Հայաստանի թվային գրադարանների ասոցիացիա
«Հայաստանի թվային գրադարանների ասոցիացիա» հասարակական կազմակերպությունը (կրճատ՝ «ՀԹԳԱ» ՀԿ) ոչ առևտրային կազմակերպություն է, որը ստեղծվել է Հայաստանի գրադարանների, բուհերի, գիտահետազոտական և այլ ոչ առևտրային կազմակերպությունների համար էլեկտրոնային գիտական շտեմարանների հասանելիությունն ապահովելու համար[1]։
«Հայաստանի թվային գրադարանների ասոցիացիա» ՀԿ | |
---|---|
Տիպ | Հասարակական կազմակերպություն |
Հիմնադրված | 15.07.2019 |
Տեղագրություն | Երևան, ՀՀ |
Հիմնական անձինք | Նախագահ՝ Anna Chulyan |
Կայք | https://armenia.eifl.net/ |
Պատմություն խմբագրել
«ՀԹԳԱ» ՀԿ-ն հիմնադրվել է 2019թ. հուլիսի 15-ին «Հայաստանի էլեկտրոնային գրադարանների կոնսորցիում» ԻԱՄ-ի հիմքի վրա։
«Հայաստանի էլեկտրոնային գրադարանների կոնսորցիում» ԻԱՄ-ը հիմնադրել է Տիգրան Զարգարյանը։
1999 թվականից սկզբում «Հայաստանի էլեկտրոնային գրադարանների կոնսորցիում»-ը, այժմ արդեն «Հայաստանի թվային գրադարանների ասոցիացիա»-ն համագործակցում է Electronic Information for Libraries (EIFL) -ի հետ, ինչի շնորհիվ հայաստանյան մի շարք գրադարաններ հնարավորություն ունեն օգտվելու միջազգային հեղինակավոր գիտական շտեմարաններից[2]։
Այժմ «Հայաստանի թվային գրադարանների ասոցիացիա» հասարակական կազմակերպության նախագահն է Հայաստանի ազգային գրադարանի տնօրեն Աննա Չուլյանը։
Գործունեությունը խմբագրել
«ՀԹԳԱ» ՀԿ-ի նպատակն է հայաստանյան գրադարաններին, համալսարաններին, գիտահետազոտական և նմանատիպ այլ ոչ-առևտրային կազմակերպություններին ընձեռել բարձր վարկանիշ ունեցող գիտական էլեկտրոնային-տեղեկատվական աղբյուրներից օգտվելու հնարավորություն՝ աջակցելով դրանց աշխատանքի մակարդակի և օգտվողների սպասարկման որակի բարձրացմանը։
«ՀԹԳԱ» ՀԿ-ն աջակցում է Հայաստանի գիտությանը՝ տեղեկատվական աջակցության տրամադրելով գիտական հանրությանը՝ սատարելով առաջավոր գիտահետազոտական մշակումների, նոր տեխնոլոգիաների ներդրմանը։ Այն նպատակ ունի աջակցել Հայաստանում բարձրագույն կրթության արդիականացմանն` ուսուցման էլեկտրոնային նորարարական մեթոդների, սեմինարների, սիմպոզիումների, գիտաժողովների, մանկավարժական կադրերի վերապատրաստման արդյունավետ մոդելների մշակման, ինչպես նաև Հայաստանում առաջատար տեղեկատվական տեխնոլոգիաների ներդրման միջոցով։
«ՀԹԳԱ» ՀԿ-ն կապող օղակ է հանդիաստնում մի շարք ազգային և միջազգային կազմակերպությունների համար։ Այն նպաստում է էլեկտրոնային տեղեկատվական ծառայությունների ստեղծմանը, օգտվողներին տեղեկատվության տրամադրմանը և վիրտուալ գրադարանների գործարկման փորձի տարածմանը։
«ՀԹԳԱ» ՀԿ-ն ապահովում է մասնագիտական աջակցության տրամադրում հայաստանցի գրադարանավարներին, կազմակերպում և անցկացնում է վերապատրաստման դասընթացներ, սեմինարներ[3], ինչպես նաև տեղեկացնում նմանատիպ միջոցառումների անցկացման մասին այլ տեղական և միջազգային կազմակերպությունների կողմից[4]։
Միջազգային համագործակցություն խմբագրել
«ՀԹԳԱ» ՀԿ-ն մասնակցում է EIFL -ի «Գիտելիքի հասանելիության շահերի պաշտպանություն. հեղինակային իրավունք և գրադարաններ» ծրագրին, որը հայտնի է որպես EIFL-IP ծրագիր։ EIFL-IP-ի նպատակն է պաշտպանել և առաջ մղել գրադարանների և նրանց օգտվողների հեղինակային իրավունքը և մտավոր սեփականության շահերը EIFL-ի անդամ երկրներում։
EIFL-ի հետ համագործակցության շնորհիվ «ՀԹԳԱ» անդամ կազմակերպություններն ունեն անվճար և զեղչված մուտք դեպի միջազգային գիտական առցանց ռեսուրսներ, ինչպիսիք են՝ ASTM Compass, e-Duke Journals Scholarly Collection, Edward Elgar Publishing e-books and journals, European Respiratory Journal, Sage Publication Ltd's IMechE Journals և SAGE Premier, IWA Publishing Journals, MSP Journals, OpenEdition Journals, Royal Society Journals Collection, The Company of Biologists' Journals, Polpred.com, CNKI Express և այլն։
Անդամակցող կազմակերպություններ խմբագրել
Հայաստանի թվային գրադարանների ասոցիացիային անդամակցող կազմակերպություններն են՝
- Հայաստանի ազգային գրադարան
- Շիրակի Մ. Նալբանդյանի անվան պետական համալսարան
- Հայ-ռուսական համալսարան
- Դիլիջանի միջազգային դպրոց
- «Շիրակացու ճեմարան» միջազգային գիտակրթական համալիր
- Ավանդական բժշկության համալսարան
- Հայաստանի ամերիկյան համալսարանի Փափազյան գրադարան
- Հայաստանի ֆիզիկական կուլտուրայի և սպորտի պետական ինստիտուտ
- Ավետիք Իսահակյանի անվան ԿԳ
- Հայաստանի պետական տնտեսագիտական համալսարան
- Հյուսիսային համալսարան
- Վ. Բրյուսովի անվան պետական համալսարան
- Արցախի պետական համալսարան
- Երևանի պետական համալսարան
- Խաչատուր Աբովյանի անվան հայկական պետական մանկավարժական համալսարան
- Եվրասիա միջազգային համալսարան
Ծանոթագրություններ խմբագրել
- ↑ «"DLAA" NGO (former eLCA consortium) information | Electronic Library Consortium of Armenia». armenia.eifl.net. Վերցված է 2022 թ․ հուլիսի 18-ին.
- ↑ «| EIFL». www.eifl.net. Վերցված է 2022 թ․ հուլիսի 18-ին.
- ↑ «Проект LNSS - БрГТУ». www.bstu.by (ռուսերեն). Արխիվացված է օրիգինալից 2022-05-22-ին. Վերցված է 2022 թ․ հուլիսի 18-ին.
- ↑ «E-health service connects people to their doctors | EIFL». www.eifl.net. Վերցված է 2022 թ․ հուլիսի 18-ին.