Համլետ Գևորգյան (գիտնական)
Անվան այլ կիրառումների համար տե՛ս՝ Համլետ Գևորգյան (այլ կիրառումներ)
Համլետ Ամբակումի Գևորգյան (հուլիսի 10, 1927[1], Երևան, Հայկական ԽՍՀ, ԱԽՖՍՀ, ԽՍՀՄ - հունիսի 18, 2024[2], Երևան, Հայաստան), փիլիսոփա։ Փիլիսոփայական գիտությունների դոկտոր (1971), պրոֆեսոր (1972), ՀՀ ԳԱԱ ակադեմիկոս (1996)[3], Հայաստանի Հանրապետության գիտության վաստակավոր գործիչ (2013)[4]։
Համլետ Գևորգյան | |
|---|---|
| Ծնվել է | հուլիսի 10, 1927[1] Երևան, Հայկական ԽՍՀ, ԱԽՖՍՀ, ԽՍՀՄ |
| Մահացել է | հունիսի 18, 2024[2] (96 տարեկան) Երևան, Հայաստան |
| Քաղաքացիություն |  ԽՍՀՄ և  Հայաստան |
| Մասնագիտություն | փիլիսոփայություն |
| Հաստատություն(ներ) | ՀՀ ԳԱԱ փիլիսոփայության, սոցիոլոգիայի և իրավունքի ինստիտուտ |
| Գործունեության ոլորտ | փիլիսոփայություն |
| Ալմա մատեր | Երևանի պետական համալսարան |
| Կոչում | պրոֆեսոր |
| Գիտական աստիճան | փիլիսոփայական գիտությունների դոկտոր, պրոֆեսոր և ակադեմիկոս |
| Պարգևներ | |
Կենսագրություն
խմբագրելՀամլետ Գևորգյանը ծնվել է Երևանում, սովորել Երևանի Մռավյանի անվան դպրոցում։ 1950 թվականին ավարտել է Երևանի պետական համալսարանի միջազգային հարաբերությունների ֆակուլտետը։ 1956 թվականից աշխատել է ՀՀ ԳԱԱ Փիլիսոփայության և իրավունքի ինստիտուտում։ 1955 թվականին ավարտել է Գիտությունների ակադեմիայի փիլիսոփայության սեկտորի ասպիրանտուրան և պաշտպանել թեկնածուական ատենախոսություն`«Աբստրակցիայի դերը իմացության մեջ» թեմայով։ 1962-1969 թվականներին եղել է ՀՀ ԳԱԱ Փիլիսոփայության և իրավունքի ինստիտուտի պրոբլեմային խմբի ղեկավար, 1969 թվականից՝ բաժնի վարիչ։ 1992 թվականից՝ գիտաթեմատիկ խմբի ղեկավար, 1993-1995 թվականներին՝ ինստիտուտի տնօրեն։1970 թվականին պաշտպանել է դոկտորական ատենախոսություն «Հավանական և հավաստի գիտելիք» թեմայով, որն ամփոփում էր համանուն գրքի և նրան հարող տասնյակ հրապարակումների թեզերը։ 1972 թվականին նրան շնորհվել է պրոֆեսորի գիտական կոչում։ 1963-1979 թվականներին դասախոսել է ԵՊՀ-ում։ 1996 թվականինին ընտրվել է ՀՀ ԳԱԱ ակադեմիկոս[5]։
Գործունեություն
խմբագրելԱշխատությունները վերաբերում են գիտության փիլիսոփայությանը և մեթոդաբանությանը, տրամաբանությանը, արևմտյան փիլիսոփայության իմացաբանական ուսմունքների քննական վերլուծությանը, ինչպես նաև պատմության փիլիսոփայությանը, հայ փիլիսոփայության պատմության մեթոդաբանական հարցերին։ Տվել է հավանականության կատեգորիայի սահմանումն իմացաբանության մեջ, ձևակերպել գիտելիքի օբյեկտիվության ներգիտական չափանիշները, պատմամշակութային գործոնների ազդեցությունը գիտական գիտելիքի իմացաբանական բնութագծերի վրա[6][7]։
Աշխատություններ
խմբագրել- Агностицизм и проблема знания и веры в буржуазной философии.- Ереван: Изд-во АН АрмССР, 1964, 230 с.
- Вероятное и достоверное знание.- Ереван: Изд-во АН АрмССР, 1965, 202 с.
- Метод исторической реконструкции в истории науки.- Ереван: Изд-во АН Армении, 1990, 207 с.[8]
Ծանոթագրություններ
խմբագրել- ↑ 1,0 1,1 http://am.hayazg.info/index.php?curid=6900
- ↑ 2,0 2,1 2,2 Կյանքից հեռացել է Համլետ Գևորգյանը
- ↑ «ՀՀ գիտությունների ազգային ակադեմիայի իսկական անդամներ». Վերցված է 2023 թ․ մայիսի 31-ին.
- ↑ Հայաստանի Հանրապետության պատվավոր կոչումներ շնորհելու մասին
- ↑ Technologies, Peyotto. «Կյանքից հեռացել է Համլետ Գևորգյանը». iravaban.net. Վերցված է 2024 թ․ հունիսի 18-ին.
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
- ↑ «ՀՀ ԳԱԱ ակադեմիկոսների կենսամատենագիտություններ». Վերցված է 2023 թ․ մայիսի 31-ին.
- ↑ «ՀՀ ԳԱԱ հիմնարար գիտական գրադարանի էլ․ քարտարան- Համլետ Գևորգյան». Վերցված է 2023 թ․ մայիսի 31-ին.
 | Վիքիդարանն ունի նյութեր, որոնք վերաբերում են «Համլետ Գևորգյան (գիտնական)» հոդվածին։ |