Լոնգին Պանտելեև
Լոնգին Պանտելեև (ռուս.՝ Пантелеев, Лонгин Фёдорович, հոկտեմբերի 6 (18), 1840, Solvychegodsk, Վոլոգդայի նահանգ, Ռուսական կայսրություն - դեկտեմբերի 16, 1919, Պետրոգրադ, Խորհրդային Ռուսաստան), ռուս հրատարակիչ, հասարակական գործիչ։
Լոնգին Պանտելեև | |
---|---|
Ծնվել է | հոկտեմբերի 6 (18), 1840 |
Ծննդավայր | Solvychegodsk, Վոլոգդայի նահանգ, Ռուսական կայսրություն |
Մահացել է | դեկտեմբերի 16, 1919 (79 տարեկան) |
Մահվան վայր | Պետրոգրադ, Խորհրդային Ռուսաստան |
Քաղաքացիություն | Ռուսական կայսրություն և ՌԽՖՍՀ |
Կրթություն | Vologda Men's Gymnasium? |
Մասնագիտություն | գրող, հասարակական ակտիվիստ և հրատարակիչ |
Ամուսին | Սերաֆիմա Պանտելեևա |
Կուսակցություն | Կադետներ |
Կենսագրություն
խմբագրելԾնվել է 1840 թվականի հոկտեմբերի 6-ին Արխանգելսկ նահանգի Սոլվիչեգոդսկ քաղաքում, եղել է ազնվական[1]։
1858 թվականին ավարտել է Վոլոգդայի գիմնազիան, իսկ 1862 թվականին` Սանկտ Պետերբուրգի պետական համալսարանի իրավաբանության ֆակուլտետը։
1850-ական թվականների վերջին և 1860-ական թվականների սկզբին` որպես մաթեմատիկայի ուսուցիչ աշխատել է մանկահասակ երգիչների հետ Սանկտ Պետերբուրգի պետական ակադեմիական կապելլայում։
Ուսանող լինելով՝ ամուսնացել է գրող և թարգմանչուհի Սերաֆիմա Պանտելեևայի հետ[2]։
«Զեմլյա ի վոլյա» գաղտնի հեղափոխական կազմակերպության անդամ է եղել և 1864 թվականի դեկտեմբերին ձերբակալվել է հեղափոխական գործունեության և Լեհական ապստամբությանը աջակցելու համար՝ դատապարտվելով 6 տարվա ծանր աշխատանքների, որոնք փոխարինվել են Սիբիր տեղափոխվելուն պես։
1876 թվականին Պանտելեևը վերադարձել է Պետերբուրգ, այնուհետև հաջորդ տարի կազմակերպել է գիտական գրականության հրատարակչություն։ 1877-1907 թվականներին նա հրատարակել է ավելի քան 250 գիրք, այդ թվում նաև` Նիկոլայ Դոբրոլյուբովի 4 հատորանոց ստեղծագործությունների ժողովածուն և Ադամ Միցկևիչի ստեղծագործությունները։
Լոնգին Պանտելեևը հայտնի «Հիշողություններ»-ի հեղինակն է, որտեղ նա պատմում է Ֆեոդոր Դոստոևսկու հետ 1860-ական թվականների առաջին կեսին տեղի ունեցած հանդիպման մասին։
1905 թվականից Կադետներ կուսակցության անդամ էր, համագործակցել է նրա շատ պարբերականների հետ, Պետերբուրգի քաղաքային կոմիտեի անդամ էր[3]։
1917 թվականի մարտին դարձել է «Հասարակություն՝ ի պատիվ դեկաբրիստների» խորհրդի նախագահ։
Մահացել է 1919 թվականի դեկտեմբերի 16-ին Պետրոգրադում։ Թաղվել է գրական կամրջում[4][5]։
Ռուսաստանի գրականության և արվեստի պետական արխիվն ունի տեղեկություններ նվիրված Լոնգին Պանտելեևին[6]։
Գրականություն
խմբագրել- Пантелеев Л. Ф. Воспоминания. М.: Гос. изд-во худ. литературы, 1958.— 848 с.
- Виноградова Л. А. Лекция 7. Книгоиздательство и книжная торговля в России во второй половине XIX в. // История книжного дела в России (988-1917) / под ред. Говорова А. А.. — Москва: Изд-во МПИ, 1991. — ISBN 5-7043-0557-1
Ծանոթագրություններ
խմբագրել- ↑ «Пантелеев Лонгин Федорович». Արխիվացված օրիգինալից 2014 թ․ հուլիսի 14-ին. Վերցված է 2014 թ․ հուլիսի 12-ին.
- ↑ Tikhonov, Natalia Biographical Dictionary of Women's Movements and Feminisms in Central, Eastern, and South Eastern Europe: 19th and 20th CenturiesЭнциклопедический словарь. — New York: Central European University Press, 2005. — С. 395—394. — ISBN 978-963-7326-39-4
- ↑ Селезнёв Ф. А. Конституционные демократы и буржуазия (1905—1917 гг.). Нижний Новгород: Издательство Нижегородского университета им. Н. И. Лобачевского, 2006. — С. 82.
- ↑ Кобак А. В., Пирютко Ю. М. Исторические кладбища Санкт-Петербурга. — М.: Центрполиграф, 2009. — С. 431.
- ↑ ЦГА СПб. Ф. Р-6143. Оп. 1. Д. 2240. Л. 26—26 об.
- ↑ «Пантелеев Лонгин Федорович (1840—1919)». Արխիվացված օրիգինալից 2014 թ․ հուլիսի 14-ին. Վերցված է 2014 թ․ հուլիսի 12-ին.
Արտաքին հղումներ
խմբագրել- Լոնգին Պանտելեև
- Լոնգին Պանտելեև // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.
- Լոնգին Պանտելեև (1840-1919 թվականներ)