Իմրան Նազար Հոսեյն
Իմրան Նազար Հոսեյն (Շեյխ Իմրան Հոսեյն, 1942, Տրինիդադ, Տրինիդադ և Տոբագո), իսլամ փիլիսոփա, գիտնական և հեղինակ՝ մասնագիտացած իսլամական կատարածաբանության, համաշխարհային քաղաքականության, տնտեսագիտության, ժամանակակից սոցիալ-տնտեսական և քաղաքական խնդիրների բնագավառներում, միջազգային հարցերի մասնագետ[1]։ «Երուսաղեմը Ղրիմում» գրքի հեղինակն է։
Իմրան Նազար Հոսեյն | |
---|---|
Ծնվել է | 1942 |
Ծննդավայր | Տրինիդադ, Տրինիդադ և Տոբագո |
Քաղաքացիություն | Տրինիդադ և Տոբագո |
Կրոն | իսլամ |
Կրթություն | ալ-Ազհար համալսարան, University of Karachi?, Վեստ Ինդիայի համալսարան, Ժնևի միջազգային հարաբերությունների ինստիտուտ և Aleemiyah Institute of Islamic Studies? |
Մասնագիտություն | փիլիսոփա, դպրոցի ուսուցիչ, գրող և 'ālim |
Կայք | imranhosein.org |
Imran N. Hosein Վիքիպահեստում |
Կենսագրություն խմբագրել
Իմրան Նազար Հոսեյնը ծնվել է 1942 թվականի կարիբյան Տրինիդադ կղզում։ Նրա նախնիները Հնդկաստանից այնտեղ ներգաղթել էին որպես վարձու աշխատողներ։
Ավարտել է Կարաչիի Ալիմիյա ինստիտուտը, սովորել է նաև մի շարք բարձրագույն ուսումնական հաստատություններում, ներառյալ Կարաչիի, Արևմտյան Հնդկաստանի, Ալ-Ազհարի համալսարաններում, Ժնևի միջազգային հարաբերությունների ինստիտուտում։ Որոշ ժամանակ նա եղել է Տրինիդադի և Տոբագոյի արտաքին գործերի նախարարության աշխատակից, սակայն 1985 թվականին թողել է այդ աշխատանքը, որպեսզի իր կյանքը նվիրի իսլամի առաքելությանը։
Իմրան Նազար Հոսեյնը տասը տարի ապրել է Նյու Յորքում, որտեղ աշխատել է որպես Մեծ Նյու Յորքի իսլամական կազմակերպությունների միացյալ կոմիտեի իսլամական հետազոտությունների տնօրեն։ Իսլամի մասին դասախոսել է ամերիկյան և կանադական շատ համալսարաններում, քոլեջներում, եկեղեցիներում, սինագոգերում, բանտերում և հասարակական շենքերում։ Նա նաև քրիստոնյա և հրեա գիտնականների հետ մասնակցել է բազմաթիվ միջկրոնական երկխոսությունների՝ այդպիսով ներկայացնելով իսլամը ԱՄՆ-ում։ Որոշ ժամանակ նա Լոնգ Այլենդի Դար ալ-Ղուրան մզկիթում ծառայել է որպես իմամ։ Նա նաև ղեկավարել է Ջումա’ա ամենշաբաթյա աղոթքները և տասը տարի շարունակ ամեն ամիս քարոզել է Մանհեթենում Միավորված ազգերի կազմակերպության կենտրոնակայանում։
Նա Կարաչիի Ալիմիյա ինստիտուտի նախկին ռեկտոր է, Կարաչիի Համաշխարհային իսլամական կոնգրեսի հետազոտությունների տնօրեն, Մայամիում Իսլամական հետազոտությունների և կրթության ինստիտուտի տնօրեն, Հյուսիսային Ամերիկայում «Տանզիմ-ե-Իսլամի» քարոզչական առաքելության տնօրեն։
1971 թվականին՝ Ալիմիյա ինստիտուտն ավարտելուց հետո, Իմրան Նազար Հոսեյնն ակտիվորեն և շարունակաբար ճանապարհորդել է աշխարհում՝ դասախոսելով իսլամի մասին։ Նա ավելի քան տասը գրքերի հեղինակ է։ «Երուսաղեմը Ղուրանում. իսլամական տեսակետ Երուսաղեմի ճակատագրի մասին» գիրքը նրա բեսթսելլերն է՝ թարգմանված աշխարհի շատ լեզուներով։
Մատենագրություն խմբագրել
- Ոսկե դինար և արծաթե դիրհամ. իսլամը և փողի ապագան («Gold Dinar and Silver Dirham: Islam and the Future of Money»)
Ծանոթագրություններ խմբագրել
- ↑ «Islamic centre the voice for poor Muslims in the world, says scholar | The Brunei Times». Արխիվացված է օրիգինալից 2014 թ․ մայիսի 12-ին. Վերցված է 2020 թ․ սեպտեմբերի 29-ին.
Արտաքին հղումներ խմբագրել
- About Imran Nazar Hosein(անգլ.)(արաբ.)
- Sheikh Imran Hosein: Islam and the West Արխիվացված 2020-01-28 Wayback Machine
- Москва — это Рим
- Срочное сообщение для татар, живущих в Крыму (русский перевод)
- Второе обращение к крымским татарам
- Шейх Имран объясняет непонимающим ситуацию на Украине очень доходчиво ՅուԹյուբում
- Полное выступление шейха Имрана Хосейна в Белградском университете в декабре 2017 г.
Վիքիպահեստն ունի նյութեր, որոնք վերաբերում են «Իմրան Նազար Հոսեյն» հոդվածին։ |