Կանադացիներ

Կանադացիներ (անգլ.՝ Canadian, ֆր.՝ Canadiens), Կանադայի այժմյան բնակչությունը։ Ընդհանուր թիվը՝ 35,158,300։ Կանադացիների կազմի մեջ մտնում են երկու ազգ (ֆրանս-կանադական և անգլո-կանադական), մի շարք ազգային խմբեր, հնդկացիների ու էսկիմոսների ազգային փոքրամասնություններ։

Կանադացիներ Canadian / Canadiens
Ընդհանուր քանակ
35,158,300
Բնակեցում
Կանադա 33․968․200 ԱՄՆ 1․003․850 Հոնկոնգ 200 000 Չինաստանի Հանրապետություն 72 518 Չինաստան 40 000 Լիբանան 40 000 Ավստրալիա 27 289 Իտալիա 23 487 Ֆրանսիա 18 913 Հունաստան 12 477
Լեզու(ներ)
անգլերեն, ֆրանսերեն
Հավատք(ներ)
քրիստոնեություն (կաթոլիկություն, բողոքականություն)

Ֆրանս-կանադացիները կազմում են երկրի բնակչության 29%֊ը և Քվեբեկ նահանգի բնակչության 80% ֊ից ավելին։ 18-րդ դարի վերջին - 19-րդ դարի սկզբին ձևավորված ֆրանս-կանադական ազգի միջուկը կազմել են Եվրոպայից Կանադա վերաբնակեցված ֆրանսիացիներն ու բրետոնացիները, որոնք 17-րդ դարի առաջին կեսին հիմնեցին Նոր Ֆրանսիա գաղութը (1763 թվականին նրան տիրեց Մեծ Բրիտանիան)։

Ֆրանս-կանադացիները բրիտանական գաղութարարության պայմաններում պահպանեցին իրենց լեզուն՝ ֆրանսերենը, որը 1968 թվականին դարձավ երկրի պետական երկու պաշտոնական լեզուներից մեկը։ Ֆրանս-կանադացիների մեծ մասը կաթոլիկներ են։

Մեծ Բրիտանիայի գաղութը դառնալուց հետո Կանադայում արագորեն սկսեցին բնակություն հաստատել Բրիտանիայից և նրա ամերիկյան գաղութներից գաղթածները, որի հետևանքով սկսեց գերակշռել անգլախոս բնակչությունը։ Անգլո-կանադացիները, որոնց հիմնական էթնիկական տարրերն են անգլիացիները, շոտլանդացիները, իռլանդացիները, Եվրոպայի այլ երկրների ձուլված վերաբնակիչները, 19-րդ դարի վերջին - 20-րդ դարի սկզբին ձևավորվեցին որպես ազգ և գերիշխող դիրք գրավեցին երկրում։

Անգլո-կանադացիները կազմում են Կանադայի բնակչության 44%-ը։ Լեզուն անգլերենն է, որոշ առանձնահատկություններով։ Հավատացյալների մեծ մասը զանազան հոսանքների բողոքականներ են և կաթոլիկներ (գլխավորապես՝ իռլանդացիները)։ Կանադացիների 25%֊ը կազմում են 20-րդ դարի վերաբնակեցվածների չձուլված խմբերը (գերմանացիներ, ուկրաինացիներ, իտալացիներ, հրեաներ, լեհեր, հոլանդացիներ, հայեր և այլք)։

Գրականություն

• Bart Beaty, Derek Briton, Gloria Filax (2010)։ How Canadians Communicate III: Contexts of Canadian Popular Culture։ Athabasca University Press։ ISBN 978-1-897425-59-6 
• J. M. Bumsted (2003)։ Canada's diverse peoples: a reference sourcebook։ ABC-CLIO։ ISBN 978-1-57607-672-9 
• David Carment, David Bercuson (2008)։ The World in Canada: Diaspora, Demography, and Domestic Politics։ McGill-Queen's Press - MQUP։ ISBN 978-0-7735-7455-7 
• Andrew Cohen (2008)։ The Unfinished Canadian: The People We Are։ McClelland & Stewart։ ISBN 978-0-7710-2286-9 
• Mark Kearney, Randy Ray (2009)։ The Big Book of Canadian Trivia։ Dundurn։ ISBN 978-1-77070-614-9 
• Ninette Kelley, M. J. Trebilcock (2010)։ The Making of the Mosaic: A History of Canadian Immigration Policy։ University of Toronto Press։ ISBN 978-0-8020-9536-7 
• Philip Resnick (2005)։ The European Roots Of Canadian Identity։ University of Toronto Press։ ISBN 978-1-55111-705-8 
• Madeline A. Richard (1992)։ Ethnic Groups and Marital Choices: Ethnic History and Marital Assimilation in Canada, 1871 and 1971։ UBC Press։ ISBN 978-0-7748-0431-8 
• Simpson Jeffrey (2000)։ 'Star-Spangled Canadians: Canadians Living the American Dream (1st ed.)։ Տորոնտո: Harper-Collins։ ISBN 0002557673 
• Irvin Studin (սեպտեմբերի 19, 2006)։ What Is a Canadian?: Forty-Three Thought-Provoking Responses։ McClelland & Stewart։ ISBN 978-0-7710-8321-1 
• "CBC", Don Gillmor, Pierre Turgeon (2002)։ Canada: A People's History Vol-1 1։ McClelland & Stewart։ ISBN 978-0-7710-3324-7 
• "CBC", Don Gillmor, Pierre Turgeon, Achille Michaud (2002)։ Canada: A People's History Vol-2։ McClelland & Stewart։ ISBN 978-0-7710-3336-0 

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 231)։