Բացել գլխավոր ցանկը

Վրեժ Իսրայելյան

հայ արձակագիր

Վրեժ Սաղաթելի Իսրայելյան (ապրիլի 2, 1949(1949-04-02), Երևան, Հայկական ԽՍՀ, ԽՍՀՄ - հունիսի 14, 2013(2013-06-14)[1]), հայ արձակագիր, դրամատուրգ։ ՀԳՄ Դերենիկ Դեմիրճյանի անվան մրցանակի դափնեկիր (2010, «Տոնապետ» գրքի համար)։

Վրեժ Իսրայելյան
Vrezh Israyelyan-2.JPG
Ծնվել էապրիլի 2, 1949(1949-04-02)
ԾննդավայրԵրևան, Հայկական ԽՍՀ, ԽՍՀՄ
Վախճանվել էհունիսի 14, 2013(2013-06-14) (64 տարեկանում)
Մասնագիտությունարձակագիր
Ազգությունհայ
ԿրթությունԵրևանի պետական համալսարան
ՊարգևներԳարեգին Նժդեհ մեդալ

Բովանդակություն

Կենսագրություն և աշխատանքներԽմբագրել

1971 թվականին ավարտել է ԵՊՀ բանասիրական ֆակուլտետի ժուռնալիստիկայի բաժինը։ 1971-1978 թվականներին աշխատել է ՀԽՍՀ Նախարարների խորհրդի հեռուստատեսության և ռադիոհաղորդումների պետական կոմիտեի երիտասարդական հաղորդումների խմբագրությունում որպես խմբագիր և ավագ խմբագիր։

1979-1981 թթ. գրական աշխատող էր «Հայրենիքի ձայն» շաբաթաթերթում։ 1982-1990 թթ. «Սովետական Հայաստան», ապա Վերածնված Հայաստան ամսագրի սփյուռքի բաժնի վարիչն էր։ 1990-1991 թթ. խմբագրել է Երկիր Ավետյաց շաբաթաթերթը։ 1993-1999-ին՝ ՀՀ ՊՆ «Հայ զինվոր» պաշտոնաթերթի խմբագիր, 1999-2009 թթ. եղել է ՊՆ լրատվության և քարոզչության վարչության պետ, 2010-2012 թթ.Նաիրի հրատարակչության տնօրեն։ Վրեժ Իսրայելյանի առաջին պատմվածքները տպագրվել են «Գարուն» ամսագրում: 1978 թվականին արժանացել է ՀԼԿԵՄ Կենտկոմի «Տարվա լավագույն ստեղծագործության համար» մրցանակին։ ՀԳՄ Դերենիկ Դեմիրճյանի անվան մրցանակի դափնեկիր (2010, «Տոնապետ» գրքի համար)

ԳործերԽմբագրել

Նրա «Միայն մի անգամ» պատմվածքը տպագրվել է «Դրուժբա նարոդով» ամսագրի 1982 թվականի հոկտեմբերի համարում։ 1986 թվականի փետրվարին Երևանի հեռուստատեսությամբ ներկայացվել է նրա «Չնվաճված աշխարհամաս» պիեսը։ Հեղինակել է Արցախյան պատերազմին նվիրված վավերագրական կինոսցենարներ («Մահից առաջ և հետո», «Երկրապահը և քաղաքականությունը», «Այսպես դարձանք երկրապահ», «Մահապարտներ», «Քայլ», «Առաջին գիծ», «Անդրանիկ» և այլն)[2]:

ԳրքերըԽմբագրել

  • Մեկին գումարած մեկ (պատմվածքներ), Երևան, 1982, 148 էջ:
  • Չնվաճված աշխարհամաս (պատմվածքներ և պիես), Երևան, 1990, 196 էջ:
  • Վաղ, թե ուշ (պատմվածքների ժողովածու), Երևան, 2005, 217 էջ:
  • Տոնապետ (պատմվածքներ, պիես), Երևան, 2010, 248 էջ:
  • Եվ ձին իր հեծյալին ասաց…: Կարդացեք՝ մեծերը փոքրերի համար, փոքրերը՝ մեծերի (պատմվածքներ), Երևան, 2013, 80 էջ:
  • Վաղ, թե ուշ (պատմվածքների ընտրանի), Երևան, 2014, 464 էջ:

Ստեղծագործությունները թարգմանվել են ռուսերեն, անգլերեն, վրացերեն, արաբերեն, ուկրաիներեն և այլ լեզուներով։

ՊարգևներԽմբագրել

ՀՀ նախագահի կողմից արժանացել է Մարտական ծառայության և Հայրենիքին մատուցած ծառայությունների համար 2-րդ աստիճանի շքանշանների, Վազգեն Սարգսյան, Անդրանիկ Օզանյան, Գարեգին Նժդեհ, Մարշալ Բաղրամյան և այլ մեդալների։

ԾանոթագրություններԽմբագրել

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Ղարաբաղյան ազատագրական պատերազմ (1988—1994) հանրագիտարանից, որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։