Լեխ Կոնոպինսկի
Լեխ Կոնոպինսկի (լեհ.՝ Lech Konopiński, մարտի 16, 1931, Պոզնան, Լեհաստանի Երկրորդ Հանրապետություն - դեկտեմբերի 13, 2023), լեհ բանաստեղծ, արձակագիր, երգիծաբան, մանկագիր, թարգմանիչ, խմբագիր, տնտեսագիտության դոկտոր (1973), Լեհաստանի գրողների միության, լրագրողների ընկերկցության անդամ անդամ (1962), Ծիծաղի շքանշանի ասպետ, Գլորիա Արտիսի անվան մշակույթի վաստակավոր գործի մեդալակիր։
Լեխ Կոնոպինսկի լեհ.՝ Lech Konopiński | |
|---|---|
| Ծնվել է | մարտի 16, 1931 |
| Ծննդավայր | Պոզնան, Լեհաստանի Երկրորդ Հանրապետություն |
| Վախճանվել է | դեկտեմբերի 13, 2023 (92 տարեկան) |
| Մասնագիտություն | բանաստեղծ, տնտեսագետ և գրող |
| Լեզու | լեհերեն |
| Քաղաքացիություն |  Լեհաստան |
| Կրթություն | Poznań University of Economics? |
| Գիտական աստիճան | տնտեսագիտության դոկտոր |
| Պարգևներ |  և  |
| Կայք | lechkonopinski.pl |
Երկրորդ համաշխարհային պատերազմի շամանակ ընտանիքի հետ ապրել է Վարշավայում։ Հայրը զոհվել է 1944 թվականին, իսկ Լեխը մոր և եղբոր հետ տարհանվել է Գերմանիա՝ հարկադիր աշխատանքի։ Պատերազմից հետո վերադարձել են Պոզնան։
Ավարտել է Պոզնանի տնտեսագիտական համալսարանը։ 1957-1960 թվականներին եղել է «Կակտուս» երգիծական շաբաթաթերթի խմբագիրը, 1960-1965 թվականներին՝ «Gazeta Poznańska» թերթի խմբագիրը։ 1991 թվականին հրատարակել և խմբագրել է «Pyra» երգիծական ամսագիրը, այնուհետև «Filatelista Polski» թերթը։ 2010 թվականից «Warta» մշակութաբանական ամսագրի խմբագիրն է։
Հրատարակել է յոթ տասնակից ավելի գրքեր, որոնցից են՝ «Ակցիաներ և ռեակցիաներ», «Սիրամարգի աչիկները», մանուկների համար՝ «Հեքիաթային պատմություններ», «Կոնոպինսկին մանուկներին» և տասը գրքույկներ (մատենաշար) ամենափոքրերի համար՝ «Անցնելով գործի»։ 500 երգերի տեքստերի հեղինակ է[1]։
Լեխ Կոնոպինսկին հայերեն խմբագրել
- Այո, սիրում եմ։ Որպես ձեռքսեղմում (լեհական պոեզիայի անթոլոգիա), Ե., «Արմավ», 2016, էջ 71-73։ Թարգմ.՝ Գագիկ Դավթյան։
Ծանոթագրություններ խմբագրել
- ↑ Որպես ձեռքսեղմում (լեհական պոեզիայի անթոլոգիա), Ե., «Արմավ», 2016, էջ 71։