Լիպարիտ Ա Օրբելյան
Լիպարիտ Օրբելյան (12-րդ դար - 13-րդ դար), հայ իշխան Վրաց թագավորությունում, Սյունիքի կողմնակալ և իշխանաց իշխան, Էլիկում Օրբելյանի որդին, իշխանաց իշխաններ՝ Սմբատի և Տարսայիճի հայրը, Ստեփանոս Օրբելյան պատմիչի պապը, Օրբելյանների իշխանական տոհմից[1][2][3]: 1223 թվականին Վայոց ձոր գավառում կառուցել է Նորավանքը[3]:
Լիպարիտ Օրբելյան | ||
| ||
---|---|---|
Հաջորդող | Էլիկում Օրբելյան | |
Ծննդյան օր | 12-րդ դար | |
Վախճանի օր | 13-րդ դար | |
Դինաստիա | Օրբելյաններ | |
Հայր | Էլիկում Օրբելյան | |
Մայր | Խաթուն Ճահկեցի | |
Զավակներ | Տարսայիճ Օրբելյան, Էլիկում Օրբելյան, Սմբատ Օրբելյան, Փախրադոլա Օրբելյան և Իվանե Օրբելյան |
Կենսագրություն
խմբագրելԼիպարիտը, Օրբելյանների իշխանական տան հիմնադիր Էլիկումի որդին է[3]: Մայրը՝ Խաթունը, Երնջակի և Ճահուկի տեր Աբաս Ճահկեցու և Սյունիքի մետրոպոլիտ Գրիգոր Ե Մեղրեցու անանուն դստեր աղջիկն է[3]: Կարճ ժամանակով եղել է մուսուլման, ապա դարձել Հայ Առաքելական եկեղեցու հետևորդ և գնացել Վրաց թագավորության աթաբեկ Իվանե Ա-ի մոտ[3]: Իվանեից ստացել է կալվածքներ՝ Վայոց ձորում, Գեղարքունիքում և Կոտայքում[3]: Դարձել է Սյունիքի կողմնակալ և իշխանաց իշխան[3]: 1223 թվականին կառուցել է Վայոց ձոր գավառում գտնվող Նորավանք վանական համալիրը[3]:
Ընտանիքը
խմբագրելԼիպարիտի կինն է Ասփան՝ իշխանաց իշխան Բուպակի դուստրը[3]: Որդիներն են՝ Էլիկումը, Սմբատը[2], Տարսայիճը[2], Փախրադոլան և Իվանեն[3]: Լիպարիտի թոռն է՝ պատմիչ Ստեփանոս Օրբելյանը, Տարսայիճի որդին[3]:
Ծանոթագրություններ
խմբագրել- ↑ «Պատմութիւն նահանգին Սիսական արարեալ Ստեփաննոսի Օրբէլեան արքեպիսկոպոսի Սիւնեաց», Կարապետ Շահնազարյան, 1859, Փարիզ, Հատոր Բ, Գլուխ Կբ, Կգ, Կդ, Կե։
- ↑ 2,0 2,1 2,2 «Ժամանակագրութիւն Ստեփանոսի Օրբէլեանի», հրատ.՝ Աշոտ Աբրահամյան, Մատենադարան, Երևան, 1942, էջ 31
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 «Հայոց անձնանունների բառարան», Հրաչյա Աճառյան, Երևան, 1942, Հատոր 2, Ցուցակ 1, Էջ 430-431։