Լեյդենի համալսարան

Լեյդենի համալսարան (հոլ.՝ Universiteit Leiden) կամ Լեյդենի ակադեմիա, Նիդերլանդների ամենահին համալսարանը, որը գտնվում է Լեյդեն քաղաքում։

Լեյդենի համալսարան հոլ.՝ Universiteit Leiden
Տեսակ	համալսարան
Նախկին անվանումներ	Rijksuniversiteit Leiden
Կարգախոս	Libertatis Praesidium
Հիմնադրված է	փետրվարի 8, 1575
Հիմնադրիր	Վիլհելմ I Օրանացի
Ռեկտոր	Hester Bijl?
Ուսանողներ	25 800 (2015-2016)
Ընդհանուր անձնակազմ	5500
Անդամակցություն	Կոիմբրայի խումբ, ORCID, IIIF Consortium, Նիդեռլանդների համալսարանների միություն, Stichting Academisch Erfgoed, Եվրոպայի համալսարանների միություն, ArXiv և League of European Research Universities?
Երկիր	Նիդերլանդներ
Տեղագրություն	Լեյդեն
Կայք	universiteitleiden.nl
Լեյդենի համալսարան (Նիդեռլանդներ) Լեյդենի համալսարան, Նիդեռլանդներ
Leiden University Վիքիպահեստում

Համալսարանը հիմնադրվել է 1575 թվականին արքայազն Վիլհելմ I Օրանացու կողմից, ով Ութսունամյա պատերազմի ժամանակ Նիդերլանդական հեղափոխության առաջնորդն էր։ 17-րդ դարում համալսարանը Եվրոպայի կալվինիստական կրթության ամենամեծ կենտրոնն էր, նրա հետ են կապված Հյուգո Գրոցիուսի, Յակոբուս Արմինիուսի, Ժոզեֆ Սկալիգերի, Հերման Բուրհավեի և Էլզեվիրի անունները։

Օրանացիների արքայական տունն ու Լեյդենի համալսարանը մինչ այժմ էլ սերտ կապեր են պահպանում։ Վիլհելմինա, Յուլիանա և Բեատրիքս թագուհիները, ինչպես նաև թագիշխան Վիլեմ Ալեքսանդրը այդ համալսարանի ուսանողներ են եղել։ 2005 թվականին Բեատրիքս թագուհին ստացավ Լեյդենի համալսարանի պատվավոր աստիճանի կոչում։

Ներկայումս համալսարանում գործում է 9 ֆակուլտետ, ավելի քան 50 բաժին և 150 կրթական ծրագիր և միջազգային ճանաչում ունի։ Համալսարանի կազմի մեջ մտնում են 40 գիտահետազոտական ինստիտուտներ։ Լեյդենի համալսարան են գալիս սովորելու աշխարհի տարբեր ծայրերից։ Այժմ համալսարանում սովորում է ավելի քան 17000 ուսանող։ Ուսուցողական անձնակազմը՝ 3244 մարդ։

Պատկերասրահ

• 
• 
• 
• 
•