Վազք, տեղաշարժման եղանակ, երբ իրանը «մեկ հպվում է գետնին՝ մի ոտքով, մեկ գտնվում է օդում» (քայլքի ժամանակ մարմինը մշտական հենման կետ ունի գետնի հետ մեկ կամ զույգ ոտքով)։ Վազքը ֆիզդաստիարակության առավել տարածված և արդյունավետ համարվող միջոց է։ Թեթև աթլետիկայի հիմնական մարզաձևն է, համարվում է գրեթե բոլոր մարզաձևերի բաղկացուցիչը։

Վազք
Ludovic and Lauren (8425515069).jpg
Տեսակցամաքային շարժ, սպորտ, Ֆիզիկական վարժություն և հենաշարժական հմտություն
Տարբերվում էrunning?, jogging?, running disciplines of track and field?, Running?, Laufen?, Renning? և Corsa?
Running Վիքիպահեստում
Վազք

Վազքի մրցումներ անցկացվել են Հին Եգիպտոսում, Հին Հունաստանում, Ասորեստանում։ Երկար ժամանակ եղել է օլիմպիական և մյուս խաղերի միակ մարզաձևը։ Միջնադարում պարտադիր կերպով մտել է ասպետների և հոգևորականների ֆիզդաստիարակության ծրագրերի մեջ։ Պաշտոնական առաջին մրցույթները տեղի են ունեցել Անգլիայում։ Տարբերակվում են հարթ (վազքուղիներ և այլ հարթ տեղանք) և խոչընդոտներով (արհեստական, բնական արգելքների հաղթահարում, կրոս) վազք։

Դասական ձևերն են․ տղամարդկանց համար՝ կարճ տարածություն (սպրինտ, )ար, միջին տարածություն (մ), երկար տարածություն (ստայերային․ 3000, 5000, 10000 մ), մաթոնյան վազքը (42 կմ 195 մ), խոչընդոտների հաղթահարումով (110, 400 մ), ստիպլ-չեյս (3000 մ), փոխանցումային, կանանց համար՝ 100, 200, 400, 800, 1500 մ, խոչընդոտների հաղթահարումով (100 և 400 մ) և փոխանցումային։ Նշված ձևերը ընդգրկված են խոշոր մրցույթների և օլիմպիական խաղերի ծրագրում։

Հին Հայաստանում վազք եղել է ժողովրդական տոնախմբությունների բաղկացուցիչ մասը, մեծ տեղ է հատկացվել հատկապես Նավասարդյան խաղերում։ ՀԽՍՀ-ում 1984 թվականին վազքով զբաղվել է շուրջ 45 հազար մարդ։ Հայաստանի վազորդներից մարզական հաջողություններ են ունեցել Գ․ Ալավերդյանը, Ա․ Կոնովը (ԽՍՀՄ բազմակի չեմպիոն, Հռոմի օլիմպիական խաղերի մասնակից), Է. Ոսկանյանը, Ե․ Առաքելյանը, Ա․ Միկոյանը։ 1972 թվականից Երևանում գործում է վազքասերների «Եվա» ակումբը (նախագահ՝ Մ․ Մարգսյան), որը նպաստում է աշխատավորության առողջապահական գործի բարելավմանը։ Նմանատիպ ակումբներ են գործում նաև Գյումրիում,Վանաձորում, Էջմիածնում, Սևանում և այլ քաղաքներում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 227 CC-BY-SA-icon-80x15.png