Իլգար Մամեդով
Իլգար Մամեդով (ադրբ.՝ İlqar Məmmədov, հունիսի 14, 1970, Բաքու, Ադրբեջանական ԽՍՀ, ԽՍՀՄ), ադրբեջանցի ընդդիմադիր քաղաքական գործիչ, նախկին քաղբանտարկյալ, Հանրապետական այլընտրանք կուսակցության առաջնորդ[1][2]։
| Իլգար Մամեդով | |
.jpg)
| |
| Կուսակցություն՝ | Հանրապետական այլընտրանք և Azerbaijan National Independence Party? |
|---|---|
| Կրթություն՝ | Մոսկվայի պետական համալսարան և Կենտրոնական եվրոպական համալսարան |
| Մասնագիտություն՝ | քաղաքական գործիչ |
| Ծննդյան օր | հունիսի 14, 1970 (53 տարեկան) |
| Ծննդավայր | Բաքու, Ադրբեջանական ԽՍՀ, ԽՍՀՄ |
| Քաղաքացիություն |  ԽՍՀՄ և  Ադրբեջան
|
| Ինքնագիր | 
|
2013 թվականին Մամեդովը համարվել է երկրի նախագահի հավանական թեկնածուներից մեկը, սակայն նույն տարվա փետրվարին ձերբակալվել է։ Շատ վերլուծաբաններ նշում են, որ Մամեդովը ձերբակալության պատճառը քաղաքական ենթատեսք ուներ[3]։ 2014 թվականի մարտին Մամեդովը դատապարտվել է 7 տարվա ազատազրկման։ Ներկայումս նա գտնվում է անազատության մեջ, չնայած միջազգային հանրության՝ Մամեդովը ազատմանն ուղղված կոչերին։ Մամեդովի ձերբակալությունը դատապարտվել է նաև Մարդու իրավունքների եվրոպական դատարանի կողմից։
Կրթություն և մասնագիտական գործունեություն խմբագրել
1993 թվականին Իլգար Մամեդովը ստացել է քաղաքագիտության բակալավրի աստիճան Լոմոնոսովի անվան Մոսկվայի պետական համալսարանում, իսկ 1997 թվականին քաղաքական տնտեսության մասնագետի մագիստրոսի աստիճան Կենտրոնական եվրոպական համալսարանում։ Մամեդովը աշխատել է ազգային և միջազգային մի շարք կազմակերպությունների համար, ներառյալ Միջազգային ճգնաժամային խմբում։ Գլխավորել է Բաքվի Եվրոպայի Խորհրդի քաղաքագիտության դպրոցի տնօրենի պաշտոնը։
Քաղաքական կարիերա խմբագրել
Մամեդովի քաղաքական կարիերայի սկզբնական մասը կապված է եղել «Հանրապետության այլընտրանքային շարժման» հետ, որտեղ 1998- 2003 թվականներին զբաղեցրել է կուսակցության փոխնախագահի պաշտոնը։ Կուսակցությունը աջ կենտրոնամետ է՝ Դեմոկրատական միջազգային միության անդամ, որին անդամակցում են նաև Գերմանիայի քրիստոնյա-դեմոկրատական կուսակցությունը, Ֆրանսիայի Ժողովրդական շարժման միությունը, Մեծ Բրիտանիայի պահպանողական կուսակցությունը և այլն։ Նա թողել է կուսակցությունը 2003 թվականին՝ քաղաքական տարաձայնությունների պատճառով։
Մամեդովին արգելել են ելույթ ունենալ հեռուստատեսությամբ և ռադիոյով՝ 2009 թվականին մարտի 19-ին կատարած ելույթի համար[4], որը հեռարձակվել է ադրբեջանական ANS TV-ով։ Նա բողոքարկել է այդ որոշումը՝ մեղադրելով Ալիևին ցմահ կառավարման ցանկությունների մեջ։
Տես նաև խմբագրել
Ծանոթագրություններ խմբագրել
- ↑ Greenberg, Ilan (2006 թ․ դեկտեմբերի 26). «Many Azeris see Iranian hand behind wave of unrest». The New York Times. Վերցված է 2009 թ․ նոյեմբերի 18-ին.
- ↑ «Azerbaijan is a very typical Middle Eastern dictatorship». Financial Times. 2011 թ․ մարտի 14.
- ↑ Sultanova, Shahla (2013 թ․ փետրվարի 5). «Two Opposition Leaders Arrested in Azerbaijan Allies say they are being framed for spontaneous protest by exasperated residents of provincial town». IWPR. Արխիվացված է օրիգինալից 2014 թ․ սեպտեմբերի 14-ին. Վերցված է 2014 թ․ սեպտեմբերի 14-ին.
- ↑ https://www.youtube.com/watch?v=DTnWHDG7oeg
 | Վիքիպահեստն ունի նյութեր, որոնք վերաբերում են «Իլգար Մամեդով» հոդվածին։ |