Հաղթուկ

Հաղթուկ, գյուղ Արևմտյան Հայաստանում, Խարբերդի վիլայեթի Խոզաթի գավառակում^[1]։ Գտնվում էր Չմշկածագ գյուղաքաղաքից 8-9 կմ հյուսիս, Եփրատ գետի ձախ կողմում, այգեվետ վայրում։

Պատմություն

Գյուղն իսպառ ավերվել է ու ամայացել է թուրքերի ձեռքով 1915 թվականի Մեծ եղեռնի ժամանակ։

Գյուղի բնակչության մեծամասությունը հայեր էին։ XIX դարի վերջին ուներ 25-30 տուն՝ 224 բնակչով։

Բնակչության հիմնական զբաղմունքը երկրագործությունն ու արհեստներն էր։

Հաղթուկն ուներ Երեք Մանմունք և Ս. Աստվածածին (կամ Ս. Մինաս) անուններով եկեղեցիներ։ Գյուղի մոտ էր գտնվում «Քարնուց քար» քարայրը։

1879 թվականին գյուղում գործում էր հայկական վարժարան, որն ուներ 25 սան^[2]։

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն