Լեռնահովիտ (համայնք, Քաշաթաղի շրջան)
- Անվան այլ կիրառումների համար տե՛ս՝ Լեռնահովիտ (այլ կիրառումներ)
Լեռնահովիտ, համայնք Արցախի Հանրապետության Քաշաթաղի շրջանում[2][3]։ Ներկայում համայնքի ամբողջ տարածքը գտնվում է Ադրբեջանի զինված ուժերի վերահսկողության ներքո[4][5][6][7] և Արցախի Հանրապետության կողմից համարվում է օկուպացված[1]։
Երկիր | Արցախի Հանրապետություն |
---|---|
Կարգավիճակ | Համայնք |
Մտնում է | Քաշաթաղի շրջան |
Ներառում է | Լեռնահովիտ գյուղ, Շրվական գյուղ, Սպիտակաջուր գյուղ, |
Վարչկենտրոն | Լեռնահովիտ գյուղ |
Հիմնական լեզու | Հայերեն |
Բնակչություն (2015) | 125 |
Տարածք | 6363,4 հա |
Ժամային գոտի | +4 |
Աշխարհագրություն խմբագրել
Համայնքը տեղաբաշխված է Արցախի Հանրապետության արևմտյան մասում։ Ունի բարձրլեռնային տեղանք։ Համայնքի տարածքը 6363,4 հա է, որից 2845,2 հա-ն անտառային հողեր են։ Համայնքի մոտով է հոսում Հոչանց գետը[2]։
Բերձոր շրջկենտրոնից հեռու է 54 կմ, իսկ մայրաքաղաք Ստեփանակերտից` 104 կմ[2]։
Վարչատարածքային բաժանում և համայնքային կյանք խմբագրել
Համաձայն Արցախի Հանրապետության վարչատարածքային բաժանման՝ Լեռնահովիտ համայնքն իր մեջ ներառում է Լեռնահովիտ, Շրվական և Սպիտակաջուր գյուղերը[2]։
Համայնքում գործում էր գյուղապետարան, միջնակարգ դպրոց[2]։
Համայնքն ապահովված էր էլեկտրաէներգիայով, հասանելի էին բջջային, ինտերնետ կապի միջոցներն ու ռադիոհեռուստատեսությունը[2]։
Գործում էր ինքնահոս ջրամատակարարման համակարգ, որը սնվում էր բազմաթիվ ակունքներից։ Առկա են նաև խմելու ջրի համար պիտանի մշտական գործող աղբյուր-առվակներ[2]։
2015 թվականի դրությամբ համայնքային ճանապարհները բնահողային էին[2]։
Համայնքը միացված էր հանրապետության տրանսպորտային կապին[2]։
Բնակչություն խմբագրել
Լեռնահովիտ համայնքի բնակչությունը 2015 թվականի դրությամբ կազմել է 125 մարդ, որոնք ձևավորել են 34 տուն։ Նույն թվականի դրությամբ Լեռնահովիտ գյուղում բնակվել է 56 մարդ, որոնք կազմել են 16 տուն։ Շրվական գյուղում բնակվել է 24 մարդ, որոնք կազմել են 7 տուն։ Սպիտակաջուր գյուղում բնակվել է 45 մարդ, որոնք կազմել են 11 տուն[2]։
Կրթություն խմբագրել
Լեռնահովիտ համայնքում գործում էր միջնակարգ դպրոց, որտեղ 2015 թվականի դրությամբ սովորում էր 24 աշակերտ[2]։
Տնտեսություն խմբագրել
Համայնքի բնակչությունը հիմնականում զբաղվել է գյուղատնտեսությամբ՝ հողագործությամբ և անասնապահությամբ։ Համայնքի տարածքի 3227,8 հա-ը գյուղատնտեսական նշանակության են[2]։
Ծանոթագրություններ խմբագրել
- ↑ 1,0 1,1 Արցախի տարածքները համարվում են օկուպացված Ադրբեջանի կողմից. ԱՀ ԱԺ հայտարարությունը, (արխիվացված 05․04․2021թ․)
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 Հակոբ Ղահրամանյան, Տեղեկատու Արցախի Հանրապետության վարչատարածքային միավորների սոցիալ-տնտեսական բնութագրերի, Երևան, Ճարտարագետ, 2015 թ.։
- ↑ «Արցախի Հանրապետության բնակավայրերի ցանկը հանրապետության Ազգային ժողովի կայքում (Արցախի Հանրապետության օրենքը երկրի վարչատարածքային բաժանման մասին, 25 մարտի 2005 թ., ք.Ստեփանակերտ, ՀՕ-178, ստորագրված նախագահ Ա․Ղուկասյանի կողմից)։». Արխիվացված է օրիգինալից 2016 թ․ մարտի 4-ին. Վերցված է 2021 թ․ մարտի 14-ին.
- ↑ Արցախի Հանրապետության այն բնակավայրերի ցանկը, որոնք գտնվում են Ադրբեջանի զինված ուժերի վերահսկողության ներքո /հրապարակված Արցախի Հանրապետության Տարածքային կառավարման և ենթակառուցվածքների նախարարության կողմից/, (արխիվացված 05․03․2021թ․)։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը»։
- ↑ «Հրապարակվել է Արցախի՝ Ադրբեջանի հսկողության տակ անցած համայնքների և բնակավայրերի ցանկը», (արխիվացված)։
- ↑ «Ադրբեջանի վերահսկողության տակ անցած՝ Արցախի համայնքների և բնակավայրերի ցանկը»։