Կոստա Ցոնև
Կոստա Դիմիտրով Ցոնև (բուլղար․՝ Коста Димитров Цонев, հունիսի 10, 1929[1], Սոֆիա, Բուլղարիա[1] - հունվարի 25, 2012[2], Սոֆիա, Բուլղարիա), բուլղար կինոդերասան և քաղաքական գործիչ, Բուլղարիայի ժողովրդական արտիստ։ Բուլղարիայի ազգային ժողովի 39-րդ և 40-րդ գումարումների պատգամավոր։ Բազմաթիվ մրցանակների դափնեկիր։
Կոստա Ցոնև | |
---|---|
Ծննդյան թիվ՝ | հունիսի 10, 1929[1] |
Ծննդավայր՝ | Սոֆիա, Բուլղարիա[1] |
Վախճանի թիվ՝ | հունվարի 25, 2012[2] (82 տարեկան) |
Վախճանի վայր՝ | Սոֆիա, Բուլղարիա |
Քաղաքացիություն՝ | Բուլղարիա |
Մասնագիտություն՝ | դերասան, քաղաքական գործիչ և հեռուստատեսային դերասան |
Պարգևներ՝ | |
IMDb։ | ID 0875145 |
Կենսագրություն
խմբագրելԿոստա Ցոնևը ծնվել է 1929 թվականի հունիսի 3-ին Սոֆիայում։ Նա ավարտել է Թատրոնի և կինոարվեստի բարձրագույն ինստիտուտը՝ «դերասանական վարպետություն» մասնագիտությամբ։ Աշխատել է Երիտասարդական և «Սոֆիա» թատրոններում։ Իր կարիերայի ընթացքում նկարահանվել է ավելի քան 200 ֆիլմերում։ Առավել հայտնի է որպես հետախույզ Էմիլ Բոևի դերակատար, որի դերը խաղացել է մի քանի ֆիլմերում։
2001 և 2005 թվականներին ընտրվել է Բուլղարիայի ազգային ժողովի 39-րդ և 40-րդ գումարումների պատգամավոր։ Որպես պատգամավոր իրականացրել է յուրահատուկ «„Հույս“ թատերական տուն» ծրագիրը։
Հրատարակել է «Դոն Կիխոտը Կարմիր գյուղից» հուշագրությունների գիրքը։
Կոստա Ցոնևը մահացել է 2012 թվականի հունվարի 25-ին Սոֆիայում՝ 82 տարեկան հասակում[3]։
Անձնական կյանք
խմբագրելԿոստա Ցանև ամուսնացած է եղել երկու անգամ։ Նրա առաջին կինը եղել է Անահիդ Տաչևան, իսկ երկրորդը՝ Ելենա Ցոնևան։ Դերասանն ունեցել է երկու երեխա՝ տղա Դիմիտրը (մահացել է 2016 թվականին) և աղջիկ Տեոդորան։ Կոստա Ցոնևի եղբայրն է եղել հայտնի երգիծաբան Վասիլ Ցոնևը, իսկ երկրորդ եղբայրը՝ Իվան Ցոնևը, գաղթել է Ավստրալիա։
Մրցանակներ
խմբագրել- Բուլղարիայի ժողովրդական արտիստ (1976)[4]
- Դիմիտրովյան մրցանակ (1980)
- «Ստարա Պլանինա» առաջին աստիճանի շքանշան (1999)
- Կինոարվեստի զարգացման մեջ խոշոր ներդրում ունենալու համար Բուլղարիայի կինոյի գործիչների միության մրցանակ (2000)
Դերերը թատրոնում
խմբագրել- «Քարե հյուր» (Ա. Ս. Պուշկին) - դոն Գուան
- «Ռիչարդ III» (Ու. Շեքսպիր) - թագավոր Ռիչարդ
- Դոն Կիխոտ (Մ. Սերվանտես)
Ծանոթագրություններ
խմբագրել- ↑ 1,0 1,1 1,2 1,3 1,4 Strazha.bg
- ↑ 2,0 2,1 2,2 Bulgaria: Legendary Bulgarian Actor Kosta Tsonev Dies at 82
- ↑ «Legendary Bulgarian Actor Kosta Tsonev Dies at 82». Novinite.com (Sofia News Agency). 2012 թ․ հունվարի 25. Վերցված է 2012 թ․ հունվարի 26-ին.
- ↑ Игорь Броварник (26 января 2012). «В Болгарии на 82-м году жизни скончался известный актёр Коста Цонев» (ռուսերեն). ИТАР-ТАСС. Արխիվացված օրիգինալից 2012 թ․ սեպտեմբերի 10-ին. Վերցված է 2012 թ․ հունվարի 28-ին.
Գրականություն
խմբագրել- Коста Цонев Моите жени, моите роли. — София: Ню Медиа Груп, 2007. — С. 422.
- Коста Цонев, Дон Кихот от Красно село
Արտաքին հղումներ
խմբագրել- «Коста Цонев на сайте kino-teatr.ru». Արխիվացված օրիգինալից 2012 թ․ մայիսի 18-ին. Վերցված է 2019 թ․ հոկտեմբերի 15-ին.