Լենս Էդվարդ Արմսթրոնգ (անգլLance Edward Armstrong, սեպտեմբերի 18, 1971(1971-09-18)[3][4][5][…], Պլանո), ամերիկացի նախկին խճուղային հեծանվորդ։ Արմսթրոնգը ռեկորդային յոթ անգամ անընդմեջ հաղթել է «Տուր դե Ֆրանս» հեծանվավազքում՝ 1999-2005 թվականներին։ 2012 թվականին Միացյալ Նահանգների հակադոպինգային գործակալության (USADA) կողմից Արմսթրոնգին ցմահ արգելվել է զբաղվել հեծանվավազքով՝ դոպինգի օգտագործման պատճառով։ Հեծանվավազքով զբաղվելուց զատ Արմսթրոնգն հանդիսանում է «Լայվսթրոնգ» հիմնադրամի (սկզբնապես կոչվել է «Լենս Արմսթրոնգ» հիմնադրամ) հիմնադիրը, որը զբաղվում է քաղցկեղով տառապող մարդկանց օժանդակությամբ։ Մասնակցել է 1992, 1996 և 2000 թվականների ամառային օլիմպիական խաղերին։

Լենս Էդվարդ Արմսթրոնգ
Lance Edward Armstrong
Դիմանկար
Արմսթրոնգը 2009-ին
Ծնվել էսեպտեմբերի 18, 1971 (52 տարեկան)
ԾննդավայրԱմերիկայի Միացյալ Նահանգներ Պլանո, Տեխաս, ԱՄՆ
ՔաղաքացիությունԱմերիկայի Միացյալ Նահանգներ
ԱզգությունԱմերիկայի Միացյալ Նահանգներ Ամերիկացի
Կրոնաթեիզմ
ԿրթությունGeneral William J. Palmer High School?, Plano East Senior High School? և Austin College?
ՄասնագիտությունՀեծանվորդ
ԱմուսինՔրիստին Ռիչարդ (1998-2003)
Ծնողներհայր՝ Էդդի Չարլզ Գանդերսոն[1], մայր՝ Լինդա Գեյլ Մունիհեմ[1]
ԿուսակցությունԱՄՆ Հանրապետական կուսակցություն
Պարգևներ և
մրցանակներ
Երեխաներ5 զավակ
Կայքlancearmstrong.com
 Lance Armstrong Վիքիպահեստում

Տասնվեց տարեկան հասակում Արմսթրոնգը սկսում է զբաղվել տրիաթլոնով (սպորտաձև, որում միավորված են լողը, հեծանվավազքը և վազքը) և 1989, 1990 թվականներին դառնում տրիաթլոնի համազգային չեմպիոն։ Պրոֆեսիոնալ հեծանվորդի կարիերան Արմսթրոնգն սկսում է 1992 թվականին՝ պայմանագիր կնքելով «Մոտորոլա» թիմի հետ։ Բազմաթիվ հաջողությունների է հասել 1993-1996 թվականներին։

1996 թվականի հոկտեմբերին Արմսթրոնգի մոտ հայտնաբերվում է ձվարանների չարորակ քաղցկեղ, որը տարածվել էր նրա ուղեղի և թոքերի շրջանում։ Արմսթրոնգը սկսում է անցնել ինտենսիվ բուժում, մասնավորապես կանոնավոր ենթարկվում քիմիաթերապիայի։ 1997 թվականի փետրվար ամսին բժիշկները հայտարարում են, որ Արմսթրոնգը ամբողջովին բուժված է։ Նույն տարի Արմսթրոնգը ստեղծում է «Լենս Արմսթրոնգ» հիմնադրամը, իսկ 1998 թվականից վերադառնում պրոֆեսիոնալ կարիերա՝ նոր պայմանագիր կնքելով «Յու Էս Փոստալ» թիմի հետ։ 2005 թվականի «Տուր դե Ֆրանս» մրցույթից հետո Արմսթրոնգը հայտարարում է թոշակի անցնելը կարիերայից, սակայն կրկին վերադառնում է 2009 թվականին։ 2009-11 թվականների ընթացքում հանդես է եկել «Աստանա», «Յու Սի Այ ՊրոԹիմ» և «Թիմ Ռադիո Շեք» թիմերում։

2011 թվականի փետրվարի 16-ին Արմսթրոնգը հայտարարում է հեծանվորդի կարիերայից հեռանալու մասին, չնայած այդ ժամանակաշրջանում ԱՄՆ դաշնային կառույցները սկսել էին հետաքննել դոպինգի չարաշահման մասին վարկածները։ 2012 թվականի սկզբին Արմսթրոնգը վերադառնում է պրոֆեսիոնալ տրիաթլոն, սակայն նույն թվականի օգոստոսի 24-ին նրան արգելվում է մինչև մահ զբաղվել սպորտով, ինչպես նաև զրկվում է «Տուր դե Ֆրանս» մրցույթներում հաղթած բոլոր 7 տիտղոսներից[6]։ Արմսթրոնգը նախընտրում է չդիմել սպորտի արբիտրաժային դատարան[7] և երբևէ չի արդարանում։ 2013 թվականի հունվարին Արմսթրոնգը հեռուստատեսությամբ հյուրընկալվում է Օփրա Ուինֆրիին և ուղիղ եթերով խոստովանում մեղքը[8]։

Ծանոթագրություններ խմբագրել

  1. 1,0 1,1 1,2 1,3 1,4 Pas L. v. Genealogics — 2003.
  2. Lance Armstrong privé définitivement de sa Légion d'honneur
  3. Internet Movie Database — 1990.
  4. Abt S. Encyclopædia Britannica
  5. Բրոքհաուզի հանրագիտարան (գերմ.) / Hrsg.: Bibliographisches Institut & F. A. Brockhaus, Wissen Media Verlag
  6. «Լենս Արմսթրոնգը ցմահ զրկվում է հեծանվավազքով զբաղվելուց և որակազրկվում է նախկին մրցակցային արդյունքներից». «Usada.org». Վերցված է 2012 թ․ նոյեմբերի 10–ին-ին.
  7. Շեյն Ստոքս (2012 թ․ դեկտեմբերի 29). «Արմսթրոնգը չի դիմում արբիտրաժային դատարան». Velonation.com. Վերցված է 2013 թ․ հունվարի 2-ին.
  8. «Լենս Արմսթրոնգը մաքուր է դուրս գալիս». ESPN.com. 2013 թ․ հունվարի 17. Վերցված է 2013 թ․ հունվարի 18-ին.

Արտաքին հղումներ խմբագրել