Հերբերտ Գասպարյան
Հերբերտ Հայկի Գասպարյան (մարտի 26, 1942, Երևան, Հայկական ԽՍՀ, ԽՍՀՄ), հայ կինոռեժիսոր, ՀՀ մշակույթի վաստակավոր գործիչ (2013)։
 | |
|---|---|
| Ծնվել է | մարտի 26, 1942 (82 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտացում | ռեժիսոր |
| Պարգևներ | ՀՀ մշակույթի վաստակավոր գործիչ |
Կենսագրություն խմբագրել
1967-1972 թվականներին սովորել է Երևանի գեղարվեստա-թատերական ինստիտուտի ռեժիսորական ֆակուլտետը։ 1973 թվականին պաշտպանել է դիպլոմային աշխատանք՝ բեմադրելով Եժովի «Երբ սոխակներն են երգում» ներկայացումը Հոկտեմբերյանի ժողովրդական թատրոնում, Հեռուստաթատրոնում բեմադրել է Դյուրենմաթի «Վթարը»[1]։ 1965-2005 թվականներին աշխատել է Հայաստանի հեռուստատեսության ստուդիայի գրական-դրամատիկական հաղորդումների գլխավոր խմբագրությունում։ 1965-1970 թվականներին եղել է ռեժիսորի օգնական, 1970-1973 թվականներին՝ ռեժիսորի ասիստենտ։ 1973-2005 թվականներին՝ բեմադրող ռեժիսոր, 1992-2005 թվականներին՝ Հեռուստաթատրոնի գլխավոր ռեժիսոր։ 1966 թվականից Թատերական գործիչների միության անդամ է[2][3]։
Մանկավարժական գործունեություն խմբագրել
- -1974–1976 թվականներին Երևանի գեղարվեստա-թատերական ինստիտուտում աշխատել է որպես ռեժիսորական կուրսի ղեկավարի ասիստենտ,
- 1976-1978 թվականներին՝ հեռուստառեժիսուրա առարկայի դասախոս, 1996-2000 թվականներին դասավանդել է Խաչատուր Աբովյանի անվան մանկավարժական համալսարանի կինո-հեռուստատեսության ամբիոնի լրագրության ֆակուլտետում,
2000 թվականից՝ հեռուստառեժիսուրական կուրսի ղեկավար, 2008 թվականից դասավանդում է նաև հեռուստառեժիսուրայի, օպերատորության և գեղարվեստական լուսանկարչության ֆակուլտետի բակալավրիատում և մագիստրատուրայում։ 2003-2012 թվականներին դասավանդել է Երևանի թատրոնի և կինոյի պետական ինստիտուտի կինոամբիոնում[4]։
2006 թվականից ղեկավարում է Խաչատուր Աբովյանի անվան մանկավարժական համալսարանի ուսանողական թատրոն ստուդիան, որտեղ բեմադրել է հետևյալ ներկայացումները.
- Ա. Ռոզով «Երջանկություն որոնելիս», 2007
- Ժիրայր Անանյան «Տե՛ր, մի թող մեզ անտեր», 2008
- Վիլյամ Սարոյան «Հե՛յ, ո՞վ կա», «Հայն ու հայը», «Հանճարը», «Հնաոճ կատակերգություն», 2009, նվիրված Վիլյամ Սարոյանի ծննդյան 100-ամյակին
- Խաչատուր Աբովյան «Դեպի Արարատ» և «Ֆեոդորա կամ ոդիսական սեր», 2010 նվիրված Խաչատուր Աբովյանի ծննդյան 200-ամյակին
- Ֆ. Դյուրենմաթ «Ֆիզիկոսներ», 2011
- Ժիրայր Անանյան «Կարուսել», 2011
- Ջ. Պրիստլի «Սկանդալ, որ պատահեց միստր Քեթլի և միսիս Մունի հետ» (ընթացիկ)
- Ռիչարդ Կալինոսկի «Հրեշը լուսնի վրա», 2015
Բեմադրություններ խմբագրել
- Ֆրիդրիխ Դյուրենմաթ «Վթար», 1973
- Փրիստլի «Սկանդալ»- 1977, (2 մաս)
- Ա. Վամպիլով «Բադի որսը», 1979, (2 մաս)
- Հ. Մելքոնյան «46 թվականը», 1982, արժանացել է Քիշնևում կայացած համամիութենական փառատոնի գլխավոր մրցանակին
- Վրեժ Իսրայելյան «7-րդ աշխարհամաս», 1983
- Ֆրանց Վերֆել «Մուսա լեռան 40 օրը», 1985, 5 մաս
- Վիլյամ Սարոյան «Խենթացած մի գնա», 1987, 2 մաս, ցուցադրվել է կենտրոնական հեռուստատեսությամբ, 1990
- Ագաթա Քրիստի, «Էնդհաուսի առեղծվածը», 1989, 10 մաս
- Գրիգոր Զոհրապ «Զաբուղոն» (Գիշերվան մարդը) 1990
- Ա. Քերոբյան «Չկայացած երկխոսություն» նվիրված պրոֆեսոր Մարատ Մարինոսյանին, 1995
- Գուրգեն Խանջյան «Հեռուստատեսային ազատ շուկա», 1992
- Բեռնարդ Շոու «Ինչպես նա խաբեց սիրուհու ամուսնուն», 1993, դիպլոմի գեղարվեստական ղեկավար
- Ֆ. Արաբալ «Խնջույք», 1993
- Անրի Թրուայա «Լավագույն հաճախորդը», 1994, դիպլոմի գեղարվեստական ղեկավար
- «Ծիծաղի տուն» հաղորդաշար, շուրջ 300 հաղորդում, 1996-2005
Պարգևներ և կոչումներ խմբագրել
Ծանոթագրություններ խմբագրել
- ↑ «Վթար»(չաշխատող հղում)
- ↑ Հերբերտ Գասպարյանի կենսագրությունը AV Production կայքում(չաշխատող հղում)
- ↑ «Զաբուղոն». բեմադրող-ռեժիսոր Հերբերտ Գասպարյան (տեսանյութ)(չաշխատող հղում)
- ↑ «ՀՊՄՀ, Գասպարյան Հերբերտ». Արխիվացված է օրիգինալից 2014 թ․ հուլիսի 4-ին. Վերցված է 2015 թ․ մարտի 26-ին.
- ↑ Հայաստանի Հանրապետության պատվավոր կոչումներ շնորհելու մասին