Խոզաթի գավառակ

Խոզաթ, գավառակ Արևմտյան Հայաստանում, Խարբերդի վիլայեթի Դերսիմի գավառում։ Գտնվում էր Դեսրիմի գավառի կենտրոնում, Խարբերդից հյուսիս։ Կենտրոնը Խոզաթ գյուղաքաղաքն էր։

Աշխարհագրություն

Ուներ լեռնային տարածք։

Մինչև 1890 թվականները, երբ դեռ Դերսիմը վիլայեթ էր, Խոզաթը եղել է գավառ և բաղկացած է եղել 4 գավառակներից և 3 գյուղախմբերից։

Խոզաթը Չմշկածագի, Մեծկերտի և Փերի (Բերրի) գավառակների հետ համապատասխանում էր Չորրորդ Հայքի Փոքր Ծոփք գավառին։

Ուներ 5070 տուն` 38 284 բնակչով, որից հայերը կազմում էին 1966 տուն` 19 660 բնակչով, իսկ քրդերը` 3104 տուն` 18 264 բնակչով։

Բնակչության հիմնական զբաղմունքը այգեգործություն, երկրագործություն և անասնապահությունն էր։

XX դարի սկզբին ուներ 30 բնակավայր, որից 15-ը քրդաբնակ էին, իսկ մյուս 15-ը հայ և քուրդ բնակչով էին^[1]։

↑ ^1,0 ^1,1 ^1,2 «Հայաստանի և հարակից շրջանների տեղանունների բառարան», հտ 2, էջ 758

«Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն