Կուկաս

Կուկաս (Կուկեշ, Կուկուշ, ալբ․՝ Kukës, Kukësi), քաղաք հյուսիսարևելյան Ալբանիայում։ Գտնվում է համանուն՝ Կուկաս գավառում՝ Ալբանիայի ու Կոսովայի սահմանից ոչ հեռու։ 2003 թվականի մարդահամարի տվյալներով՝ քաղաքի բնակչությունը կազմում է 16 315 մարդ, որոնց մեծամասնությունն ալբանացիներ են։ Ալբանացիներից հետո երկրորդ էթնիկական խումբը գորացիներն են։

Քաղաք
Կուկաս
Kukës կամ Kukësi
Զինանշան
Երկիր	Ալբանիա
Գավառ	Կուկասի գավառԿուկասի գավառ
Շրջան	Կուկասի շրջան
ԲԾՄ	358 մ
Խոսվող լեզուներ	ալբաներեն
Բնակչություն	16 315 մարդ (2003)
Ազգային կազմ	ալբանացիներ
Ժամային գոտի	UTC+1, ամառը UTC+2
Հեռախոսային կոդ	+355 (0) 24
Փոստային դասիչ	8501-8503
Ավտոմոբիլային կոդ	KU
Պաշտոնական կայք	bashkiakukes.com
Կուկաս (Ալբանիա)
Կուկաս Վիքիպահեստում

Քաղաքը տեղակայված է Սև Դրին ու Սպիտակ Դրին գետերի միախառնվելու վայրում, որտեղ այդ երկու գետերը ձևավորում են Դրին գետը։ 1976 թվականին այս տարածքում գոյություն ունեցած նախկին քաղաքը ողողվել է Ֆիերցա ջրամբարի ջրով, որ կառուցվել էր ջրաէլեկտրակայանի կառուցումից հետո։ Նոր քաղաքը կառուցվել է ոչ հեռու՝ Գյալիցա ու Կորիտնիկ լեռների ստորոտում։ Այդ ժամանակից ի վեր քաղաքը հաճախ կոչում են Նոր Կուկաս (ալբ․՝ Kukësi i Ri)։

Քաղաքի կողքով հոսում է ևս մի գետ՝ Լյուման։ Քաղաքի ոչ հեռու՝ մի քանի կիլոմետր դեպի հարավ, կա օդանավակայան՝ Kukës Airport Zayed bin Sultan Al Nahyan։ Քաղաքն ունի իր անունը կրող ֆուտբոլային ակումբ։

Պատմություն

1939 թվականի ապրիլի 15-ին Կուկոս քաղաքը դարձավ իտալական ռազմաօդային ուժերի վայրէջքի երկու վայրերից մեկը։ Այդ զորքերը ավարտին հասցրին Ալբանիայի բոլոր կարևոր բնակավայրերի գրավման գործը։

Քույր-քաղաքներ

• Տիրանա, Ալբանիա
• Վլյորե, Ալբանիա
• Shëngjin, Ալբանիա
• Միտրովիցա, Կոսովո
• Պրիզրեն, Կոսովո

Արտաքին հղումներ

• Քաղաքի կայքը Արխիվացված 2012-02-26 Wayback Machine

Վիքիպահեստն ունի նյութեր, որոնք վերաբերում են «Կուկաս» հոդվածին։