Հարություն Թերզյան

Հարություն Արտաշեսի Թերզյան (հունիսի 27, 1932(1932-06-27), Երևան, Հայկական ԽՍՀ, ԱԽՖՍՀ, ԽՍՀՄ - հոկտեմբերի 10, 2016(2016-10-10), Երևան, Հայաստան), Էլեկտրական մեքենաների և կառավարման համակարգերի բնագավառի գիտնական, տեխնիկական գիտությունների դոկտոր (1980), պրոֆեսոր (1986), ՀՀ ԳԱԱ ակադեմիկոս (1996), ՀՀ ԳԱԱ թղթակից անդամ (1986)։ Հայաստանի Հանրապետության գիտության վաստակավոր գործիչ (2013)։

Հարություն Թերզյան
Ծնվել է	հունիսի 27, 1932(1932-06-27) Երևան, Հայկական ԽՍՀ, ԱԽՖՍՀ, ԽՍՀՄ
Մահացել է	հոկտեմբերի 10, 2016(2016-10-10) (84 տարեկան) Երևան, Հայաստան
Քաղաքացիություն	Հայաստան
Ազգություն	հայ
Մասնագիտություն	Էլեկտրական մեքենաների և կառավարման համակարգերի բնագավառի գիտնական
Գործունեության ոլորտ	Մեխանիկա
Ալմա մատեր	Երևանի պոլիտեխնիկական ինստիտուտ
Կոչում	պրոֆեսոր
Գիտական աստիճան	տեխնիկական գիտությունների դոկտոր, պրոֆեսոր և ակադեմիկոս
Պարգևներ	Հայաստանի Հանրապետության գիտության վաստակավոր գործիչ և Պողոսյան մրցանակ

Կենսագրություն

1955 թվականին ավարտել է Երևանի պոլիտեխնիկական ինստիտուտը։ 1957-1988 թվականներին աշխատել է Կոմպլեքսային էլեկտրասարքավորումների ԳՀԻ-ում, 1989-1994 թվականներին՝ ՀՊՃՀ էլեկտրական ապարատների ամբիոնի վարիչ, 1993 թվականից՝ պրոռեկտոր։

Գործունեություն

Աշխատանքները վերաբերում են սահմանափակումներով ոչ գծային բազմապարամետրիկ էքստրեմալ խնդիրներին, օպտիմալացման մեթոդների ադապտացում լուծվող խնդիրների մոդելներին, բարդ տեխնիկական համակարգերի ավտոմատացված նախագծման և հետազոտման համակարգերին, էլեկտրամագնիսական համակարգերի մոդելավորմանը, զուգահեռ հաշվարկներին։

Պարգևներ

• Անանիա Շիրակացու մեդալ (2003)
• Պողոսյան մրցանակ (2010)
• Հայաստանի Հանրապետության գիտության վաստակավոր գործիչ (2013)

Երկեր

• Ավտոմատացված նախագծման համակարգերի տեսություն, Ե-Լոս Անջելես-Աթենք, 1995։
• Автоматизированное проектирование электрических машин, Москва, 1983.
• Вестник Государственного Инженерного Университета Армении: Серия: Моделирование, оптимизация, управление: Сборник научных трудов, Ереван, 1998-2011 (համահեղինակ).