Կապույտ տաղավարը
«Կապույտ տաղավարը» (անգլ.՝ The Blue Bower), անգլիացի պրեռաֆայելիտ նկարիչ Դանթե Գաբրիել Ռոսսետտիի նկարը՝ ստեղծված 1865 թվականին։ Ներկայումս նկարը գտնվում է Բիրմինգհեմի Բարբերի արվեստի ինստիտուտի հավաքածուում։
 | |
|---|---|
 | |
| տեսակ | գեղանկար |
| նկարիչ | Դանթե Գաբրիել Ռոսսետտի[1] |
| տարի | 1865[1] |
| բարձրություն | 84 սանտիմետր[1] |
| լայնություն | 70,9 սանտիմետր[1] |
| նյութ | յուղաներկ[1] և կտավ[1] |
| գտնվում է | Barber Institute of Fine Arts?[1] |
| հավաքածու | Barber Institute of Fine Arts?[1] |
| կայք | |
Ծանոթագրություններ | |
Տեղեկություն նկարի մասին
խմբագրելՆկարի համար բնորդուհի է դարձել Ֆաննի Կորնֆորտը։ Հավանաբար նրա հետ կապված ձայնային զուգորդմամբ Ռոսսետտին նկարում պատկերել է տերեփուկ (անգլերեն՝ cornflowers)[2]։ Մյուս ծաղիկները՝ պասիֆլորա և պատատուկ, կարող են մեկնաբանվել որպես կրքի և սիրային կապերի խորհրդանիշ[2]։ Բնորդուհին կրում է սրտաձև մեդալիոն, որը հետագայում սկսել է պատկանել նկարչի սիրեցյալ Ջեյն Մորիսին[2]։
Անգլերեն bower («տաղավար») բառը նաև նշանակում է բնակարան կամ կացարան, որտեղ միջնադարում և ավելի ուշ ժամանակներում անցել են սիրահարների հանդիպումները[2][3]։ Անցյալի հետ պատմական զուգորդումները կիրառվում են ոչ միայն նկարի անվանման մեջ, այլև դասական վենետիկյան և տիցիանական տիպաժի շիկակարմիր մազերով կանացի գեղեցկության պատկերման մեջ[2]։ Նկարչի եղբայր քննադատ Ուիլյամ Մայքլ Ռոսսետտին համարել է, որ նկարը իր եղբոր ամենավառ և շքեղ աշխատանքներից մեկն է, ընդ որում այստեղ կնոջ կերպարը իդեալականացված չէ, այլ զգայական և երկրային է, այդ իսկ պատճառով թերագնահատվել է կամ էլ բացասաբար գնահատվել այլ աշխատանքների համեմատությամբ[4]։
«Կապույտ տաղավարը» հանդիսանում է տիպական օրինակ այն բանի, երբ Ռոսսետտին իր աշխատանքներում միավորել է արևմուտքի և արևելքի մշակույթների տարրերը, որը բնութագրական է 1860-ական թվականների նրա արվեստին[5]։ Առաջին նկարներից մեկը, որտեղ դա ի հայտ է եկել, դարձել է 1859 թվականի «Bocca Baciata» նկարը։ «Կապույտ տաղավարը» նկարում արևելյան մոտիվներից առկա են ծաղկած բալի պատկերը, որը հայտնի է որպես չինական և ճապոնական արվեստի խորհրդանիշ, մասնավորապես՝ ուկիյո-է ժանրի[5]։ Ֆոնին առկա են նաև արաբական զարդանախշեր, ինչպես նաև ճապոնական կոտո երաժշտական գործիք[2][3]։ Երաժշտական գործիքը ծառայում է բացառապես դեկորատիվ նպատակով, քանի որ այդ դիրքով նրան անհնար է նվագել[5]։
Ի տարբերություն իր շատ այլ աշխատանքների՝ Ռոսսետտին «Կապույտ տաղավարը» աշխատանքի վերարտադրանկար չի ստեղծել, պահպանվել են ապագա նկարի մի քանի ուրվանկարներ և էսքիզներ[6]։
Ծանոթագրություններ
խմբագրել- ↑ 1,0 1,1 1,2 1,3 1,4 1,5 1,6 1,7 https://artuk.org/discover/artworks/the-blue-bower-33126
- ↑ 2,0 2,1 2,2 2,3 2,4 2,5 «'The Blue Bower', Dante Gabriel Rossetti». Walker Art Gallery.
- ↑ 3,0 3,1 «The Blue Bower». The Barber Institute of Fine Arts.
- ↑ William Michael Rossetti Dante Gabriel Rossetti as Designer and Writer. — Cassell & Company, Limited, 1889. — С. 54.
- ↑ 5,0 5,1 5,2 «The Blue Bower». Rossetti Archive.
- ↑ Marillier, Henry Currie Dante Gabriel Rossetti: an illustrated memorial of his art and life. — George Bell and Sons, Chiswick Press, Charles Whittingham and Co., 1899. — С. 138.