Հակաֆեռոմագնիսներ

Հակաֆեռոմագնիսներ, նյութեր, որոնցում հաստատվել է ատոմների կամ իոնների մագնիսական մոմենտների հակաֆեռոմագնիսական կարգ։

Հակաֆեռոմագնիսներում մագնիսական մոմենտներն ուղղված են իրար հակառակ և ուժով հավասար են:

Հատկություններ

Սովորաբար նյութը վերածվում է հակաֆեռոմագնիսի, երբ նրա ջերմաստիճանը ցածր է որոշակի $\,T_{N}$ Նեյլի ջերմաստիճանից, և մնում է հակաֆեռոմագնիս մինչև նրա ջերմաստիճանը չի անցնում $\,T_{K}$ Կյուրիի ջերմաստիճանից։

Հակաֆեռոմագնիսները տարրերում

Հակաֆեռոմագնիսներ են պինդ թթվածինը (a-մոդիֆիկացիա, երբ $\,T_{N}<24K$), քրոմը ($\,T_{N}=310K$), ինչպես նաև մի շարք հողալկալիական մետաղներ։ Վերջիններում սովորաբար դիտվում է բարդ հակաֆեռոմագնիսական կառուցվածք $\,T_{N}$ և ($\,OK<T_{1}<T_{N}$ ջերմաստիճանային տիրույթում։ Ավելի ցածր ջերմաստիճանում նյութը իրեն պահում է որպես ֆեռոմագնիս։ Համեմատաբար տարածված հակաֆեռոմագնիսների՝ հողալկալիական տարրերի մասին տեղեկություններ բերված են աղյուսակում։

Տարածված հակաֆեռոմագնիսների մասին տեղեկություններ

Քիմիական տարր	T1, K	TN, K
Dy	85	179
Ho	20	133
Er	20	85
Tm	22	60
Tb	219	230

Հակաֆեռոմագնիսները քիմիական միացություններում

Քիմիական միացությունների թիվը, որոնք որոշակի ջերմաստիճանում վերածվում են հակաֆեռոմագնիսի, հասնում է հազարի։ Հակաֆեռոմագնիսների մեծամասնության $\,T_{N}$ ջերմաստիճանը ավելի ցածր է սենյակային ջերմաստիճանից։ Բոլոր հիդրատացված աղերի համար $\,T_{N}$ չի գերազանցում $\,10K$, օրինակ՝ $\,CuCl_{2}\times 2H_{2}O$ Նեյլի ջերմաստիճանը $\,T_{N}=4,31K$:

Համեմատաբար պարզ միացություններ

Միացություն TN, K MnSO4 12 FeSO4 21 CoSO4 12 NiSO4 37 MnCO3 32,5 FeCO3 35 CoCO3 38 NiCO3 25

Միացություն TN, K MnO 120 FeO 190 CoO 290 NiO 650 MnF2 72 FeF2 79 CoF2 37,7 NiF2 73,2

Կիրառություն

Ցածր ջերմաստիճաններում հակաֆեռոմագնիսներ օգտագործելով՝ հնարավոր է ստանալ հիշողության բջիջներ, որոնք պարունակում են 12 ատոմ (համեմատության համար, ժամանակակից կոշտ սկավառակներում 1 բիթ ինֆորմացիա պահելու համար անհրաժեշտ է մոտ 1 միլիոն ատոմ)։

Գրականություն

• К. М. Хёрд — Многообразие видов магнитного упорядочения в твёрдых телах
• Тябликов С. В. Методы квантовой теории магнетизма. 2-е изд. — М., 1975.

Տես նաև

• Հակաֆեռոմագնիսականություն
• Ֆեռոմագնիսականություն