Հայաստանի արտակարգ իրավիճակների նախարարություն

Հայաստանի արտակարգ իրավիճակների նախարարություն;
Տեսակ	նախարարություն և գործադիր իշխանություն
Երկիր	Հայաստան
Իրավասություն	Հայաստան
Ստեղծվել է	ապրիլի 21, 2008
Լուծարվել է (վերափոխվել է)	2023 թվականի հունիսի 30-ին (գործառույթները փոխանցվել են ՆԳՆ-ին)
Մասն է	Հայաստանի Կառավարություն
Գլխամաս	Երևան, Հայաստան
Նախագահ	Պաշտոնը վերացվել է
Կայք	mes.am/hy/

Հայաստանի Արտակարգ իրավիճակների նախարարությունը 2008-2014 թվականներին և 2016 թվականի փետրվարի 24-ից մինչև 2023 թվականի հունիսի 30-ը գործած պետական կառույց է, որը մշակում, իրականացնում և համակարգում էր օրենքով և այլ իրավական ակտերով իր իրավասությանը վերապահված քաղաքացիական պաշտպանության և արտակարգ իրավիճակներում բնակչության պաշտպանության բնագավառներում Հայաստանի կառավարության քաղաքականությունը։ 2022 թվականի դեկտեմբերի 16-ին կատարված օրենսդրական փոփոխություններով ԱԻՆ գործառույթները փոխանցվել են նորաստեղծ ներքին գործերի նախարարությանը։

Ընդհանուր տեղեկատվություն

Հիմնադրվել է 2008 թվականի ապրիլի 21-ին՝ Հայաստանի նախագահի հրամանագրով^[1]։

2014 թվականի դեկտեմբերի 1-ից միավորվել է Հայաստանի տարածքային կառավարման նախարարության հետ։

Վերաստեղծվել է 2016 թվականի փետրվարի 24-ին՝ վերակազմակերպման ձևով առանձնացվելով Հայաստանի տարածքային կառավարման և արտակարգ իրավիճակների նախարարությունից^[2]։

2022 թվականի դեկտեմբերի 16-ին ԱԺ կողմից ընդունված օրենսդրական փոփոխություններով ԱԻՆ գործառույթները` 2023 թվականի հունիսի 30-ից փոխանցվել են նորաստեղծ` ներքին գործերի նախարարությանը։