Կավայոն
Կավայոն (ֆր.՝ Cavaillon, օքս.՝ Cavalhon), Պրովանս-Ալպեր-Լազուր ափ շրջանի ֆրանսիական Վոքլյուզ գավառի քաղաք և համայնք։ Հանդիսանում է համանուն կանտոնի կենտրոնը։
| Բնակավայր | |||
|---|---|---|---|
| Կավայոն | |||
| ֆր.՝ Cavaillon[1] | |||
| |||
 | |||
| Երկիր |  Ֆրանսիա | ||
| Մակերես | 45,96 կմ² | ||
| ԲԾՄ | 75 մետր | ||
| Բնակչություն | ▲25 923 մարդ (հունվարի 1, 2021)[2] | ||
| Ժամային գոտի | UTC+1 և UTC+2 | ||
| Փոստային դասիչ | 84300[3] | ||
| Պաշտոնական կայք | cavaillon.fr(ֆր.) | ||
| |||
.svg)
Աշխարհագրական դիրք
խմբագրել
Կավայոն քաղաքը գտնվում է Ֆրանսիայի հարավ-արևելքում, Պրովանս-Ալպեր-Լազուր ափ շրջանի Վոքլյուզի գավառում։ Այն մտնում է Ապտ շրջանի մեջ և հանդիսանում է համանուն կանտոնի կենտրոնը։ Համայնքի մակերեսը կազմում է 45,96 քառ․ կմ։
Ժողովրդագրություն
խմբագրելՀամայնքի բնակչությունը 2010 թվականին կազմել է 24 951 մարդ։
| Բնակչության թվաքանակն ըստ տարիների | ||||||
|---|---|---|---|---|---|---|
| 1962 | 1968 | 1975 | 1982 | 1990 | 1999 | 1999 |
| 17 058 | 21 388 | 21 259 | 20 615 | 23 102 | 24 572 | 24 951 |
Աշխարհագրություն
խմբագրելՔաղաքը գտնվում է Կուլոն և Դյուրանս գետերի միջգետային հատվածում։ Կավայոնի միջով անցնում է Սեն Ժուլիեն ջրանցքը։ Բացի այդ, կոմունայի տարածքով հոսում է Բուլոն գետը։
Պատմություն
խմբագրելԿավայոն բնակավայրը հիմնադրվել է գալերի կողմից, որը կառուցվել է այստեղ՝ Սեն-Ժակ բլրի վրա։ Հռոմեացիները տեղափոխեցին այն հարթավայր և կոչեցին Կաբելիո (անգլ.՝ Cabelio):
Միջնադարում Կավայոնը մտնում էր Կոնտա-Վենեսենի պապական տարածքի կազմի մեջ։ 1251 թվականին Իննոկենտիոս IV Պապը այստեղ օծեց Սեն-Վերեն տաճարը։ 5-րդ դարից մինչև 1801 թվականը Կավայոնը հռոմակաթոլիկական եպիսկոպոսության կենտրոն էր, որը մտնում էր Ավինյոնյան արքեպիսկոպոսության կազմի մեջ։ Շնորհիվ ազատական քաղաքականության պապական իշխանությունների՝ սկսած XIII դարից, Կավայոնը Ավինյոն և Կարպանտրաս քաղաքների հետ միասին համարվում է ֆրանսիական հրեաների կենտրոնը, որոնք փախել էին Ֆիլիպ IV Գեղեցիկի հետապնդումներից։ Քաղաքում կար իրենց գետտոն և XIV դարում այստեղ կառուցվեց սինագոգ։
Տեսարժան վայրեր
խմբագրել- Կավայոնյան տաճար, կառուցվել է 1251 թվականին։
Կինո
խմբագրելԿավայոնի կայարանում և քաղաքի տարբեր մասերում նկարահանումներ են կատարվել 2007 թվականին վարձույթ դուրս եկած «Միսթր Բինի արձակուրդները» կինոֆիլմի համար։
Այստեղ նկարահանվել են նաև «Մահացու ամառը» (1983)՝ Իզաբել Աջանի հետ, և «Անիծված գազոն» (1994) ֆիլմերը։
Ծանոթագրություններ
խմբագրելԱրտաքին հղումներ
խմբագրել- Պաշտոնական կայք (ֆր.)
- Վիճակագրության ազգային ինստիտուտ (ֆր.)