Հայաստանի պետական տնտեսագիտական համալսարանի գրադարան
Հայաստանի պետական տնտեսագիտական համալսարանի գրադարան, համալսարանական գրադարան, որը գտնվում է Երևանի Նալբանդյան 128 հասցեում։ Գրադարանը գործում է Հայաստանի պետական տնտեսագիտական համալսարանի կազմում հիմնադրման պահից[1]։
 | |
| Երկիր |  Հայաստան |
|---|---|
| Տեսակ | համալսարանային գրադարան |
| Գործունեության ոլորտ | գրադարանային գործ |
| Հիմնվել է | 1975 |
| Տեղադրություն | Երևան |
| Հասցե | Նալբանդյան 128 |
| Մասնաճյուղեր | Ինֆորմատիկայի և վիճակագրության ֆակուլտետի ընթերցասրահ (Զեյթուն վարչական տարածք); ՀՊՏՀ ԳՄ գրադարան |
| Այլ տվյալներ | |
| Տնօրեն | Արմինե Հովհաննիսյան |
| Կայք | library.asue.am |
Պատմություն
խմբագրելՀայաստանի պետական տնտեսագիտական համալսարանի (ՀՊՏՀ) գրադարանը հիմնադրվել է 1975 թվականի հոկտեմբերին՝ բուհի հիմնադրման հետ միաժամանակ։ Գրադարանի առաջին վարիչը եղել է Դոնարա Փալանջյանը։ 1994 թվականից մինչև 2012 թվականը գրադարանը ղեկավարել է Վեներա Ավալյանը, իսկ 2013 թվականից գրադարանի տնօրենն է՝ Արմինե Հովհաննիսյանը։ Այբբենական և կարգային գրացուցակների ստեղծման աշխատանքները սկսվել են 1976 թվականից։
Գործունեության երկար տարիների ընթացքում՝ պրոֆեսորադասախոսական կազմին, ասպիրանտներին և ուսանողությանը ուսումնական և գիտական անհրաժեշտ գրականության ապահովելու անհրաժեշտությամբ, Գրադարանը իրականացրել է մեծ ծավալի աշխատանք[1]։ Երևանի պետական համալսարանից ստացած ոչ հարուստ ֆոնդը (մոտ 40000 միավոր) տարիների ընթացքում համալրվել է դասագրքերով, ուսումնական ձեռնարկներով, գիտական ամսագրերով, ատլասներով, բառարաններով։ 2008 թվականի հունվարին ՀՊՏՀ կենտրոնական մասնաշենքից գրադարանը տեղափոխվել է համալսարանի նորակառույց թիվ 5 մասնաշենք։ Գրադարանը ունի Մուշեղ Ադոնցի անվան գիտական և երկու ուսանողական ընթերցասրահներ։
2013 թվականի հոկտեմբեր ամսից թվայնացման ժամանակակից տեխնիկայի ձեռք բերման հետ միաժամանակ գրադարանում սկսվել են էլեկտրոնային գրացուցակի ստեղծման և հիմնական ֆոնդի թվայնացման աշխատանքները։
Հայաստանի պետական տնտեսագիտական համալսարանի ՄԱԿ-ի գրականության անկյունը բացվել է 2013 թվականի ապրիլին` ՄԱԿ-ի Հանրային տեղեկատվության վարչության երևանյան գրասենյակի և ՀՊՏՀ միջև կնքված համագործակցության համաձայնագրի շրջանակներում։ Այն տեղակայված է ՀՊՏՀ գրադարանի գիտական ընթերցասրահում։ ՄԱԿ-ի հրատարակությունների մեր ընթերցասրահի ֆոնդում ներառում է բազմալեզու գրականություն և օգտագործվում է ազատ տարածման սկզբունքով։
Ֆոնդ
խմբագրելԳրադարանի հիմնական ֆոնդը ներառում է հայերեն և օտար լեզուներով ուսումնական, մեթոդական ձեռնարկներ, դասագրքեր, ամսագրեր, գիտաժողովների նյութեր, բառարաններ, ատլասներ, ինչպես նաև ՀՊՏՀ-ում գործող մասնագիտական խորհրդում պաշտպանված ատենախոսություններն ու դրանց սեղմագրերը, այլ երկրների բուհերում հայերեն և օտար լեզուներով պաշտպանված սեղմագրերի օրինակները։
2001 - 2002 թթ․ գրադարանի ֆոնդը կազմել է 200 000 միավոր գրականություն, այդ թվում 15 անուն ամսագիր և 10 անուն թերթ։ Ֆոնդում ներառվել են ոչ միայն դասագրքեր և ուսումնական ձեռնարկներ, այլև ներառել է հայալեզու և օտարալեզու գեղարվեստական գրականություն, բառարաններ, հանրագիտարաններ և այլ տեղեկատվական հրատարակչություններ[1][2]։
2015 թվականի վիճակագրական տվյալներով Հայաստանի պետական տնտեսագիտական համալսարանի գրադարանի ֆոնդը կազմել է 185 922 միավոր գրականություն[1][3]։
2013 թվականին կազմվել է գրքային ֆոնդի անձնագիրը։
Գրադարանային ֆոնդերի համալրումն իրականացվում է ինչպես թղթային, այնպես էլ էլեկտրոնային տարբերակներով։ Հազվագյուտ և հնատիպ գրքերի հավաքածուն ընդգրկում է 1885–1914 թվականների հրատարակություններ։ Ֆոնդում առկա ամենահին գիրքը թվագրվում է 1885 թվականին, որը հրատարակվել է Կիևում (Гамбарова П. Къ вопросу о банкахъ краткосрочнаго кредита)։
2013 թվականին ՀՊՏՀ բակում տեղակայվել է QR գրադարանը։ Նրանում ընդգրկված են շուրջ 200 անուն, ինչպես ուսումնական գրականություն, այնպես էլ ուսումնաօժանդակ մասնագիտական ձեռնարկներ։
2016 թվականին գրադարնի ֆոնդը կազմել է 187 594 միավոր գրականություն[1][4]։
Ըստ 2023 թվականի տվյալների ՀՊՏՀ գիտական գրադարանի թղթային ֆոնդը կազմում է մոտ 196 000 միավոր, իսկ թվայնացված գրքերի և էլեկտրոնային ռեսուրսների քանակը էլեկտրոնային գրադարանում կազմում է 751 անուն գիրք։ Գրադարանը բաժանորդագրված է 6 անուն էլեկտրոնային մասնագիտական ամսագրի,ինչպես նաև Cambridge Journals Full e-Journals-ին։
Հայասատանի պետական տնտեսագիտական համալսարանի Գյումրու մասնաճյուղի գրադարանում նույնպես իրականացվել են նորացման աշխատանքներ։ ՀՊՏՀ ԳՄ գրադարանում 2023 թվականի վերջին տվյալներով կա 2974 միավոր գրականություն։ Առկա է QR ընթերցասրահ, որտեղ ներառվում է 436 միավոր գրականություն։ ՀՊՏՀ ԳՄ գրադարանի աշխատակցուհին է Արմինե Վարոսյանը, ով իրականացնում է ամբողջ գրադարանի համալրման, մշակաման աշխատանքները և մի շարք միջոցառումների կազմակերումը։
Գործառույթներ
խմբագրել2013 թվականից, Koha գրադարանային ծրագրով իրականացվում են ՀՊՏՀ գրադարանի հիմնական ֆոնդի թվայնացման, էլեկտրոնային գրադարանի և էլեկտրոնային գրացուցակի համալրման աշխատանքները։ 2016 թվականից, նույն ծրագրով, ՀՊՏՀ գրադարանը ուսանողադասախոսական անձնակազմի սպասարկումն իրականացնում է առցանց եղանակով։ Էլեկտրոնային գրադարանը հասանելի է՝ library.asue.am[5] հասցեով։ 2013-ից մինչ այսօր գրադարանը անդամակցում է Հայաստանի էլեկտրոնային գրադարանային ասոցիացիային։
Գրադարանի մասին տեղեկատվությունը մեծացնելու նպատակով թողարկվել է հայերեն և անգլերեն տեղեկատվական թերթիկներ։ Գրադարանում պարբերաբար կազմակերպվում են առցանց վեբինարներ, տարաբնույթ միջոցառումներ, գրքի շնորհանդեսներ, որոնք իրենց հերթին ավելի են բարձրացնում գրքի և գրադարանի նկատմամբ հետագրքրությունը բուհի համակարգում[1][6]։ Գրադարանի անձնակազմը մասնակցում է մասնագիտական վերապատրաստումների։ Գրադարանը օգտագործում է իր արտաքին և ներքին շահառուների հետ կապի առցանց միջոցներ, ինչպես նաև էլեկտրոնային գրքի առցանց պատվերի տարբերակը։
ՀՊՏՀ Գիտական գրադարանի զարգացման տեսլական
խմբագրել
Դառնալ ժամանակակից տեխնիկական հագեցվածությամբ, տեխնոլոգիաների ինտենսիվ օգտագործմամբ, նոր բովանդակությամբ և պրոֆեսիոնալ անձնակազմով, սեփական իմիջով լավագույն տեղեկատվական և կրթական հաստատություն։
Հայասատնի պետական տնտեսագիտական համալսարանի գրադարանի առաքելությունն է հանդիսանում ուսանողադասախոսական կազմի կարիքների լիարժեք բավարարումը՝ հետևյալ սկզբունքներով՝
- Մատչելիություն,
- Բազմազանություն,
- Ամբողջականություն,
- Հաշվետվողականություն։
Սոցիալական հարթակներ
խմբագրելԳրադարանը առկա է նաև սոցիալական հարթակներում՝
Տես նաև
խմբագրելԾանոթագրություններ
խմբագրել- ↑ 1,0 1,1 1,2 1,3 1,4 1,5 Սուքիասյան, Գ․ (2018). Գիրքը, գրադարանը և ընթերցանությունը Հայաստանի պետական բուհերում. Երևան. էջեր 47–49.
{{cite book}}: CS1 սպաս․ location missing publisher (link) - ↑ Под. ред. Арабян, К. (2003г.). Библиотеки Южного Кавказа и кто есть кто в библиотечной сфере. Справочное издание. Ер.: Армянская библотечная ассоциация. էջեր 131–132.
- ↑ Բաղդասարյան, Ա․ (2016թ․). Հայաստանի գրադարանները 2015թ․։ Աշխատանքների վիճակագրական վերլուծություն. Եր․: Հայաստանի ազգային գրադարան. էջեր 71, 80.
- ↑ Բաղդասարյան, Ա․ և ուրիշներ (2017 թ․). Հայաստանի գրադարանները 2016 թվականին։ Աշխատանքների վիչակագրական վերլուծություն. Եր․: Հայաստանի ազգային գրադարան. էջեր 78, 86.
- ↑ library.asue.am
- ↑ «ՀՊՏՀ». asue.am (ամհարերեն). Վերցված է 2018 թ․ նոյեմբերի 9-ին.
- ↑ «ՀՊՏՀ գրադարան - ASUE library». www.facebook.com. Վերցված է 2022 թ․ հունիսի 6-ին.
- ↑ «Login • Instagram». www.instagram.com. Վերցված է 2022 թ․ հունիսի 6-ին.
{{cite web}}: Cite uses generic title (օգնություն) - ↑ «Library of Armenian State University of Economics». Twitter (անգլերեն). Վերցված է 2022 թ․ հունիսի 6-ին.
- ↑ «ASUE Library - YouTube». www.youtube.com. Վերցված է 2022 թ․ հունիսի 7-ին.