Լևոն Գրիգորյան (թավջութակահար)
Անվան այլ կիրառումների համար տե՛ս՝ Լևոն Գրիգորյան (այլ կիրառումներ)- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Լևոն Արամի Գրիգորյան (հունիսի 18, 1915, Թիֆլիս, Ռուսական կայսրություն - հոկտեմբերի 7, 2001), հայ թավջութակահար, ՀԽՍՀ վաստակավոր արտիստ (1961)
| Լևոն Գրիգորյան | |
|---|---|
| Ի ծնե անուն | Լևոն Արամի Գրիգորյան |
| Ծնվել է | հունիսի 18, 1915 Թիֆլիս, Ռուսական կայսրություն |
| Մահացել է | հոկտեմբերի 7, 2001 (86 տարեկան) |
| Մասնագիտություն | Թավջութակահար |
| Գործիքներ | թավջութակ |
| Կրթություն | Մոսկվայի կոնսերվատորիա |
| Պարգևներ |  |
Կենսագրություն խմբագրել
1939 թվականին ավարտել է Մոսկվայի կոնսերվատորիան։ 1941-1944 թվականներին եղել է Հայֆիլհարմոնիայի սիմֆոնիկ նվագախմբի թավջութակահար, 1944-1948 թվականներին՝ Հայֆիլհարմոնիայի դաշնամուրային եռյակի թավջութակահար, 1945-1949 թվականներին՝ պետական սիմֆոնիկ նվագախմբի թավջութակահարների խմբի կոնցերտմայստեր։ 1945-1992 թվականներին դասավանդել է Երևանի կոնսերվատորիայում (1977 թվականից՝ պրոֆեսոր), երաժշտական դպրոցներում[1]։ 1992 թվականից ապրել է Հունգարիայում, ապա՝ Իսպանիայում։
Գրել է թավջութակի և նվագախմբի կոնցերտ, թավջութակի պիեսներ, հեղինակ է մշակումների և փոխադրումների։
Լևոն Գրիգորյանի նշանավոր աշակերտն է եղել ՀԽՍՀ ժողովրդական արտիստ, պրոֆեսոր Մեդեա Աբրահամյանը։ Երբ Երևան էր ժամանել անվանի թավջութակահար, Մոսկվայի պետական կոնսերվատորիայի պրոֆեսոր Ս. Ն. Կնուշևիցկին, դասարանական մի հավաքույթի ընթացքում, երբ վերջինս լսեց Մեդեա Աբրահամյանի նվագը, հիացմունքով շրջվեց դեպի Լևոն Գրիգորյանը և ասաց. «Հնարավոր է, որ ես ձեզանից լավ եմ նվագում, բայց Դուք ավելի լավ մանկավարժ եք, քան ես»[2]։
Երկեր խմբագրել
- Григорян Л. А., От трех до семи, Ереван, 1986.
- Григорян Л. А., Виолончельное искусство Армении. исторический очерк, Москва, 1992.