Լիամ Էյքեն
Լիամ Պատրիկ Էյքեն (անգլ.՝ Liam Padraic Aiken, հունվարի 7, 1990[1], Նյու Յորք, Նյու Յորք), կինոյի և հեռուստատեսության ամերիկացի դերասան։ Առավել հայտնի է «Խորթ մայրը» ֆիլմում կատարած Բեն Հարրցիոնի և «Լեմոնի Սնիկետ։ 33 անհաջողություն» ֆիլմում կատարած Կլաուս Բոդլերի դերերով։
Լիամ Էյքեն | |
---|---|
Ծնվել է | հունվարի 7, 1990[1] (34 տարեկան) |
Ծննդավայր | Նյու Յորք, Նյու Յորք |
Կրթություն | Թիշչ արվեստի դպրոց և Dwight-Englewood School? |
Քաղաքացիություն | ԱՄՆ |
Մասնագիտություն | դերասան, թատրոնի դերասան, հեռուստատեսային դերասան և կինոդերասան |
Կենսագրություն խմբագրել
Լիամ Էյքենը MTV ալիքի հաղորդավար Բիլլ Էյքենի (մահացել է 1992 թվականին) և իռլանդուհի Մոյի Էյքենի տղան է[2]։ Սովորել է Դվայետ Էնգլվուդի անվան դպրոցում, այդ ընթացքում առաջին անգամ նկարահանվել է «Ֆորդ» ավտոմոբիլի գովազդում, որից հետո նրան սկսել են հրավիրել ֆիլմերում տարբեր դերերի համար։ Ամենաառաջին լուրջ դերը եղել է Նեդ Գրիմի՝ Ֆեյ Գրիմի և Հենրի Ֆուլի որդու դերը, ամերիկացի ռեժիսոր Հալ Հարտլեյի «Հենրի Ֆուլ» ֆիլմում 1997 թվականին։ Նրա մայրը հիացած էր նրա վաղ կարիերայով և ուզում էր, որ նա նկարահանվի ֆիլմերում։
Առաջին վառ դերy դարձել է Բեն Հարրիսոնի դերը համաժողովրդական մինչ օրս «Խորթ մայրը» ֆիլմում։ Այդ դերի համար նա ստացել է Young Actor Age Ten or Younger մրցանակը։ Ջուլիա Ռոբերտսի և Սյուզան Սարանդոնի հետ նկարահանումները օգնեցին նրան մուտք գործել ֆիլմերի աշխարհ։ 2002 թվականին հայտնվել է Անիծված ճանապարհ ֆիլմում, իսկ 2003 թվականին գլխավոր դերով նկարահանվել է Բրդոտ, հատուկ նշանակության ջոկատ ֆիլմում։
Մի քանի անհաջող փորձից հետո, 2004 թվականին նրան հաջողվում է ստանալ գլխավոր դեր՝ Կլաուս Բոդլերի դերը «Լեմոնի Սնիկետ։ 33 անհաջողություն» ֆիլմում։ 2009 թվականի մարտ ամսին Էյքենին հրավիրել են, որպեսզի «Մարդասպանը իմ մեջ» թրիլլերում խաղա Ջոննի Պապպասի դերը, որտեղ նկարահանվել է Հոլիվուդյան աստղեր Քեյսի Աֆֆլեկի, Քեյթ Հադսոնի և Ջեսիկա Ալբայի հետ։
2008 թվականի աշնանը ընդունվել է Նյու Յորքի համալսարան։
Ֆիլմագրություն խմբագրել
- 1997 — Հենրի Ֆուլ — Նեդ Գրիմ
- 1998 — Մոնտանա — երեխա
- 1998 — Իմ հիացմունքի օբյեկտը — Նատան
- 1998 — Խորթ մայրը — Բեն Հարրցիոն
- 1998 — 2009 — Օրենք եւ կարգ — տարբեր դերեր
- 2000 — Ես երազում էի Աֆրիկայի մասին — Էմմանուել Գալլմանն
- 2001 — Քաղցր նոյեմբեր — Էնբեր
- 2002 — Անիծված ճանապարհ — Փիթեր Սուլլիվեն
- 2003 — Բրդոտ, հատուկ նշանակության ջոկատ — Օուն Բեյկեր
- 2004 — Լեմոնի Սնիկետ։ 33 անհաջողություն — Կլաուս Բոդլեր
- 2006 — Ֆեյ Գրիմ — Նեդ Գրիմ
- 2009 — Մարդասպանը իմ մեջ — Ջոննի Պապպաս
- 2012 — Արդեն երեխաներ չեն — Պարոն Ուիլ
- 2013 — Ինչպես լինել տղամարդ — Բրայան
- 2014 — Նեդ Ռալֆ — Նեդ Ռալֆ
Հետաքրքիր փաստեր խմբագրել
- Լիամը մրցել է Հարրի Փոթերի դերի համար, բայց պարտվել է Դենիել Ռեդքլիֆին, ով ծնանդուվ Միացյալ Թագավորություններից է։
- Իր ամբողջ կյանքում առաջադրվել է մրցանակի 5 անգամ, բայց ընդամենը ստացել է 1 մրցանակ «Խորթ մայրը» ֆիլմում կատարած դերի համար։
- «Լեմոնի Սնիկետ։ 33 անհաջողություն» ֆիլմի Կլաուսի դերի համար Լիամը երկար ժամանակ աճեցրել է մազերը