Կատովիցե (լեհերեն՝ Katowice, գերմաներեն՝ Kattowitz, չեխերեն՝ Katovice), քաղաք Լեհաստանի հարավում, Սիլեզիա նահանգում՝ Կլոդնիցա և Ռավա գետերի ավազանում։ Վերին Սիլեզիայի գլխավոր, ամենամեծ բնակչությամբ քաղաքն է։ 2021 թվականի դրությամբ Կատովիցեի պաշտոնական բնակչությունը կազմում է 286,960, իսկ բնակության իրավունք ունեցող բնակչությունը՝ մոտ 315,000 մարդ[4]։ Կատովիցեն 2,3 միլիոն բնակչություն ունեցող ԳԶՄ (լեհ.՝ Górnośląsko-Zagłębiowska Metropolia) Մետրոպոլիսի[5] կենտրոնական և ավելի մեծ Կատովիցե-Օստրավա մետրոպոլիսային տարածքի մի մասն է, որը տարածվում է մինչև Չեխիա և ունի մոտ 5 միլիոն բնակչություն՝ դարձնելով այն Եվրամիության ամենաբազմամարդ մետրոպոլիսային տարածքներից մեկը[6][7]։
18-րդ դարի կեսերին Կատովիցեի տարածքում ածխի հարուստ պաշարների հայտնաբերումից հետո այն վերածվել է գյուղի: 19-րդ դարի առաջին կեսին արդյունաբերական հեղափոխութան արդոյւնքում տեղական ջրաղացներն ու ֆերմաները վերածվել են մետալուրգիական կոմբինատների, հանքերի, ձուլարանների և արհեստանոցների։ Այդ ժամանակից ի վեր քաղաքը փոխել է իր տնտեսությունը՝ ծանր արդյունաբերությունից մինչև մասնագիտական ծառայություններ, կրթություն և առողջապահություն: ըստ ՀՆԱ-ի՝ ամբողջ մետրոպոլիսի տարածքը տնտեսապես 16-րդ ամենահզոր քաղաքն է Եվրոպական միությունում՝ 114,5 միլիարդ դոլար արտադրանքով: Կատովիցե հատուկ տնտեսական գոտին զբաղեցնում է չորրորդ տեղը գլոբալ ազատ գոտիների թոփ 10 ցուցակում[8]։
1999 թ. ի վեր Կատովիցեն Սիլեզիա նահանգի մայրաքաղաքն է, նախկինում եղել է Կատովիցեի վոյեվոդայության և դրանից առաջ՝ Սիլեզիայի Ինքնավար Վոեվոդայության մայրաքաղաքը։ Հիմնվել է 19-րդ դարումպրուսական իշխանության օրոք և քաղաքի կարգավիճակ ստացել 1865 թվականին[11]։ Քաղաքից ոչ հեռու գտնվում է Զավյերչե բնակավայրը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 290)։
Լեհաստան
