Իրինա Մկրտչյան
Իրինա Մկրտչյան (օգոստոսի 12, 1957, Թբիլիսի, Վրացական ԽՍՀ, ԽՍՀՄ), հայազգի գրաֆիկ, գեղանկարչուհի[1]։
| Իրինա Մկրտչյան | |
|---|---|
| Ծնվել է | օգոստոսի 12, 1957 (67 տարեկան) |
| Ծննդավայր | Թբիլիսի, Վրացական ԽՍՀ, ԽՍՀՄ |
| Քաղաքացիություն |  Ռուսաստան |
| Կրթություն | Երևանի պետական համալսարան և Երևանի պետական գեղարվեստա-թատերական ինստիտուտ |
| Մասնագիտություն | նկարչուհի |
| Աշխատավայր | Երևանի պետական գեղարվեստա-թատերական ինստիտուտ |
Կենսագրություն
խմբագրելը ծնվել է 1957 թվականի օգոստոսի 12-ին՝ Թբիլիսիում[2]։ Սովորել է Երևանի պետական համալսարանում, որն ավարտել է 1979 թվականին։ 1980-1984 թվականներին սովորել է Երևանի գեղարվեստա-թատերական ինստիտուտի նկարչության ստուդիայում։ Ուսման ավարտից հետո աշխատանքի է անցել նույն ինստիտուտում՝ Փարավոն Միրզոյանի արվեստանոցում[3]։
1999 թվականից հանդիսանում է Հայաստանի նկարիչների միության անդամ։
1984 թվականից Իրինա Մկրտչյանը մասնակցել է հանրապետական և միջազգային ցուցահանդեսների, հանդիսանում է բազմաթիվ գրաֆիկական ինքնատիպ աշխատանքների հեղինակ։ 1994, 2003 թվականներին Շվեյցարիայում ունեցել է անհատական ցուցահանդեսներ։ Անհատական ցուցահանդես է ունեցել նաև 1995 թվականին՝ Լեհաստանում, 1998 թվականին՝ Երևանում, իսկ 2004 թվականին՝ Բարսելոնայոում[4]։
2007 թվականին տեղափոխվել է Մոսկվա և մասնակցել է բազմաթիվ ցուցահանդեսների։ Նկարչուհին Մոսկվայում ունեցել է նաև չորս անհատական ցուցահանդես։
Ամերիկայի, Եվրոպայի, Ասիայի, Ռուսաստանի, Հայաստանի մասնավոր հավաքածուներում տեղ են գտել Իրինա Մկրտչյանի աշխատանքներից։
Ծանոթագրություններ
խմբագրել- ↑ «ԻՐԻՆԱ ՄԿՐՏՉՅԱՆ (1957), գրաֆիկ - 55-ամյակ» (PDF). nla.am. 2021 թ․ օգոստոսի 12.
- ↑ «Zarkfoundation - Իրինա Մկրտչյան». zarkfoundation.com.
- ↑ «Мкртчян Ирина -художник, живопись, графика, графическая композиция». www.colisart.ru. Վերցված է 2021 թ․ սեպտեմբերի 1-ին.
- ↑ «Мкртчян Ирина | Творческий союз художников России». www.tcxp.ru. Վերցված է 2021 թ․ սեպտեմբերի 1-ին.