Կարմիր գանգ

Կարմիր գանգ;
Հրատարակման պատմություն
Հրատարակիչ	Marvel Comics
Դեբյուտ	Յոհան Շմիդտ:; Captain America Comics #5 (հոկտեմբեր 1941 թվական); Ջորջ Մակսոն:; Captain America Comics #1 (մարտ 1941 թվական); Ալբերտ Մալիկ:; Captain America Comics #61 (մարտ 1947 թվական)
Հեղինակ	Ջո Սայմոն, Ջեք Քիրբի և France Herron?
Դերակատար / Ձայն	Scott Paulin? և Հյուգո Ուիվինգ
Աշխարհ	Marvel Universe
Ներկայացրած է	Captain America?, Marvel սուպերհերոսներ, Սարդ-մարդը և նրա զարմանահրաշ ընկերները և Իքս Մարդիկ
Անձնական տվյալներ
Դիրքորոշում	Չար
Ի ծնե անուն	գերմ.՝ Johann Schmidt
Կեղծանուններ	Յոհան Շմիդտ։ Der Rote Schädel, գաղտնի գործակալ երեք երեսով, Քիրոս Ֆենտոն, ուսուցիչ, Թոդ Մարտ, Ջոն Սմիտ, Ալեքսանդր Լուկին Ալբերտ Մալիկ։
Տեսակ	մուտանտ և կոմիքսների կերպար
Հասակ	189 սմ
Քաշ	100 կգ
Սեռ	արական
Քաղաքացիություն	Գերմանիա
Զբաղմունք	սուպերչարագործ
Երեխաներ	Sin?
Թիմեր և կազմակերպություններ
	Hydra? և Նացիստական Գերմանիա
Դաշնակիցներ
	Արնիմ չար, Բարոն Շտրուկեր,Դոկտոր ութոտնուկ, Ալիսթեր Սմայթ,Էլեկտրո, Քամելեոն, Տանոս
Թշնամիներ
	Կապիտան Ամերիկա, Վրիժառուներ, Սարդ-մարդ, Ագենտ 13

Կարմիր գանգ, նաև Կարմիր չերեպ (անգլ.՝ Red Skull), Marvel Comics ընկերության հորինված անտագոնիստ կերպար։ Համարվում է Կապիտան Ամերիկայի, այլ սուպերհերոսների և ընդհանրապես Միացյալ Նահանգների թշնամին։

Առաջին երկու Կարմիր գանգերը եղել են Գերմանիայի գաղտնի գործակալները, իսկ երրորդը կոմունիստ է եղել։ Կարմիր գանգը առաջին անգամ 1941 թվականին հայտնվել է Captain America Comics #1 կոմիքսում։ Դա եղել է Ջորջ Մաքսոնը (անգլ. George Maxon)։ Հետագայում Մաքսոնը դարձել է իսկական Կարմիր գանգի գաղտնի գործակալը — Յոհան Շմիդթ անգլ.՝ (Johann Schmidt), իսկ S.H.I.E.L.D (Strategic Hazard Intervention Espionage Logistics Directorate)-ը նրան բնութագրել է, որպես մարդկության մեծագույն սպառնալիք^[1]։ Բացի այդ Կարմիր գանգը (չերեպ) համարվում է Կապիտան Ամերիկայի երդվյալ թշնամին^[2]։

Կենսագրություն խմբագրել

Յոհան Շմիդթ խմբագրել

Յոհան Շմիդտի պատմությունը իր լույս աշխարհ գալու պահից ողբերգական է եղել։ Ծնվել է Գերմանիայի փոքր գյուղերից մեկում։ Մայրը մահացել է։ Հայրը որոշել է սպանել երեխային, սակայն նրան կանգնեցրել է մի բժիշկ։ Յոհանի հայրը այդպես էլ չի կարողացել դիմանալ և շուտով ինքնասպան է եղել։ Այսպես պատանին ապրել է բոլորից փակ, մեկուսացած և սկսել է ատել յուրաքանչյուրին։ Ավելին, համարելով, որ իրեն շրջապատողներն են մեղավոր իր ողբերգական կյանքի համար։ Ավելի ուշ նա խանութում ընդունվել է աշխատանքի, որպես հավաքարար։ Չարագործը սիրահարվել է այդ խանութի տիրոջ աղջկան և ցանկացել է նրա հետ մտերմանալ։ Սակայն մերժում ստանալուց հետո զայրույթի պահին սպանել է նրան։

Դրանից հետո նա ստիպված եղավ փողոց վերադառնալ և թաքնվել արդարադատությունից։ Այն, որ նրան հետապնդում էր ոստիկանությունը, դա նա համարում էր շատ անարդար, և ատելությունը մարդկության հանդեպ սկսում է ավելի ու ավելի մեծանալ։ Մեծանալով, նա սկսում է Գերմանիայի ամենահայտնի հյուրանոցներից մեկում դռնապահ աշխատել։ Շուտով այդ հյուրանոց է գալիս Հիտլերը, և Յոհանին պատիվ է վիճակվում հսկել նրա սենյակի դուռը։ Հյուրանոցից փախել էր մի ինչ-որ հանցագործ, և ոստիկանները Յոհանին էին մեղադրում նրան բաց թողնելու մեջ։ Այդ ժամանակ Հիտլերը ցույց է տալիս Շմիդթին ասելով, որ նույնիսկ նրանից կարելի է դաստիարակել հզոր արիական զինվորի։ Այդ ասելուց հետո նա նայում է պատանու աչքերի մեջ և տեսնում է այն նույն երազանքները, որը ունի ինքը։ Այդ ամենից հետո, Յոհանը հայտնվում է Ռայխի բանակում։

Նա մարզվում էր մեծ ձգտումով, սակայն Հիտլերը նրա պատրաստվածության մակարդակից գոհ չէր։ Այդպիսով նա հեռացնում է բոլոր մարզիկներին և որոշում է մարզել երիտասարդին ինքնուրույն։ Յոհանը երկար և համառորեն մարզվում էր։ Նա դառնում է Ադոլֆի աջ ձեռքը և աշխարհի երկրորդ ամենաազդեցիք մարդը։ Նրա առաջին հանձնարարությունը լինում է` սպանել իր առաջին մարզչին, ով այլևս ի վիճակի չէր սովորեցնել։ Դա նա անում է մեծ դաժանությամբ։ Եվ այդպես հայտնվում է Կարմիր գանգը։

Դեռևս մինչեւ 1940-ական թվականները Կարմիր գանգը Միացյալ Նահանգներում լրտեսություն էր կատարում։ Նահանգներն ի պատասխան Կարմիր գանգի առաջարկում են իրենց հերոսին` Կապիտան Ամերիկային։ Այն ժամանակվանից, երբ ԱՄՆ-ը մտավ Երկրորդ համաշխարհային պատերազմի մեջ, Կապիտան Ամերիկան դարձավ Կարմիր գանգի գլխավոր թշնամին։ Նա տարիներ անց սպանվեց մարտերից մեկի ժամանակ։

Ալտերնատիվ տարբերակներ խմբագրել

Կարմիր գանգը Ultimate-տիեզերքում Կապիտան Ամերիկայի և Գեյլ Ռիչադսի ապօրինի զավակն է։ Ծնվելուց անմիջապես հետո ԱՄՆ-ի կառավարությունը խլում է նրան իր մորից, և դարձնում է «Իդեալական զինվոր» ուսումնասիրությունների առարկա, որպես Կապիտանի գեների միակ կրող։ Տղան դրսևորում է բարձր ունակություններ սպորտի, գիտության ոլորտներում, նա նաև լավ շախմատիստ էր։ Սակայն նա հոգեբանական տրավմայի էր ենթարկվել, քանի որ դաստիարակվել էր անազատության մեջ, և նրան ժառանգաբար փոխանցված սուպեր-զինվոր շիճուկի կողմնակի ազդեցություններն այնպիսի ծանր հետևանքներն էին առաջացրել, որ 17 տարեկան հասակում նա փախել էր հատուկ հիվանդանոցից, սպանելով 247 մարդ։ Մինչև կլինիկայի շեմին հասնելը, նա դանակի միջոցով հանում է իր գլխի մաշկը, որից էլ ստացել է իր մականունը։

Փախուստից հետո դառնում է վարձու մարդասպան։ Նրա առաջին պատվերներից մեկը լինում է նախագահ Քենեդիի սպանությունը։ Ultimatum-ից հետո Չերեպը հանդիպում է հոր հետ և ձեռնամարտի բռնվելով հաղթում է նրան։ Չերեպին հաջողվում է Բաքստերի շենքի (անգլ.՝ Baxter Building) ավերակներից առևանգել Տիեզերական խորանարդը` հզոր էներգիայի աղբյուրը, որին տնօրինողն ըստ իր հայեցողության կարող էր փոխել ամբողջ Տիեզերքը։ Ultimate-ի և Կապիտան Ամերիկայի իրականացրած հատուկ գործունեության ավարտին հաջողվում է նրան վնասազերծել։ Դրանից հետո սպանվում է դոկտոր՝ Լասկովոյի կողմից, ով վրիժառությամբ էր լցված իր ընտանիքի մահվան համար։

Կարմիր գանգը կոմիքսներից դուրս խմբագրել

Ֆիլմ խմբագրել

Սքոթ Պոլին 1990 թվականին նկարահանված «Կապիտան Ամերիկա» ցածր բյուդջետային ֆիլմում խաղացել է Կարմիր գանգի դերը։ Ի տարբերություն կոմիքսների, ֆիմում նա Իտալացի՝ մաֆիոզի դերում է հանդես գալիս։ Սառեցումից հետո նա նորմալ մարդկային դեմք է ստանում։

Marvel կինեմատոգրաֆիական տիեզերք խմբագրել

«Առաջին վրիժառուն» (2011)^[3] ֆիլմում կարմիր գանգը (որի դերակատարը եղել է՝ Հյուգո Վեյվինգը - անգլ.՝ Hugo Weaving) համարվել է տվյալ ֆիլմի անտագոնիստ կերպարը^[4]։ Ըստ ֆիլմի սյուժեի նա դոկտոր Էրսկինի առաջին սուպեր-զինվոր աշակերտն էր և շիճուկի պատճառով խելագարվել էր, որից հետո էլ փախել էր։

Կենտրոնական Եվրոպայում նա նացիստական կուսակցության մեջ է մտնում և շուտով ներկայանում է որպես Երրորդ Ռայխի գաղտնի ռազմական հատուկ ծառայություններից մեկի` Հիդրայի ղեկավար^[5]։ Ֆիլմում նա ներկայանում է իրեն բնորոշ ճաղատ կարմիր գլուխով, որը շիճուկի կողմնակի ազդեցության հետևանքն էր։ Ֆիլմի վերջում նա զոհվում է Տեսսերակտի` քառաչափ Հիպերխորանարդի ուժից։ Սակայն հայտնի է դարձել, որ Կարմիր գանգը (Յոհան Շմիդթ) Marvel կինոտիեզերք կվերադառնա Վրիժառուները ֆիմի երրորդ մասում։ Կա տեսություն, որ Կարմիր գանգը գուցե նույնիսկ չի զոհվել, այլ ընկել է Տանոսի ձեռքը և դառնալու է ներխուժման վկա։

Մուլտիպլիկացիաներ խմբագրել

Կարմիր գանգը հայտնվել է «Կապիտան Ամերիկա» 1966 թվական մուլտիպլիկացիայում։
Կարմիր գանգը հայտնվել է «Սարդ-մարդը (Սարդ-մարդ 5000)» 1981 թվական մուլտիպլիկացիայում։ Հնչյունավորել է Փիթեր Կալլենը։
Կարմիր գանգը հայտնվել է «Spider-Man and His Amazing Friends» (Սարդ-մարդը և նրա զարմանալի ընկերները) մուլտիպլիկացիայում։
Կարմիր գանգը հայտնվել է «Իքս մարդիկ» մուլտիպլիկացիայում։
Կարմիր գանգը հայտնվել է «Սարդ-մարդ» 1994 թվական մուլտիպլիկացիայում։
Կարմիր գանգը հայտնվել է «Սուպերհերոսների ջոկատը» մուլտիպլիկացիայում։
Կարմիր գանգը հայտնվել է «Վրեժառուներ. ընդհանուր հավաք» մուլտիպլիկացիայում։
Կարմիր գանգը հայտնվել է «Phineas and Ferb» մուլտիպլիկացիայում։
Կարմիր գանգը հայտնվել է «Երկաթե մարդը և Հալկը. Հերոսների միություն» մուլտիպլիկացիայում։
Կարմիր գանգը հայտնվել է «Երկաթե մարդը և Կապիտան Ամերիկան. Հերոսների միություն» մուլտիպլիկացիայում։

Քննադատություններ և կարծիքներ խմբագրել

Կարմիր գանգը Կոմիքսների մեծագույն չարագործների IGN ամսագրի վարկանիշային աղյուսակում կոմիքսների 100 մեծագույն չարագործների մեջ գրավել է 14-րդ տեղը^[6]
Չարագործը «Wizard» ամսագրում 100 մեծագույն չարագործների մեջ գրավել է 21-րդ տեղը։

Ծանոթագրություններ խմբագրել

↑ Cite comic|writer=Миллар, Марк|penciller=Додсон, Терри|inker=Додсон, Рэйчел|story=Venomous|title=Marvel Knights Spider-Man|issue=7|date=December 2004|publisher=Marvel Comics
↑ Albert, Aaron. «Top Ten Comic Book Archenemies - Superhero and Villain Arch-rivals». About.com. Արխիվացված է օրիգինալից 2012 թ․ օգոստոսի 1-ին. Վերցված է 2008 թ․ հունիսի 25-ին.
↑ «Red Skull Confirmed as Captain America Villain». SuperHeroHype. 2010 թ․ փետրվարի 6. Արխիվացված է օրիգինալից 2010 թ․ մարտի 29-ին. Վերցված է 2010 թ․ փետրվարի 7-ին.
↑ Graser, Marc (2010 թ․ մարտի 22). «Chris Evans to play 'Captain America'». Variety.com. Արխիվացված օրիգինալից 2012 թ․ ապրիլի 15-ին. Վերցված է 2011 թ․ հունվարի 11-ին.
↑ «Comic-Con 2010: 'Captain America'». EW.com. Արխիվացված օրիգինալից 2011 թ․ հուլիսի 4-ին. Վերցված է 2010 թ․ մարտի 23-ին.
↑ «Red Skull is number 14». IGN. News Corporation. Արխիվացված է օրիգինալից 2012 թ․ օգոստոսի 1-ին. Վերցված է 2017 թ․ հուլիսի 19-ին.

Արտաքին հղումներ խմբագրել

Красный Череп (Йоханн Шмидт) на Marvel.com
Красный Череп (Альберт Малик) на Marvel.com

[Venomous-1] Cite comic|writer=Миллар, Марк|penciller=Додсон, Терри|inker=Додсон, Рэйчел|story=Venomous|title=Marvel Knights Spider-Man|issue=7|date=December 2004|publisher=Marvel Comics

[2] Albert, Aaron. «Top Ten Comic Book Archenemies - Superhero and Villain Arch-rivals». About.com. Արխիվացված է օրիգինալից 2012 թ․ օգոստոսի 1-ին. Վերցված է 2008 թ․ հունիսի 25-ին.

[firstavenger-3] «Red Skull Confirmed as Captain America Villain». SuperHeroHype. 2010 թ․ փետրվարի 6. Արխիվացված է օրիգինալից 2010 թ․ մարտի 29-ին. Վերցված է 2010 թ․ փետրվարի 7-ին.

[4] Graser, Marc (2010 թ․ մարտի 22). «Chris Evans to play 'Captain America'». Variety.com. Արխիվացված օրիգինալից 2012 թ․ ապրիլի 15-ին. Վերցված է 2011 թ․ հունվարի 11-ին.

[5] «Comic-Con 2010: 'Captain America'». EW.com. Արխիվացված օրիգինալից 2011 թ․ հուլիսի 4-ին. Վերցված է 2010 թ․ մարտի 23-ին.

[6] «Red Skull is number 14». IGN. News Corporation. Արխիվացված է օրիգինալից 2012 թ․ օգոստոսի 1-ին. Վերցված է 2017 թ․ հուլիսի 19-ին.

[1]

[2]

[3]

[4]

[5]

[6]