Դավիթ Տոնոյան

Դավիթ Էդգարի Տոնոյան (դեկտեմբերի 27, 1967(1967-12-27), Ուստ Կամենոգորսկ, Ղազախական Խորհրդային Սոցիալիստական Հանրապետություն, ԽՍՀՄ), ՀՀ պետական և ռազմական գործիչ, ՀՀ Պաշտպանության գործող նախարար։ 2010-2016 թվականներին եղել է ՀՀ Պաշտպանության նախարարի առաջին տեղակալ։ Հայաստանի Հանրապետության արտակարգ իրավիճակների նախկին նախարար (2017-2018)։

Դավիթ Տոնոյան
Կրթություն՝	Երևանի պետական համալսարան
Մասնագիտություն՝	քաղաքական գործիչ
Ազգություն	հայ
Դավանանք	Հայ Առաքելական Եկեղեցի
Ծննդյան օր	դեկտեմբերի 27, 1967(1967-12-27) (52 տարեկան)
Ծննդավայր	Ուստ Կամենոգորսկ, Ղազախական Խորհրդային Սոցիալիստական Հանրապետություն, ԽՍՀՄ
Քաղաքացիություն	Հայաստան
Պարգևներ	«Հայրենիքին մատուցած ծառայությունների համար» 1-ին աստիճանի մեդալ, «Հայրենիքին մատուցած ծառայությունների համար» 2-րդ աստիճանի մեդալ և «Հայրենիքին մատուցած ծառայությունների համար» 2-րդ աստիճանի շքանշան

Կրթություն

• 1991 թվական – ավարտել է Երևանի պետական համալսարանի երկրաբանական ֆակուլտետը։
• 1997 թվական – ավարտել է Ռուսաստանի Դաշնության ռազմադիվանագիտական ակադեմիան։

Զինվորական ծառայություն

• 1986-1988 թվականներ – ծառայել է Խորհրդային բանակում։
• 1992-1994 թվականներ – ծառայել է ՀՀ ՆԳՆ Կազմակերպված հանցավորության դեմ պայքարի գլխավոր վարչությունում։
• 1994 թվական – զինվորական ծառայության է անցել ՀՀ ՊՆ ռազմական ոստիկանության վարչությունում որպես բաժնի պետ։
• 1997 թվական – ծառայության է անցել ՀՀ ՊՆ սպառազինության վարչության սպա։
• 1998-2004 թվականներ - ծառայել է ՆԱՏՕ-ի գործողությունների դաշնակցային հրամանատարության շտաբին կից՝ տարբեր պաշտոններում։
• 2004-2007 թվականներ – ՆԱՏՕ-ում ՀՀ ԶՈՒ ներկայացուցիչ։
• 2007-2008 թվականներ – ՀՀ ՊՆ միջազգային ռազմական համագործակցության և պաշտպանական ծրագրերի վարչության պետ։
• 2008-2010 թվականներ – ՀՀ ՊՆ պաշտպանական քաղաքականության վարչության պետ։
• 2010 թվական հոկտեմբերի 2-ին ՀՀ Նախագահի հրամանագրով նշանակվել է ՀՀ պաշտպանության նախարարի առաջին տեղակալ։
• 2017 թվականին ՀՀ նախագահի հրամանագրով նշանակվել է Հայաստանի Հանրապետության արտակարգ իրավիճակների նախարար:
• 2018 թվականին ՀՀ վարչապետի հրամանագրով նշանակվել է Հայաստանի Հանրապետության Պաշտպանության նախարար:

Պարգևներ և կոչումներ

• Ունի Հայաստանի Հանրապետության քաղաքացիական հատուկ ծառայության երկրորդ դասի պետական խորհրդականի դասային աստիճան (2010)։
• «Հայրենիքին մատուցած ծառայությունների համար» 1-ին աստիճանի մեդալ (2012)։
• «Հայրենիքին մատուցած ծառայությունների համար» 2-րդ աստիճանի մեդալ (2008)։
• ՀՀ ՊՆ «Անբասիր ծառայության համար» 1-ին, 2-րդ և 3-րդ աստիճանի մեդալներ։
• ՀՀ ՊՆ «Վազգեն Սարգսյան» մեդալ։
• ՀՀ ՊՆ «Անդրանիկ Օզանյան» մեդալ։
• «Հայրենիքին մատուցած ծառայությունների համար» 2-րդ աստիճանի շքանշան:

Ամուսնացած է, ունի դուստր և որդի։ Ձյուդոյի սպորտի վարպետ։

Արտաքին հղումներ

• Հարցազրույց Դավիթ Տոնոյան. «Հայ խաղաղապահների մի մասը կտեղափոխվի Քաբուլ» ՄեդիաՄաքս:(հայ.)
• Դավիթ Տոնոյան. Պարտականությունը պետք է փոխարինենք առաքելությամբ