Լեոնա Լյուիս

Լեոնա Լուիզ Լյուիս (անգլ.՝ Leona Louise Lewis, ապրիլի 3, 1985(1985-04-03), Լոնդոն, Մեծ Լոնդոն, Միացյալ Թագավորություն), բրիտանացի երգչուհի, 2006 թվականին հաղթել է բրիտանական «The X Factor» հեռուստատեսային շոուի երրորդ եթերաշրջանը։

Լեոնա Լյուիս
Ի ծնե անուն	բրիտանական անգլերեն՝ Leona Louise Lewis
Ծնվել է	ապրիլի 3, 1985(1985-04-03) (38 տարեկան) Լոնդոն, Մեծ Լոնդոն, Միացյալ Թագավորություն
Երկիր	Միացյալ Թագավորություն
Ժանրեր	փոփ
Մասնագիտություն	երգչուհի, երգերի հեղինակ, դերասանուհի և հեղինակ-կատարող
Գործիքներ	վոկալ
Լեյբլ	CBS Records? և Syco Music
Կրթություն	Սիլվիա Յանգի թատրոն դպրոց, Թատերական արվեստի Իտալիա Կոնտի ակադեմիա, Corona Theatre School? և ԲՐԻԹ դպրոց
Պարգևներ	The Record of the Year?
Կայք	leonalewismusic.com
Leona Lewis Վիքիպահեստում

Կենսագրություն

Վաղ տարիներ

Լեոնա Լյուիսը ծնվել է Լոնդոնի Իզլինգթոն թաղամասում՝ աֆրո-գայանացի Օրալ Խոսիա Լյուիսի և ուելսական-իռլանդական-իտալական ծագմամբ Մարիա Լյուիսի ընտանիքում։

Լեոնա Լյուիսը սովորել է Լոնդոնի կատարողական արվեստի և տեխնոլոգիայի դպրոցում, որտեղ սովորել է նվագել կիթառ և դաշնամուր և սկսել գրել իր առաջին երգերը։

Երաժշտական գործունեություն

Լեոնա Լյուիսի առաջին սինգլը` «A Moment Like This»` թողարկված 2006 թվականի դեկտեմբերին, սահմանել է համաշխարհային ռեկորդ. թողարկման առաջին 30 րոպեի ընթացքում համացանցից ներբեռնվել է ավելի քան 50 000 անգամ։ Նրա երկրորդ սինգլը` «Bleeding Love», 2007 թվականին Մեծ Բրիտանիայում առավել վաճառված է եղել։ Առաջին ալբոմը` «Spirit», թողարկվել է 2007 թվականի նոյեմբերին և դարձել առավել արագ վաճառվող առաջնելութային ալբոմն ինչպես Մեծ Բրիտանիայում, այնպես էլ Իռլանդիայում։ «Spirit»-ի թողարկման առաջին օրվանից ի վեր վաճառվել է 130 հազար օրինակ` գերազանցելով բրիտանական հիթ-շքերթի թոփ 10-ի մնացած ինը ալբոմների ընդհանուր տպաքանակը։

2008 թվականի գարնանը Լյուիսը նաև հաջող կերպով առաջնելույթել է Միացյալ Նահանգներում, երբ «Bleeding Love» սինգլը և «Spirit» ալբոմը «Billboard» ամսագրի հիթ-շքերթներում զբաղեցրել են առաջին հորիզոնականները։ Այդպիսի հաջողություն բրիտանացի երաժիշտները տասնյակ տարիներ շարունակ չեն կարողացել գրանցել Միացյալ Նահանգներում։

2008 թվականի օգոստոսի 24-ին Լեոնան մասնակցել է «Ամառային օլիմպիական խաղեր 2008»-ի փակման արարողությանը։ Ջիմի Փեյջի հետ նա կատարել է 1969 թվականին թողարկված «Led Zeppelin II» ալբոմից «Whole Lotta Love» երգը։

Բարեգործական գործունեություն

2010 թվականի փետրվարին Լեոնա Լյուիսը մի քանի խաղադրույք է կատարել «eBay»-ի աճուրդում, որոնցից գլխավորը երգչուհու հետ համատեղ ընթրիքն է։ Աճուրդից ստացված գումարն օգտագործվել է Հայիթիում տեղի ունեցած երկրաշարժի զոհերին օգնելու համար։

Կենդանիների պաշտպանության համար շարժում

Լեոնա Լյուիսին շատ մտահոգում է ժամանակակից աշխարհում կենդանիների վիճակը. տեսակների ոչնչացում, կենդանիների նկատմամբ դաժան վերաբերմունք, զարգացած երկրներում մսի` չափից ավելի օգտագործման բնապահպանական հետևանքներ և այլն։ Նա ակտիվորեն մասնակցում է կենդանիների պաշտպանության բազմաթիվ բարեգործական ծրագրերի և քարոզում հրաժարվել միս օգտագործելուց։

Ամեն երկուշաբթի Լեոնա Լյուիսը պահպանում է «Meat Free Monday»-ը (Առանց մսի երկուշաբթի), որը Փոլ ՄաքՔարթնիի նախաձեռնած սննդային արշավն է։ Արշավի նպատակն է աստիճանաբար դրականորեն ազդել կլիմայի վրա՝ շաբաթական մեկ օր անցկացնելով առանց մսի։ Լեոնան իր բլոգում երկրպագուներին հորդորում է հետևել այս օրվան։

2009 թվականի աշնանը Լեոնա Լյուիսը Քենսինգթոն քաղաքում գտնվող «Sony Music Studio»-ում նկարահանված տեսահոլովակում հանդիսավոր կերպով հայտարարել է Կենդանիների համընդհանուր հռչակագրին (UDAW) աջակցելու մասին, որը ներկայացվել է Կենդանիների պաշտպանության համաշխարհային հասարակության կողմից (անգլ.՝ WSPA):

2010 թվականի մայիսի 14-ին Լեոնա Լյուիսը «WSPA» կազմակերպության համար նվիրաբերել է երկու տոմս յուրաքանչյուր քաղաքում կայանալիք համերգի համար, որի ընթացքում նա ելույթ է ունենալու Մեծ Բրիտանիայի և Իռլանդիայի առաջին շրջագայության ժամանակ։ Տոմսերը խաղարկվել են մրցույթում, որին մասնակցելու համար անհրաժեշտ էր առնվազն 2 ֆունտ նվիրաբերել «WSPA» հիմնադրամին։

Անձնական կյանք

2019 թվականի հուլիսի 27-ից Լեոնա Լյուիսն ամուսնացած է պրոֆեսիոնալ պարող Դենիս Յաուխի հետ, որի հետ մինչ հարսանիքը հանդիպել է 9 տարի։

Սկավառակագրություն

Ստուդիական ալբոմներ

• «Spirit» (2007)
• «Echo» (2009)
• «Glassheart» (2012)
• «Christmas, with Love» (2013)
• «I Am» (2015)

Մինի ալբոմներ

• «Hurt: The EP» (2011)

Վիդեո ալբոմներ

• «The Labyrinth Tour Live from The O2» (2010)

Մրցանակներ և պարգևներ

2007

• Ivor Novello Awards - Best Selling British Single («A Moment Like This»)
• Virgin Media Music Awards - Best Track («Bleeding Love»)
• Cosmopolitan Ultimate Woman of the Year - Newcomer of the Year
• The Record of the Year - The Record of the Year («Bleeding Love»)

2008

• MOBO Awards - Best Album («Spirit»)
• MOBO Awards - Best Video («Bleeding Love»)
• MTV Europe Music Awards - Best UK + Ireland Act
• MTV Asia Awards - Breakthrough Artist
• Urban Music Awards - Best Album 2008 («Spirit»)
• Urban Music Awards - Best R&B Act
• Virgin Media Music Awards - Best UK Act
• World Music Awards - Best Pop Female
• World Music Awards - Best New Artist
• Capital Awards - Favourite UK Female Artist
• Britain’s Best - Music Award
• NewNowNext Awards - The Kylie Award: Next International Crossover
• Glamour Woman Of The Year Awards - UK Solo Artist
• Nickelodeon UK Kids Choice Awards - Favourite Song («Bleeding Love»)
• UK Music Video Awards - People’s Choice Award («Bleeding Love»)
• Bambi Award - Shooting Star
• New Music Weekly Awards - Top 40 New Artist of the Year
• Billboard 2008 Year End Award - Best New Artist
• Vh1 Video of the Year - Best Video («Bleeding Love»)

2009

• Swiss Music Awards - Best International Newcomer
• Japan Gold Disc Awards - New Artist Of The Year
• HITO Pop Music Awards - Best Western Song («Bleeding Love»)

2010

• Final Fantasy XIII (PS3) OST. ending theme Leona Lewis - My hands

Արտաքին հղումներ

• Պաշտոնական կայք

Մեդիա ֆայլեր

Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Լեոնա Լյուիս կատեգորիայում։