Հացհամեմ աստղաձև
| Հացհամեմ աստղաձև | |
| Դասակարգում | |
| Թագավորություն | Բույսեր (Plantae) |
| Ենթատիպ | Սերմնավոր բույսեր (Spermatophytes) |
| Կարգ | Բակլածաղկավորներ (Fabales) |
| Ընտանիք | Բակլազգիներ (Fabaceae) |
| Ենթաընտանիք | Բակլայիններ (Faboideae) |
| Տրիբա | Trifolieae |
| Ցեղ | Հացհամեմ (Trigonella) |
| Տեսակ | Հացհամեմ աստղաձև (T. astroides) |
| Միջազգային անվանում | |
| Trigonella astroides | |
Հացհամեմ աստղաձև (լատին․՝ Trigonella astroides), լոբազգիների ընտանիքին պատկանող ծածկասերմ բույս, որը գրանցված է Հայաստանի Կարմիր գրքում։
Նկարագրություն
խմբագրել5-15 սմ բարձրությամբ, բարակ, հիմքից ճյուղավորված ցողուններով, միամյա բույս է։ Ծաղկաբույլը հովանոցանման է, 1 սմ երկարությամբ ոտիկի վրա, 3-8 հատ ծաղիկներով։ 4-5 մմ երկարությամբ պսակը դեղին է։ 10-20 մմ երկարությամբ և 1 մմ լայնությամբ ունդերը հորիզոնական աստղաձև դասավորված են, ուղիղ կամ թեթևակի կորացած[1]։
Տարածվածություն
խմբագրելՀանդիպում է Երևանի (Քաղցրաշեն գյուղի շրջակայք), Դարեղեգիսի (Եղեգնաձոր շրջակայք) և Մեղրու (Նյուվադի գյուղի շրջակայք) ֆլորիստիկական շրջաններում։ Աճում է Նախիջևանում, Արևելյան Անդրկովկասում, Արևելյան միջերկրածովյան ավազանում, Հարավարևմտյան Ասիայում, Անատոլիայում և Հյուսիսային Իրանում[1]։
Էկոլոգիա
խմբագրելԱճում է ծովի մակարակից 600-1300 մ բարձրությունների վրա, ստորին լեռնային գոտում, չոր քարքարոտ լանջերին։ Ծաղկում է մայիս ամսին, պտղաբերում՝ հունիսին[1]։
Պահպանություն
խմբագրելՎտանգված տեսակ է։ Հայտնի են երեք ոչ մեծ պոպուլյացիաներ։ Տարածման շրջանի մակերեսը 5000 կմ²-ից պակաս է, իսկ բնակության շրջանի մակերեսը 500 կմ²-ից պակաս է։
Պահպանության գործողություններ չեն իրականցվում[1]։
Ծանոթագրություններ
խմբագրել- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.