Խրիստինա Մորֆովա

Խրիստինա Մորֆովա
Հիմնական տվյալներ
Բնօրինակ անուն	Христина Морфова
Ի ծնե անուն	բուլղար․՝ Христина Василева Морфова
Ծնվել է	ապրիլի 24, 1887 կամ մայիսի 6, 1889; Ստարա Զագորա, Բուլղարիայի իշխանություն
Երկիր	Բուլղարիա
Մահացել է	հունիսի 1, 1936; Pirdop, Բուլղարիայի թագավորություն կամ Բուլղարիա
Ժանրեր	օպերա
Մասնագիտություն	Երգչուհի, դաշնակահարուհի, մանկավարժ, հասարակական գործիչ
Երգչաձայն	սոպրանո
Գործիքներ	վոկալ
Կապված	Լյուդմիլա Պրոկոպովա
	Hristina Morfova Վիքիպահեստում

Խրիստինա Վասիլևա Մորֆովա (բուլղար․՝ Христина Василева Морфова, ապրիլի 24, 1887(1887-04-24) կամ մայիսի 6, 1889(1889-05-06)^[1], Ստարա Զագորա, Բուլղարիայի իշխանություն^[1] - հունիսի 1, 1936(1936-06-01)^[2]^[1], Pirdop, Բուլղարիայի թագավորություն և Բուլղարիա^[1]), բուլղարացի օպերային երգչուհի^[3] (քնարական-կոլորատուրային սոպրանո), մանկավարժ և հասարակական գործիչ։ Կոմպոզիտոր Ալեքսանդր Մորֆովի քույրը։

Կենսագրություն

Խրիստինա Մորֆովան ծնվել է 1889 թվականի ապրիլի 24-ին Բուլղարիայի Ստարա Զագորա քաղաքում^[4]։ Սովորել է Պրահայում՝ Մարիա Պիվոդայի երաժշտական մասնավոր դպրոցում։ Այնտեղ էլ 1910 թվականին կատարել է իր առաջին ելույթը բեմում («Վաճառված հարսնացուն»)։ Երգել է Բռնոյի Օպերային թատրոնում։ 1913 թվականից եղել է Բուլղարիայի օպերային ընկերության (1921 թվականից՝ Սոֆիայի ազգային օպերա) մենակատարուհի։ 1913 թվականից հանդես է եկել համերգներով՝ կատարելով ինչպես արիաներ օպերաներից, այնպես էլ բուլղարական, չեխական ժողովրդական երգեր և սլավոնական այլ ժողովուրդների երգեր։ 1916 թվականից համերգային շրջագայություններով եղել է Բեռլինում, Միլանում, Փարիզում, Լոնդոնում։ 1916-1931 թվականներին եղել է Պրահայի ազգային թատրոնի մենակատարուհի։ 1931-1936 թվականներին դասավանդել է Սոֆիայի Երաժշտական ակադեմիայում։ Նրա աշակերտների թվում են եղել Ռայնա Միխայլովան (բուլղար․՝ Райна Михайлова), Սիյկա Պետրովան (բուլղար․՝ Сийка Петрова), Լյուբոմիր Վիշեգոնովը, Գյուրգա Պինջուրովան, Իվանկա Միտևա-Կորալովան, Լյուդմիլա Պրոկոպովան և այլք։

Խրիստինա Մորֆովան և օպերային երգչուհի Լյուդմիլա Պրոկոպովան

1935 թվականին համերգային շրջագայությամբ ԽՍՀՄ-ում հանդես գալուց հետո Խրիստինա Մորֆովան հեռացվել է ինչպես Ակադեմիայից, այնպես էլ Սոֆիայի ազգային օպերայից։ Զոհվել է 1936 թվականի հունիսի 1-ին Սոֆիայից ոչ հեռու տեղի ունեցած ավտովթարի հետևանքով^[5]։

Դերերգեր

«Աիդա», Վերդի – Աիդա
«Գեղջկական ասպետություն», Մասկանի – Սանտուցա
«Սամսոն և Դալիլա», Սեն-Սանս – Դալիլա
«Լակմե», Դելիբ – Լակմե
«Ֆաուստ», Գունո – Մարգարիտա
«Կախարդական սրինգ», Մոցարտ – Գիշերվա թագուհի
«Ենուֆա», Յանաչեկ – Ենուֆա
«Վաճառված հարսնացուն», Սմետանա – Մարժենկա

Հիշատակ

Վառնա քաղաքի փողացներից մեկը կրում է Խրիստինա Մորֆովայի անունը։
1936 թվականին Սոֆիայում հիմնադրվել է «Խրիստինա Մորֆովա» կանանց երգչախումբը (բուլղար․՝ Женски хор "Христина Морфова")։

Ծանոթագրություններ

↑ ^1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Vědecká knihovna v Olomouci REGO (չեխերեն)
↑ ^2,0 ^2,1 ^2,2 http://biography.hiu.cas.cz/Personal/index.php?curid=64886
↑ 125 години от рождението на великата българска певица ХРИСТИНА МОРФОВА(չաշխատող հղում)
↑ Абаджиев, Александър. Оперните звезди на България. София, „Изток-Запад“, 2008. ISBN 9789543214334. с. 27 – 31.
↑ Христина Морфова 30 години живее с жен

Գրականություն

Музыкальный энциклопедический словарь/Гл. ред. Г. В. Келдыш. — М.: Советская энциклопедия, 1990. — с. 356 — ISBN 5-85270-033-9
Морфов Б., Незабравимата Xристина Морфова. — София, 1980.

Վիքիպահեստն ունի նյութեր, որոնք վերաբերում են «Խրիստինա Մորֆովա» հոդվածին։

[_695255b30659ca09-1] 1,00 ^1,01 ^1,02 ^1,03 ^1,04 ^1,05 ^1,06 ^1,07 ^1,08 ^1,09 ^1,10 Vědecká knihovna v Olomouci REGO (չեխերեն)

[_c51c9de41026f08f-2] 2,0 ^2,1 ^2,2 http://biography.hiu.cas.cz/Personal/index.php?curid=64886

[3] 125 години от рождението на великата българска певица ХРИСТИНА МОРФОВА(չաշխատող հղում)

[4] Абаджиев, Александър. Оперните звезди на България. София, „Изток-Запад“, 2008. ISBN 9789543214334. с. 27 – 31.

[5] Христина Морфова 30 години живее с жен

[1]

[2]

[3]

[4]

[5]