Իսայա Շարֆման
Իսայա Լեո Շարֆման (անգլ.՝ Isaiah Leo Sharfman, փետրվարի 19 (մարտի 3), 1886, Պոլոնոե, Խմելնիցկիի մարզ, Ուկրաինական ԽՍՀ - սեպտեմբերի 9, 1969), ամերիկացի տնտեսագետ, Միչիգանի համալսարանի տնտեսագիտության վաստակավոր պրոֆեսոր, 1945 թվականին Ամերիկյան տնտեսական ասոցիացիայի նախագահ։
Իսայա Շարֆման | |
---|---|
Ծնվել է | փետրվարի 19 (մարտի 3), 1886 Պոլոնոե, Խմելնիցկիի մարզ, Ուկրաինական ԽՍՀ |
Մահացել է | սեպտեմբերի 9, 1969 (83 տարեկան) |
Մասնագիտություն | տնտեսագետ |
Հաստատություն(ներ) | Միչիգանի համալսարան |
Պաշտոն(ներ) | նախագահ |
Ալմա մատեր | Հարվարդի համալսարան և Բոստոնի լատինական դպրոց |
Կենսագրություն խմբագրել
Իսայան ծնվել է 1886 թվականի փետրվարի 19-ին Վոլինի նահանգի Նովոգրադ քաղաքում, իսկ 1894 թվականին ընտանիքը տեղափոխվել է ԱՄՆ՝ Բոստոն, իսկ 1903 թվականին Շարֆմանը ստացել է Ամերիկայի քաղաքացիություն[1][2]։
1898-1904 թվականներին սովորել է Բոստոնի լատինական դպրոցում, 1904-1907 թվականներին սովորել է Հարվարդի քոլեջում, որտեղ 1907 թվականին ստացել է արվեստի բակալավրի աստիճան։ 1907-1910 թվականներին սովորել և 1910 թվականին ավարտել է Հարվարդի իրավաբանական դպրոցը՝ ստանալով իրավունքի բակալավրի աստիճան[3]։
Զուգահեռաբար, 1905-1906 թվականներին աշխատել է Բոստոնի Բերդեթ քոլեջում, և 1908-1910 թվականներին եղել է Հարվարդի քոլեջում որպես տնտեսագիտության պրոֆեսորի ասիստենտ։ 1909 թվականին ընդունվել Է Մասաչուսեթս նահանգի փաստաբանների կոլեգիա, և 1909-1910 թվականներին Բոստոնում զբաղվել է ընդհանուր իրավագիտությամբ։ 1912 թվականին վերադարձել է ԱՄՆ՝ դառնալով Հանրային ծառայությունների շուկայի կարգավորման հանձնաժողովում Ազգային քաղաքացիական հիմնադրամի համար գլխավոր քննիչ։
1912-1913 թվականներին դասախոսություններ է կարդացել տնտեսության վերաբերյալ, 1913-1914 թվականներին եղել է պրոֆեսորի ասիստենտի պաշտոնում, իսկ 1914-1955 թվականներին՝ Միչիգանի համալսարանում որպես լրիվ պրոֆեսոր, 1927-1954 թվականներին՝ տնտեսագիտության ամբիոնի վարիչ, իսկ 1947-1955 թվականներին արժանացել է պրոֆեսոր Հենրի Ադամսի պատվավոր կոչմանը։ 1939 թվականին եղել է Սթենֆորդի համալսարանի պրոֆեսոր։ 1955 թվականին թոշակի է անցել և դարձել Բրանդեյի համալսարանի հոգաբարձուների խորհրդի անդամ[3]։
1923-1924 թվականներին Ազգային արդյունաբերական խորհրդաժողովի խորհրդի համար եղել է հակամենաշնորհային քաղաքականության հետաքննության տնօրեն, 1929-1931 թվականներին՝ The American Economic Review խմբագրական խորհրդի անդամ, 1933-1935 թվականներին՝ երկաթուղու զբաղվածության հարցերով խորհրդատվական կոմիտեի անդամ, 1939 թվականին՝ Տնտեսագետների և սոցիոլոգների խորհրդատվական կոմիտեի անդամ, Քաղաքացիական բարեկարգման հարցերով նախագահական կոմիտեի անդամ, 1942-1944 թվականներին՝ Աշխատանքի վետերանների խորհրդի ասոցացված անդամ, 1943-1946 թվականներին՝ Աշխատանքի ազգային խմբի ասոցացված անդամ, 1949-1959 թվականներին՝ նավթային ոլորտի մենագրությունների խմբագրական խորհրդի անդամ։ 1954 թվականին եղել է Միչիգանի գիտությունների, արվեստի և գրականության ակադեմիայի նախագահը։ 1945 թվականին եղել է Ամերիկյան տնտեսական ասոցիացիայի նախագահ, իսկ 1965 թվականին՝ պատվավոր անդամ, 1964 թվականին՝ Բրանդեյ համալսարանի իրավունքի պատվավոր դոկտոր։ 1967 թվականին Շարֆմանի ընտանիքը տեղափոխվել է Վաշինգտոն[3]։
Ընտանիք խմբագրել
Իսայա Շարֆմանն ամուսնացել է 1910 թվականի հուլիսի 7-ին Մինի Շիկեսի հետ։ Նրանք ունեցել են երկու որդի՝ Նելսոն Էյմեսը և Ուորեն Լեոնարդը[3]։
Մրցանակներ խմբագրել
Շարֆմանն իր նվաճումների համար պարգևատրվել է[3]՝
- 1939 թվական - Ջեյմս Ամեսի անվան մրցանակ՝ Հարվարդի իրավաբանական դպրոցի ֆակուլտետում իրավաբանական փաստաթղթերի կազմման համար։
Մատենագրություն խմբագրել
- Sharfman I.L. Introduction to law; selected readings on the character and development of English-American law — Ann Arbor։ Edwards brothers, 1913
- Sharfman I.L. Railway regulation : an analysis of the underlying problems in railway economics from the standpoint of government regulation — Chicago։ La Salle extension university, 1915
- Sharfman I.L. The American railroad problem; a study in war and reconstruction — New York։ The Century Co., 1921
- Sharfman I.L., Bigelow S.L., Wenley R.M. Henry Carter Adams — Chicago։ The University of Chicago Press, 1922
- Sharfman I.L. The Interstate commerce commission; a study in administration law and procedure — New York։ The Commonwealth fund, 1931—1937.
Ծանոթագրություններ խմբագրել
- ↑ Российская Еврейская Энциклопедия Шарфман Исайя-Лео.
- ↑ Bentley Historical Library, University of Michigan Sharfman, I. Leo (Isaiah Leo), 1886-1969.
- ↑ 3,0 3,1 3,2 3,3 3,4 The University of Michigan Isaiah Leo Sharfman. Архивировано из первоисточника 25 փետրվարի 2017.