Խերարդո Գանդինի
Խերարդո Գանդինի (իսպ.՝ Gerardo Gandini, հոկտեմբերի 16, 1936[1], Բուենոս Այրես, Արգենտինա[2] - մարտի 22, 2013[2], Բուենոս Այրես, Արգենտինա[2]), արգենտինացի կոմպոզիտոր, դաշնակահար, խմբավար, երաժշտության ուսուցիչ։
| Խերարդո Գանդինի | |
|---|---|
| Բնօրինակ անուն | իսպ.՝ Gerardo Gandini |
| Ծնվել է | հոկտեմբերի 16, 1936[1] Բուենոս Այրես, Արգենտինա[2] |
| Երկիր |  Արգենտինա |
| Մահացել է | մարտի 22, 2013[2] (76 տարեկան) Բուենոս Այրես, Արգենտինա[2] |
| Ժանրեր | օպերա |
| Մասնագիտություն | կոմպոզիտոր, դիրիժոր, երաժշտության ուսուցիչ, դաշնակահար և ֆիլմերի երաժշտությունների հեղինակ |
| Գործիքներ | դաշնամուր |
| Աշխատավայր | Ջուլիարդ դպրոց և Լա Պլատայի ազգային համալսարան |
| Անդամակցություն | Արգենտինայի գեղարվեստի ազգային ակադեմիա |
| Պարգևներ | |
Կենսագրություն խմբագրել
Խերարդո Գանդինին ծնվել է 1936 թվականին Բուենոս Այրեսում։ Իտալացի ներգաղթյալների ժառանգորդ է։ Կոմպոզիցիա է ուսանել Ալբերտո Գինաստերայի և Գոֆրեդո Պետրասիի, դաշնամուր՝ Շառլ Մեսսիան ի կնոջ՝ Իվոննա Լորիոյի մոտ։ Նվագել է 1989 թվականին Աստոր Պիացոլայի կողմից ստեղծված սեքստետում։ Դասավանդել է Արգենտինայի տարբեր համալսարաններում, Նյու Յորքի Ջուլիարդ երաժշտական դպրոցում։
Մահացել է 2013 թվականի մարտի 22-ին Բուենոս Այրեսում 76 տարեկան հասակում[3]։
Ստեղծագործություններ խմբագրել
Գանդինին վոկալ ստեղծագործություններ է գրել Սալվատորե Քվազիմոդոյի բանաստեղծությունների հիաման վրա։
Գանդինիի ստեղծագործություններից են՝
- Musica nocturna ֆլեյտայի, ջութակի, վիոլայի, թավջութակի և դաշնամուրի համար (1966)
- Contrastes երկու դաշնամուրների և կամերային նվագախմբի համար (1968)
- Cadencias II կամերային նվագախմբի համար (1968)
- La pasión de Buster Keaton, կամերային օպերա (1970-1978)
- Don Juan, բեմադրության երաժշտություն (1978)
- Espejismos II (La muerte y la doncella), կամերային օպերա (1987)
- Paisaje imaginario դաշնամուրի և նվագախմբի համար (1988)
- Lunario sentimental ջութակի, թավջութակի և դաշնամուրի համար (1989)
- Mozartvariationen կամերային նվագախմբի համար (1991)
- La casa sin sosiego, օպերա (1992)
- La ciudad ausente, օպերա ըստ Ռիկարդո Պիլյայի լիբրետոյի համանուն վեպի հիման վրա (1995)
- Liederkreis, օպերա Ռոբերտ Շումանի մասին (2000)
- Memoria del saqueo, երաժշտություն Ֆերնանդո Սոլանասի ֆիլմի համար (2004)
Ճանաչում խմբագրել
- Մշակույթի ազատության համար կոնգրեսի մրցանակ (Հռոմ, 1962)
- Իտալիայի կառավարության մրցանակ (1966)
- «Մոլիերի» անվան մրցանակ բեմադրության երաժշտության համար (Փարիզ, 1977)
- Ազգային երաժշտական մրցանակ «Քաղաք, որը չկա» օպերայի համար (1996)
- «Ոսկե առյուծ» Վենետիկի կինոփառատոն և «Արծաթե անգղ» Արգենտինյան կինոքննադատների ասոցիացիայի մրցանակ Սոլանս Ֆերնանդոյի «Ամպ» ֆիլմի երաժշտության համար (1998)
- Տոմաս Լուիս դե Վիկտորյայի անվան իբերոամերիկյան մրցանակ, 2008
Ծանոթագրություններ խմբագրել
- ↑ 1,0 1,1 Internet Movie Database — 1990.
- ↑ 2,0 2,1 2,2 2,3 2,4 2,5 2,6 2,7 2,8 Deutsche Nationalbibliothek Record #134824474 // Gemeinsame Normdatei (գերմ.) — 2012—2016.
- ↑ «Murió el célebre compositor argentino Gerardo Gandini». Արխիվացված է օրիգինալից 2013 թ․ ապրիլի 4-ին. Վերցված է 2013 թ․ մարտի 24-ին.