իշխել է Բետսանի և Ռամլայի վրա)։ Մահացել 1218 թվականին Տրիպոլիում։
Հուգո I դը Լուզինյան Hugues I de Lusigan | |
|---|---|
| թագավոր | |
 | |
| Թագադրում | 1205-1218 |
| Հանձնում | 1218 |
| Ծնվել է՝ | 1194 |
| Մահացել է՝ | 1218 |
| Վախճանի վայր | Տրիպոլի |
| Թաղվել է՝ | Տրիպոլիի Հիվանդախնամների Մայր տաճար |
| Տրիպոլի | |
| Նախորդ | Ամորի I դե Լուզինյան |
| Հենրիխ I դե Լուզինյան | |
| Տոհմ | Լուսինյաններ |
| Հայր | Ամորի I դե Լուզինյան |
| Մայր | Էշիվա Իբելին |
| Երեխաներ | Մարիա, Իզաբելլա, Հենրիխ I |
Կենսագրություն
խմբագրել1194 թվականին՝ ծնվելու տարում, Հուգոյին նշանել են Երուսաղեմի արքա Հենրիխի և Իզաբելլայի դստեր՝ Ֆիլիպայի հետ։ Դա արվել էր Երուսաղեմի և Կիպրոսի հարաբերություները կարգավորելու համար, որոնք փչացել էին Գի դը Լուզինյանին (Ամորիի եղբոր, Հուգոյի հոր) գահնընկեց անելուց հետո։ Միայն 1197 թվականին Ամորին ինքը ընտրվում է Երուսաղեմի թագավոր թագավորության բարոնների միջոցով։
1205 թվականին մահանում է Ամորի I-ը, որից հետո Կիպրոսի և Երուսաղեմի թագավորությունները առանձնանում են։ Երուսաղեմի թագավորությունը ժառանգում է Մարիա Մոնֆերացին` Իզաբելլա I-ի և Կոնրադ Մոնֆերացու դուստրը։ Մանկահասակ Հուգոն ժառանգում է Կիպրոսի թագավորությունը, խնամակալ է դառնում Գոտե դե Մոնբելյարը[1], ով ամուսնացած էր Հուգոյի ավագ քրոջ հետ։ Գոտեն մանկահասակ թագավորի հավատարիմ խորհրդատուն էր, միայն թե նա օգտագործում էր պաշտոնը իր հարստացման համար։
Երուսաղեմի թագավորության հետ հարաբերությունները բարելավելու նպատակով Գոտեն կազմակերպում է Հենրիխ I-ի և Իզաբելլա I-ի դստեր նշանադրությունը։ Միայն թե ամուսնության համար անհայտ պատճառներով ընտրվում է ոչ թե Ֆիլիպպան` Հուգոյի նախկին հարսնացուն, այլ նրա քույր Ալիսը։ Ֆիլիպպան այդ ժամանակ դեռ ամուսնացած չէր, նա ամուսնացել է 1213 թվականին Էրրարա I դե Բրիենի՝ Ռամերի սենյորի հետ[2]։ Նշանադրությունը կայանում է 1207 թվականի դեկտեմբերին։ Ամուսնությունը տեղի է ունենում 1210 թվականին Նիկոսիայում։ Միայն թե դրանից հետո Գոտեն հայտնվում է անբարյացակամության մթնոլորտում և հեռացվում է Կիպրոսից։
Ժամանակագիր Վիլհելմ Տյուրոսցին նկարագրում է նրան որպես դաժան և խիստ իշխողի, որը հաճախ էր ընկնում կատաղության մեջ, միայն թե դա երկար չէր տևում։ Դառնալով թագավորության ինքնուրույն ղեկավար՝ Հուգոն հակասության մեջ է մտնում Հռոմի պապ Ինոկենտիոս III-ի հետ։ Նա միջամտում էր Կիպրոսում եպիսկոպոսների նշանակմանը։ Ինոկենտիոսը ստիպում է նրան ընկրկել, զիջել։ 1213 թվականին Հուգոն կոնֆլիկտի մեջ է մտնում Կոստանդնուպոլսի լատինական պատրիարքի հետ, որը ցանկանում էր իրեն ենթարկել Կիպրոսի եկեղեցին։ Միայն Լաթերիանի եկեղեցական ժողովը որոշում է ընդունում, որի համաձայն Կիպրոսի եկեղեցին դառնում է ինքնուրույն։ 1218 թվականին Հուգոյի խորթ քույրը՝ Մելիսենտան ամուսնանում է իշխան Բոհեմունդ IV Անտիոքցու հետ։
Կղզին թշնամիներից պաշտպանելու նպատակով թագավորը թույլատրում է Հիվանդախնամների և Տաճարականների միաբանությունների ղեկավարներին հաստատվել Կիպրոսում։
Հուգոն հիվանդանում է և մահանում հունվարի 10-ին Տրիպոլիում։ Նա այնտեղ թաղվում է Հիվանդախնամների տաճարում։ Հետագայում նա վերաթաղվում է Նիկոսիայի Հիվանդախնամների տաճարում։ Քանի որ Հուգոյի հաջորդը՝ Հենրիխ I-ը մանուկ էր, նրա խնամակալը դառնում է Հուգոյի այրին՝ Ալիսա Շամպայնցին։
Ամուսնության և երեխաներ
խմբագրելԿինը՝ Ալիսա Շամպայնցի, Կիպրոսի խնամակալ 1218-1227, Երուսաղեմի խնամակալ 1243-1246։ Երեխաներ
- Մարիա (1215-1251/1253)։
- Իզաբելլա (1216-1264), Կիպրոսի և Երուսաղեմի խնամակալ։ Ամուսինը 1233 թվականից Հենրիխ դե Պուատյե( մահացել է 18/27 հունիսի 1276)։
- Հենրիխ I,1217-1253, Կիպրոսի թագավոր 1218 թվականից։
Ծանոթագրություններ
խմբագրելՀղումներ
խմբագրել | Վիքիպահեստն ունի նյութեր, որոնք վերաբերում են «Հուգո I (Կիպրոսի արքա)» հոդվածին։ |