Հովհաննես Թումանյանի հուշարձան (Երևան)

Անվան այլ կիրառումների համար տե՛ս՝ Հովհաննես Թումանյանի հուշարձան (այլ կիրառումներ)

Հովհաննես Թումանյանի հուշարձան, գտնվում է Երևանի Ազատության հրապարակում, Ալեքսանդր Սպենդիարյանի անվան օպերայի և բալետի պետական թատրոնի շենքի առջև, տեղադրվել է 1957 թվականին։ Ընդգրկված է Երևանի Կենտրոն վարչական շրջանի պատմության և մշակույթի անշարժ հուշարձանների ցանկում։

Հովհաննես Թումանյանի հուշարձան
Հովհաննես Թումանյանի հուշարձանը
Ընդհանուր տեղեկություններ
Կարգավիճակ	ՀՀ պետական հուշարձան ID 1.6/95.3
Համայնք	Կենտրոն
Առաջին հիշատակում	1939
Գտնվում է	Ազատության հրապարակում
Բարձրություն	8,5 մ
Քանդակագործ(ներ)	Արա Սարգսյան
Ճարտարապետ(ներ)	Գրիգոր Աղաբաբյան
Հիմնադրում	1939
Նյութ	բրոնզ, Բջնիի բաց վարդագույն գրանիտ
Շինարարության ավարտ	նոյեմբերի 17, 1957
Ներկա վիճակ	կանգուն

Հեղինակներ

• Ճարտարապետ՝ Գրիգոր Աղաբաբյան
• Քանդակագործ՝ Արա Սարգսյան

Տվյալներ

Հուշարձանը կառուցված է բրոնզից, Բջնիի բաց վարդագույն գրանիտից, բարձրությունը պատվանդանով 8,5 մետր է։

Պատմություն

1957 թվականի նոյեմբերի 17-ին Ալեքսանդր Սպենդիարյանի անվան օպերայի և բալետի պետական թատրոնի շենքի մոտ միաժամանակ տեղի ունեցավ Հովհաննես Թումանյանի և Ալեքսանդր Սպենդիարյանի հուշարձանների բացման հանդիսավոր արարողությունը։

2009-2010 թվականներին, Ազատության հրապարակի վերակառուցման աշխատանքերի պատճառով, Թումանյանի և Սպենդիարյանի հուշարձանները ժամանակավորապես հեռացվեցին իրենց տեղերից։ 2010 թ. մայիսին թարմացված արձանները վերադարձան իրենց տեղերը։

Պատկերասրահ

• 
  Հովհաննես Թումանյանի հուշարձանը խոշոր պլանով
• 
  Հովհաննես Թումանյանի հուշարձանը և Ալեքսանդր Սպենդիարյանի անվան օպերայի և բալետի պետական թատրոնի շենքը
• 
  Հովհաննես Թումանյանի հուշարձան. տեսք կողքից

Տես նաև

• Հովհաննես Թումանյանի հուշարձան (Դսեղ)
• Հովհաննես Թումանյանի կիսանդրի (Դսեղ)

Արտաքին հղումներ

• ՀՀ հուշարձանների տեղեկատվական շտեմարան Արխիվացված 2018-05-17 Wayback Machine

Վիքիպահեստն ունի նյութեր, որոնք վերաբերում են «Հովհաննես Թումանյանի հուշարձան (Երևան)» հոդվածին։