Հակոբ Բալյան
- Վիքիպեդիայում կան հոդվածներ Բալյան ազգանունով այլ մարդկանց մասին։
Հակոբ Կարապետի Բալյան (Հակոբ բեյ Պալյան, 1837, օգոստոսի 4, Կոստանդնուպոլիս - 1875, հոկտեմբերի 30, Փարիզ, թաղված է Պեր Լաշեզ գերեզմանոցում), հայ ճարտարապետ։ Ճարտարապետ Կարապետ Բալյանի որդին։
| Հակոբ Բալյան արմտ. հայ.՝ Հակոբ Պալեան | |
|---|---|
 | |
| Ի ծնե | Հակոբ բեյ Պալյան |
| Ծնվել է | 1837 օգոստոսի 4 |
| Ծննդավայր | Կոստանդնուպոլիս |
| Մահացել է | հոկտեմբերի 30, 1878 (տարիքը 41) |
| Վախճանի վայր | Փարիզ |
| Ազգություն | հայ |
| Ուշագրավ աշխատանքներ | Փերթեվնիյալ Վալիդե սուլթան մզկիթ |
Կենսագրություն խմբագրել
Հակոբ Բալյանը ծնվել է Կոստանդնուպոլսում։ 1855 թվականին մեկնել է Փարիզ։ 1858 թվականին ավարտել է Սեն Պարպ քոլեջի ճարտարապետական բաժինը։ Եղբոր՝ Նիկողոսի վաղաժամ մահվան պատճառով վերադարձել է Կ.Պոլիս, աշխատակցել հորը և եղբորը՝ Սարգիս Բալյանին։ 1866 թվականին, հոր մահից հետո, եղբոր հետ նշանակվել է պալատական ճարտարապետ՝ զբաղվելով հիմնականում նախագծման հարցերով։ Հակոբ Բալյանը սովորություն ուներ ավելացնել իր այն գործավարի շաբաթական աշխատավարձը, ով իր հետ հայերեն խոսելիս օտար բառեր չէր գործածում[1]։
Շենքերն ու կառույցները խմբագրել
- Պեյքոզի Թոքաթի, Սկյուտարի Քոշուեոլուի Մայր թագուհու, Չուպուքլու Խտիվ Իսմայիլ փաշայի, Մերճանի Ալի փաշայի ապարանքները
- Աքսարայի Բերթենիյալ մայր թագուհու մզկիթը
- Չրաղանի պալատը (եղբայրների հետ), Բեյլերբեյի պալատը
Բալյանի Օրթագյուղի ապարանքը եղել է Կ.Պոլսի հայ գրականության և արվեստի գործիչների՝ Նահապետ Ռուսինյանի, Մկրտիչ Պեշիկթաշլյանի, Նար Պեյի, Ծերենցի, Թովմաս Թերզյանի, Պետրոս Ադամյանի, Ազնիվ Հրաչյայի, Տիգրան Չուխաճյանի և այոց մշտական հավաքատեղին։ Նրա միջոցներով վերաշինվել է Օրթագյուղի Բարեսիրաց թատրոնի շենքը (1870, ճարտարապետ՝ Պ.Նեմցե), կառուցվել Արևելյան թատրոնը (1861-1962)[2]։
Տես նաև խմբագրել
Ծանոթագրություններ խմբագրել
- ↑ Փարսադանյան, Ալբերտ (2006). Գիտելիքների շտեմարան 3:Գիտե՞ք որ . . . Երևան: ՎՄՎ Պրինտ. էջ 113.
- ↑ «Հակոբ Բալյանի կենսագրությունը zarkfoundation.com կայքում».
