Ծանրամարտի միջազգային ֆեդերացիա

Ծանրամարտի միջազգային ֆեդերացիա (անգլ.՝ International Weightlifting Federation (IWF)), միջազգային կազմակերպություն, որը զբաղվում է ծանրամարտի մրցումների անցկացմամբ։

Ծանրամարտի միջազգային ֆեդերացիա
ՏեսակՍպորտային միջազգային ֆեդերացիա
Հիմնադրված1905
Գլխադասային գրասենյակԲուդապեշտ, Հունգարիա
Կայքiwf.net

Կազմակերպության անդամ են 187 երկրի ծանրամարտի ազգային ֆեդերացիաներ[1]: ԾՄՖ-ի և նրա եվրոպական մասնաճյուղի կենտրոնական գրասենյակը գտնվում է Բուդապեշտում: Կազմակերպության պաշտոնական լեզուներն են անգլերենը, ֆրանսերենը, իսպաներենը և ռուսերենը, բայց քանի որ ԾՄՖ-ի կանոնադրությունը գրված է անգլերեն, բոլոր վիճելի հարցերը քննարկվում են միայն այս լեզվով:

Կազմակերպության ներկայիս ղեկավարությունն իրականացնում է կազմակերպության բյուրոն, բյուրոն կազմված է նախագահից, 6 փոխնախագահներից, գլխավոր քարտուղար-գանձապահից և կազմակերպության ևս 8 անդամներից։ Ամենակարևոր որոշումները կայացնում է Գերագույն մարմինը` տարեկան ամենամյա կոնգրեսում:

ՊատմությունԽմբագրել

Միջազգային կազմակերպություն ստեղծելու առաջին փորձը, որի հովանու ներքո անցկացվելու էին ծանրամարտի աշխարհի և մայրցամաքային աշխարհի բոլոր առաջնությունները, կատարվել է 1905 թվականին, սակայն այն չի պսակվել հաջողությամբ: 1912 թվականին տեղի է ունեցել ծանրամարտի միջազգային առաջին կոնգրեսը, որի ժամանակ որոշվել է ստեղծել ծանրամարտի համաշխարհային միություն: Այս կազմակերպության ստեղծման գործընթացը ձգձգվել և ընդհատվել է Առաջին համաշխարհային պատերազմի պատճառով։

1920 թվականին ստեղծվել է ծանրամարտի միջազգային ֆեդերացիան (ֆր.՝ Federation International Halterophile- FIH): 1949 թվականից մինչև 1968 թվականը այն կոչվել է ծանրամարտի և բոդիբիլդինգի միջազգային ֆեդերացիա (FIHK): Հետագայում, կազմել է անկախ մարմնամարզության միջազգային ֆեդերացիան (IFBB) (անգլ.՝ International Federation of Body-Builders (IFBB) և կազմակերպությանը վերադարձվել է FIH անվանումը, իսկ 1972 թվականին ստացել է Ծանրամարտի միջազգային ֆեդերացիա անվանումը:

ԾՄՖ-ի նախագահներԽմբագրել

# Տարիներ Նախագահ Երկիր
1. 1905-1912 Հանձնաժողով առանց նախագահի
2. 1912-1920 Պիտեր Տատիչ   Հունգարիա
3. 1920-1923 Ժյուլ Ռոսեթ   Ֆրանսիա
4. 1923-1924 Ջիմ Լինդեն   Նիդերլանդներ
5. 1924-1937 Ժյուլ Ռոսեթ   Ֆրանսիա
6. 1937-1941 Ջիմ Լինդեն   Նիդերլանդներ
7. 1941-1946 Պաշտոնը թափուր էր
8. 1946-1952 Ժյուլ Ռոսեթ   Ֆրանսիա
9. 1952-1952 Դիթտրիչ Ուորթման   ԱՄՆ
10. 1952-1960 Բրունո Նիգբերգ   Ֆինլանդիա
11. 1960-1972 Կլարենս Ջոնսոնը   ԱՄՆ
12. 1972-2001 Գոթֆրիդ Շոդլեն   Ավստրիա
13. 2001 - մինչև հիմա Թամաշ Այան   Հունգարիա

ԾանոթագրություններԽմբագրել

  1. «About»։ International Weightlifting Federation (en-US)։ Վերցված է 2020-05-10