Լճային խխունջ
| Լճային խխունջ | |
 Լճային խխունջ | |
| Դասակարգում | |
| Թագավորություն | Կենդանիներ (Animalia) |
| Տիպ/Բաժին | Փափկամարմիններ (Mollusca) |
| Ենթատիպ | Conchifera |
| Դաս | Փորոտանիներ (Gastropoda) |
| Վերնակարգ | Hygrophila |
| Ընտանիք | Աքրոլոքսիդներ (Acroloxidae) |
| Ցեղ | Acroloxus |
| Տեսակ | Լճային խխունջ (A. lacustris) |
| Միջազգային անվանում | |
| Acroloxus lacustris | |
| Կարգավիճակ | |
Հատուկ պահպանության կարգավիճակ՝  Քիչ մտահոգող տեսակ | |
Լճային խխունջ (լատին․՝ Acroloxus lacustris), աքրոլոքսիդների ընտանիքին պատկանող փափկամարմին կենդանի, որը գրանցված է Հայաստանի Հանրապետության Կարմիր գրքում։
Նկարագրություն խմբագրել
Գլխարկանման խեցին առանց պարույրագծի է։ Մինչև 8 մմ երկարությամբ խեցին երկու անգամ մեծ է իր լայնությունից և երեք անգամ` բարձրությունից։ Գագաթը գտնվում է խեցու ձախ կողմում[1]։
Տարածվածություն խմբագրել
Տարածված է Արևմտյան Սիբիրում, Ալթայում, Միջին Ասիայում, Եվրոպայում, Հյուսիսային Իրանում և Հայաստանում (Սևանա լիճ՝ Սևան քաղաք)[1]։
Էկոլոգիա խմբագրել
Ապրում է լճերում, լճակներում և հարթավայրային գետերի ափամերձ մասերում։ Հանդիպում է բույսերի ջրասույզ ցողունների և տերևների վրա։ Կենսաբանական առանձնահատկությունները հայտնի չեն[1]։
Պահպանություն խմբագրել
Կենդանին, որը Հայաստանում անհետացած է և վերջին անգամ հավաքվել է 1929 թվականին, բնության պահպանության միջազգային միության Կարմիր ցուցակում գրանցված է որպես կրիտիկական վիճակում գտնվող տեսակ։ Կենդանու համար վտանգ է հանդիսանում Սևանա լճի մակարդակի իջեցումը[1]։
Պահպանության գործողություններ չեն իրականացվում[1]։
Ծանոթագրություններ խմբագրել
- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
 | Վիքիցեղերն ունի նյութեր, որոնք վերաբերում են «Լճային խխունջ» հոդվածին։ |
 | Վիքիպահեստն ունի նյութեր, որոնք վերաբերում են «Լճային խխունջ» հոդվածին։ |